المساعد الشخصي الرقمي

مشاهدة النسخة كاملة : أبداكي من وين.. للاستاذ أزهري محمد علي



بت النيل
26-08-2008, 12:55 PM
أبداكى من وين ..
أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن

أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟

محراب
26-08-2008, 01:05 PM
ما أحلى اختيارك اختي بنت النيل وأنا غلبني فيك الكلام وما عارف أشكرك وأحييك كيف و من وين ـ حقيقة قصيدة جميله وغناؤها أحلى ـ فلك التحية على الاختيار الموفق ،،،،

محمد ناصر
26-08-2008, 02:14 PM
أختيار موفق اختي الرائعه بت النيل أعطاني إحساساً و إنطباعاً على روعة روحك ورقة مشاعرك ورهافة حسك فمشكوره على هذه الكلمات الندية والتحية للمبدع الاستاذ ازهري محمد علي , الف شكر سيدتي ...

خالد الريح
26-08-2008, 02:26 PM
أبداكى من وين ..
أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن

أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟





لكي التحية والسلام المعطر بروائع الراحل مصطفى سيد احمد .. رحمة الله على ..

فدي من القصايد الجميلة التى تغنى بها العبقري مصطفى سيد احمد ..

مشكورة بت النيل .. بس يا ريت لو تعدلي ( ابداكي من وين .. ( للمعنى الصحيح

( ابداك من وين ... ) عشان ما نضيع وزن الاغنية

كذالك فى بقية المقاطع ..

مشكورة ..


احتــرامـــاتي

ود قندتو
26-08-2008, 02:43 PM
روعة مصطفى سيد أحمد لونت القصيدة ومن قبلها روعة الأستاذ الشاعر الأزهري محمد علي
وثنائية خالدة تجسدت في أغان خالدات فينا للأبد
ألا رحم الله الأستاذ مصطفى سيداحمد

شكرا بت النيل
اختيار جميل

د.احمد
30-08-2008, 04:49 PM
http://img222.imageshack.us/img222/1781/news12cw2.gif

محمد زين العابدين
24-01-2009, 12:27 PM
شكراَ على النص الجميل : أبداكي من وين ؟
وتحية أجمل لشاعرنا الرائع الجميل أزهري محمد على ولكل الشعراء الجميلين والمتذوقين بهذا المنتدى السامق الجميل :
ولكم مني هذه القصيدة والتي أرجو لها ان تنال إعجابكم :
******
أقيفي شويه ...
شعر / محمد زين العابدين أبو جديري
******

أقِيفِي شويَّه ..
وهَدِّي حرُوفِكْ فيني الجَارْيَه
عَشَان نِتْنَاقَشْ في الكلمَاتْ
الحِرْدَتْ فاتَتْ ..
في الأحْلامْ النَامَتْ وغَابَتْ
في الحريَّه ..
أقِيفِي شويَّه ..
وقُولي منُو القَطَّعْ أوْصَال شريانِكْ
نَهَّشْ ريدِكْ ..
غَيَّبْ وَعْيكْ في إحسَاسْ كلمَاتِكْ
زي أحْلامُو ..
وخَلَّى دَوَامْ وَعْيَ الأحْلامْ مَنْسِيَّه
أقِيفِي شويَّه ..
وجَاوْبِي سُؤالي الكَاتِلْ فيني
بِدَايْةَ البَهْجَه ..
وقَالِعْ مِنْ شَفَتَّي البَسْمَه هنِيَّه
أقِيفِي شوَيَّه ..
سُؤالي منُو الجَابْ ليكي الخَبَر الكاذِبْ
وقَالْ بالزُّورْ حَاوَلْتَ أخُونِكْ
أعِيشْ كيفِنْ يا إنتِ بدُونِكْ
ومين الواجَهْ للرَصَّاصْ
شَانْ تَسْلَمْ أرْضِكْ ..
ويَسْطَعْ نُورِكْ في الضُّهْرِيَّه
أقِيفِي شويَّه
وخَلِّي دَعَاوِي النَّاس
الشِّرْبَتْ نِيلِكْ ..
وسَرَقَتْ قَمَر الليل
الطَّالِعْ مِنِّكْ ..ضَلَّمْ ليلِكْ
غَنَّتْ ورَقَصَتْ فُوقْ لَشْليلِكْ
وقَالَتْ إنِّكْ فَاقْدَه هَوِيَّه
أقِيفِي شويَّه
وخَلِّي دَعَاوِي النَّاس
الزَّرَعَتْ أرْضِكْ غِشْ ومَكايِدْ
حَفَرَتْ قَلْبِكْ ..
قَاصْدَه تنَقِّبْ عَنِّي وعَنِّكْ
عايَزَه عَوَايِد ..
أكَلَتْ ..شِبْعَتْ ..!!
شِرْبَتْ دَمِّكْ !!
وقَالَتْ مُعْجَبَه بيكي ..؟؟
ومُعْجَبَه بيَّ ..؟؟!!
أقِيفِي شويَّه ..
أقَيفِي شويَّه ..
*****

أبوجاره
24-01-2009, 02:09 PM
ودزين العابدين
كيف حالك يازول
تشكر على الكلام الجميل
أسعفنا برقم هاتفك

halakhojali
24-01-2009, 05:08 PM
لا فضً فوك
والله كلمات ولا أروع ولقيت نفسي سرحت معاها وحسيت
كأني واقفة بينك وبينها وبسمع في العتاب الاحلى من الغزل دة
شكرا على النص الجميل

بت النيل
28-01-2009, 11:45 AM
أقِيفِي شويَّه
وخَلِّي دَعَاوِي النَّاس
الشِّرْبَتْ نِيلِكْ ..
وسَرَقَتْ قَمَر الليل
الطَّالِعْ مِنِّكْ ..ضَلَّمْ ليلِكْ
غَنَّتْ ورَقَصَتْ فُوقْ لَشْليلِكْ
وقَالَتْ إنِّكْ فَاقْدَه هَوِيَّه
أقِيفِي شويَّه
وخَلِّي دَعَاوِي النَّاس
الزَّرَعَتْ أرْضِكْ غِشْ ومَكايِدْ
حَفَرَتْ قَلْبِكْ ..
قَاصْدَه تنَقِّبْ عَنِّي وعَنِّكْ
عايَزَه عَوَايِد ..
أكَلَتْ ..شِبْعَتْ ..!!
شِرْبَتْ دَمِّكْ !!
وقَالَتْ مُعْجَبَه بيكي ..؟؟
ومُعْجَبَه بيَّ ..؟؟!!
أقِيفِي شويَّه ..
أقَيفِي شويَّه ..
*****

زين العابدين..ياالزين... مشكور ك كتير على مرورك وكمان على القصيدة الرائعة جدا
لك التحية