كلمات أغاني الفنان كمال ترباس [الأرشيف] - منتديات الإذاعة السودانية

محمد ناصر

17-11-2008, 09:19 PM

اغالب دمعى واتصبر - اداء كمال ترباس

http://up.sudanradio.info/upradio/upload//11-1-944839459.mp3

اغالب دمعى واتصبر
واقول يا الله صبرنى
على فراقك يا اغلى الناس
سواد حظى الملازمنى

أماني هوانا يا حليلا
وحليل فرحي وهناي معاه
حليلو الاغلى من عيني
حليلو الكنت بتمناه
حليلو العمري ضاع بعده
حليلو المافي زول بيسواه
اعذب قليبي بي دمعه
وفاقد سلوى في ذكراه

مساهر وطرفى جافى النوم
اريت لو مرة طيفو يزور
اشوفو وطلعتو تفرح
تضوى سماى احلى بدور
اعيش لو لحظة بي قربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور

انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمان قالوا الغرام قسمة
حقيقة القسمة ما بالايد
مصيرو الحى يعود تانى
ويهل فى ديارنا اجمل عيد

روعة

18-11-2008, 10:11 AM

التحية لكم الاخوة صلاح محمد وخالد بالجد كلمات جميلة لاول مرة بشوفها مركزين مع العربى وماعارفين انو الاغانى السودانية بهذا الجمال

احمد الزين

18-11-2008, 11:31 AM

تحفة يديكم العافية وفى انتظار المزيد

محمد ناصر

18-11-2008, 11:53 AM

التحية لكم الاخوة صلاح محمد وخالد بالجد كلمات جميلة لاول مرة بشوفها مركزين مع العربى وماعارفين انو الاغانى السودانية بهذا الجمال

تحفة يديكم العافية وفى انتظار المزيد

الأعزاء روعه و أحمد الزين اشكركم على المشاركه والمرور الراقي , تحياتي لكم ...

ABUDOMA

26-11-2008, 02:08 AM

يا اخوان ارجو اضافة المزيد من كلمات الاغانى ويالا الهمة والنشاط وشدوا حيلكم شويه

ABUDOMA

26-11-2008, 02:11 AM

استاذ محمد ناصر
جهد رائع وارجوا اضافة نالت على يدها و كللى ياسحب للبلابل والكابلى وكذلك وسط الدايره لمحمد وردى

محمد ناصر

26-11-2008, 05:48 AM

يا اخوان ارجو اضافة المزيد من كلمات الاغانى ويالا الهمة والنشاط وشدوا حيلكم شويه

ياريت يا abudoma لو وريتنا همتك وساهمت في البوست ده - البوست مفتوح للجميع ونحن من جهتنا ما بنقصر إنشاء الله ...

استاذ محمد ناصر
جهد رائع وارجوا اضافة نالت على يدها و كللى ياسحب للبلابل والكابلى وكذلك وسط الدايره لمحمد وردى

حاضر يا باشا طلباتك أوامر ...

محمد ناصر

23-01-2009, 04:03 PM

أيام صفانا - كلمات محمد بشير عتيق
أداء كمال ترباس

http://www.ma7room.org/up/images/6iiikenslra6dhbnt1.mp3

أذكري ايام صفانا وأذكري
عهد اللقا والليالي الفي حبور

اذكري أوقات صفانا
والليالي الفيها متبادلين وفانا
إصطفينا ظروفنا والحظ إصطفانا
جينا بي كل اقتراح
من حديث يشفي الجراح
بي مغازله بي انشراح
والقمر في ضياه عالق
والنسيم يهدينا أرواح الزهور

كنا داخل روضة مافيش حد سوانا
غير ان القمري يهتف بي هوانا
من اغاريد فنو يسمعنا اسطوانه
اما ارواحنا الخفاف
رافله بي اثواب عفاف
زي عرايس يوم زفاف
والنجوم بعيون تسارق في اشتياق
تنظرنا من خلف الستار

الرياض مبتهجه ضاحك اقحوانا
والزهور نديانه تستقبل أوانا
رانعه يانعه وزاهية في ثوب أرجوانا
والنهر ليها اقترب
والطيور تسجع طرب
وعامله موسيقة قرب
أنحنا صار مجلسنا عامر في طرب
في نشوة في غبطة وحبور

يا أنيس الحسن يا سامي المكانة
من عواطفك حبي لو فاقد مكانه
اهدي لي تفاحه بس او برتكانه
فهي غير شك مرضية
منها اقتبس الضياء
بل اضوق طعم الحياه
انت ملهمني الأغاني
انت مصدر فني
و احساسي وشعوري

محمد ناصر

12-03-2009, 11:13 PM

تايهين في سمر - كمال ترباس

http://up.sudanradio.info/upradio/upload//2837-1-729464522.ram

ما بنسى ليلة كنا تايهين في سمر
بين الزهور
أنا وأنت والنيل والقمر

وين يا جميل يوم كنا تايهين في سمر
من انسنا إتمتعنا بي جني الثمر
كم قلبي بالأنفاس لأنفاسك غمر
والجو سكر من ريك اتعطر خمر

الليل هدأ والجو صفا وغاب الأتر
والنسيم يجيب من توتي أصوات الوتر
أنا يا جميل بي صوت ضميري المستتر
من شعري كم أسمعتك ألحان بي وتر

ما بنسى ليلة كنا في شاطئ النهر
نتعاطى خمر الحب بكاسات الزهر
البدر مزق ظلمتو وسفر ازدهر
في النيل سطع بي نورو إتقطع بهر

أنا بي غرامك يا حبيب دمعي انفجر
انا بي غناك أيقظت سكان الشجر
قبال أراك أنا كنت في حيره وضجر
واليوم حظيت بلقاك يا ظبي الحجر

للتحمـــــــــــــــــــيل .... (http://up.sudanradio.info/upradio/upload//2837-1-729464522.ram)

محمد ناصر

13-03-2009, 08:20 PM

حـور الجنـان - كمـال ترباس

http://upload.201mb.com/pfiles/15044/7or_Aljinan.mp3]7or_Aljinan.mp3

من حـور الجنـان أم أنـت إنسـان الكمـال
هل أنت الملاك جيت توري النـاس الجمـال

سبحان من نشاك حسنه وفـى غايـة الكمـال
يهـواك الجنـوب وإليـك ينـقـاد الشـمـال

ما أظن يحصوا حسنك لو يحصوا عدد الرمال
وبإيه يقدروك يا ملك ملوك عصـر الجمـال

سلطان بهجتـك محـروس بجيـوش الجـلال
ويغار من صفا حسنـك صفـا مـاء الـزلال

فى مراية خدودك أشوف تأكيد سحر الحـلال
وأشوف فى سما حسنك كل يوم يسطع هـلال

صفا ماء الجمال فى مجال جمالك راق وجـال
زى ما الحياء فى عيـون ربـات الحجـال

مـا فعـل السـلاح تفعـل عينـاك النزال
مكسـور الطريـف كسـر قلـوب الرجـال

يا طايل الوريد يا أهيف يا اللي خصمه زال
فيك منظر يحنن وفيك منظر فارس النزال

ليك من الغزالة جبين وقاد وعيون غزال
والحور من مناصبها لي قدرك تكتب نزال

شاركت الغمام والموج مناظر وارتحال
شاركت الظبى في نفرتن والاكتحال

شاركت القلوب في موضعهن على كل حال
نفداك بالنفوس وفدا النفوس كان المحال

للتحمـــــــــــــــــــيل .... (http://upload.201mb.com/pfiles/15044/7or_Aljinan.mp3]7or_Aljinan.mp3)

شهريار

14-03-2009, 12:56 PM

جاي تفتش الماضي - كمال ترباس

http://up.sudanradio.info/upradio/upload//2896-1-286599031.ram

جاي تفتش الماضي
خلاص الماضي ولى زمان
وجفت مقلتي الباكية
ونامت من سنين أحزان
**********
أرجع بالزمن مرة
واتذكر حكايتي معاك
تلاقي القصة جد مرة
وهل راعيت شعور مضناك
وكل ما تزيدني في هجرك
أقول ليك زيدني ما أحلاك
لا نفع التوسل ليك
ولا حرماني يوم هماك
**********
جيت تترجى بالدمعات
أسامحك انسى أغفر ليك
واجفف دمعك الغالي
مسامحك ما عشان عينيك
عشان تتعلم الغفران
وتصفح لو زمن جار بيك
وحاول لو قدرت كمان
تقدر رقة الحابيك
***********
وعزة نفسي مابية علي
أسلم قلبي ليك تاني
سنين الهجر بيناتنا
وحاجات تانية حامياني
ولو رجع الحنين عاود
وليك من تاني وداني
ولومكتوب علي أحب
بحب إنسان يكون تاني

للتحمـــــــــــــــــــــيل .... (http://up.sudanradio.info/upradio/upload//2896-1-286599031.ram)

محمد ناصر

14-03-2009, 01:51 PM

تسلم شهريار , ما عدمناك إن شاء الله ....

محمد ناصر

03-07-2009, 04:33 PM

ما ليّ غيرك حياة - كمال ترباس

http://up.sudanradio.info/upradio/upload//6229-1-373240703.ram

ما ليّ غيرك حياة
يا اسمر يا رمز الضياء
أنت حياتي

يا فاهم يا دارس
معنى الحياة
من أدبك ليك حارس
من غير رياء
يا باسم يا ناعس
يا ملاك يا لابس
توب الحياء
انت حياتي

في حسنك الملون
وكم من سحر مكون
واحد نعاس في جفونك
واحد ظهر في عيونك
واحد مشرب لونك
أعجبت بيهو
ونظمت فيهو
روحي وغنياتي

ما شوهوك بفصادة
على الخدود السادة
طبيعى خلقة ربك
ما داير زيادة
مع لونك الاسمر
ورد الخدود محمر
لا بودرة لا احمر
ألوان محاسنك
زى ما هي ياها

للتحمــــــــــــــــــــيل .... (http://up.sudanradio.info/upradio/upload//6229-1-373240703.ram)

alshatrabi

03-07-2009, 10:25 PM

تسلم يالذيذ

محمد ناصر

02-10-2009, 01:32 PM

كفاك ما تبكي يا عيوني - كمال ترباس

http://www.alrawnaq.net/up/uploads/files/alrawnaq-71fa4cb999.mp3

أتاريهم نسوا الريده
و نسوها حتي نسوني
كفاك ما تبكي يا عيوني
خلاص ما تبكي يا عيوني

كفاك يا عيوني ما تبكي
والجافاكي ما تسُكي
ما تتألمي و تشكي
الساب الحنان فكيه
حقيقه الريده بتبكي
خلاص ما تبكي يا عيوني
كفاك ما تبكي يا عيوني

كفاك ياعيوني ما تعبتي
حتي اليله ده غلبتيه
منو نهلتي و شربتي
سابك و ما حصل سبتي
خلاص ما تبكي يا عيوني
كفاك ما تبكي يا عيوني

للتحمـــــــــــــــــــيل .... (http://www.alrawnaq.net/up/uploads/files/alrawnaq-71fa4cb999.mp3)

عبدالرحمن محمد مختار

13-11-2009, 10:36 PM

روعة والله حاجة تمام ادينا من حاجات ذى دى

البراء

13-11-2009, 10:44 PM

مشكور ياود ناصر

محمد ناصر

20-12-2009, 06:08 PM

صـدقني مابقدر اعيد - كمال ترباس

http://upload.arab-nic.com/pfiles/39761/16711.mp3]16711.mp3

صـدقني مابقدر اعيد
قصة غرام بالشوق مضت
رحلة عذاب دابه انتهت
كيف تاني ترجع من جديد

من عمري اديتك كتير
اخلصت ليك وانت بتغير
والغيره كم فرقت قلوب
وطريقها كان مخضر نضير

من بدري خليتك انا
ونسيتها عشرت كم سنه
ما انت ضيعت الهنا
كل السعاده العندنا
كتبت لي ريدنا الفنى
وبقت النهايه المحزنه

الليله بتقول نبتدي
لازم انا ..
انسى الحصل وليك اجي
يفرح عمرنا وينتشي
إنت فاكر حبي ليك لسه ندي
انا حبي ليك بدري انتهي
وزي الما كان بيناتنا شي
اعذرني ما بقدر اجي

للتحمـــــــــــــــــــــــــيل ....... (http://upload.arab-nic.com/pfiles/39761/16711.mp3]16711.mp3)

alshatrabi

20-12-2009, 11:18 PM

يازول ياراقي يديك العافية

عابر طريق

21-12-2009, 04:23 AM

http://up.sudanradio.info/upradio/upload//10521-1-710599815.gif (http://up.sudanradio.info/)

لك التحية يازعيم ودناصر

دائما راقي

تحياتي

الرزيقي

21-12-2009, 09:15 AM

من عمري اديتك كتير
اخلصت ليك وانت بتغير

محمد ناصر .
دايما بتبدع في الزمن المناسب
لك التحية وللرائع ترباس

الرزيقي

21-12-2009, 09:23 AM

طلب ياود ناصر
نزل لي اغنية
انت المهم الناس جميع ما تهمني
تحياااتي

محمد ناصر

06-01-2010, 07:04 PM

السمحه يا ستهم - كمال ترباس

http://upload.arab-nic.com/pfiles/41071/Ya_Setahom.mp3]Ya_Setahom.mp3

حسنك يفوق حد الخيال
كيفن محاسنك اعدهم
السمحه يا ستهم

حسدوك هم يا ستهم
لما الصفات عددتهم
لو ما الظروف وخوف الملام
في هواك كان كلمتهم
كان قلت إسمك للأنام
وبُحت بي سر الغرام
وعشت الليالي العشتهم

شافوك هم يا ستهم
غنوك معاي في سرهم
عرفوا الجمال وأحلى الخصال
كل المعاني الردتهم
قالوا المحال رقه ودلال
والجيد طويل وعيون غزال
والبسمه فيك يا ستهم

وين الحروف يا ستهم
صعبن عليّ ما عرفتهم
ارجع وأقول دونك تحول
سجع القوافي الشفتهم
لو قلت زول ما زيو زول
مابوفي زول او ليك اقول
والله ستي وستهم

للتحمـــــــــــــــــــــــــــــيل ........ (http://upload.arab-nic.com/pfiles/41071/Ya_Setahom.mp3]Ya_Setahom.mp3)

احاسيس مرهفة

06-01-2010, 07:32 PM

الف شكر لك
تحياتي اليها

محمد ناصر

06-01-2010, 07:41 PM

الف شكر لك
تحياتي اليها
و1000 شكر على مرورك

وتحياتي له .. :shutup:

عابر طريق

06-01-2010, 09:13 PM

لك التحية وانت تعطرنا
..وتثنى علينا .. وترعنا ونحن نكبر خطوة ب( خطوة
بكل جميل

كى نرتقى

تحياتى ياملك

وتحياتي لـــــــــــــــــــ:bye1:ــــــــهم:tears:

د.احمد

06-01-2010, 11:07 PM

الغالى محمد ناصر
لك الشكر و التقدير
ايها الرجل الراقى

محمد ناصر

11-01-2010, 07:32 PM

أعزائي اصدقاء المكتبه الصوتيه , شكراً لمروركم وتعليقاتكم الجميله , ما عدمناكم إن شاء الله .............

د.احمد

13-01-2010, 08:48 AM

أعزائي اصدقاء المكتبه الصوتيه , شكراً لمروركم وتعليقاتكم الجميله , ما عدمناكم إن شاء الله .............
نحن من نشكرك على هذه الدرر

محمد ناصر

20-01-2010, 07:11 PM

أضيع انا - كمال ترباس

http://upload.arab-nic.com/pfiles/42444/Adhee3_Ana.mp3]Adhee3_Ana.mp3

اضيع انا وقلبى يزيد عناهو
فليحيا محبوبى ويبلغ مناهو

سالت جارو عن راحتو وهناهو
قال لى دة جاهل امو معجناهو
وحيات صبابتك لو تسمع غناهو
تقول دة بلبل ناح فاقد جناهو

مرات في الحديقة يكون جالس براهو
الازهار امامو .. والانهار وراهو
بالورد والياسمين عامل ضراهو
ده محجب .. ده نافر.. الزول كيف يراهو

شاهدنا الطبيعة امتزجت لى حداهو
بساط الورد والفل ده مطرزاهو
ارسل ليهو قلبي ويرسل لي شذاهو
اطيع اوامره .. واتحمل اذاهو

للتحمــــــــــــــــــــــــــــــــــيل ......... (http://upload.arab-nic.com/pfiles/42444/Adhee3_Ana.mp3]Adhee3_Ana.mp3)

بيت النيل

31-01-2010, 07:28 PM

تسلم يا حبييييييييييييييييييييب

معتز عثمان

18-08-2010, 12:39 PM

يديكم العافية شباب

درر قمتم بنثرها

لقد امتعتونا

تسلموا

الكوماوي

26-08-2010, 08:51 PM

يازول ياراقي يديك العافية

ويديك العافية يا شاطرابى

ساره عزت دياب

29-09-2010, 03:28 PM

انت المهم
كلمات الشاعر عبد العال السيد

انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير
وجمال رهيب
ودلال عجيب
ريّح شقايا وجمّني
جاييك شعاع
نجمه وشراع
نسيني يا عمري الضياع
انا لسه تايه دلّني
قول ليا قول
يا احلى زول
خلي الحزن يرحل يزول
لو كنت جد بتعزّني
انا ليك وبيك
مداح عيونك ومشتهيك
مهما تجور بنزف واجيك
لا بقسى لا بزعل عليك
لانك انت تهمني

ساره عزت دياب

29-09-2010, 03:30 PM

أبوى

أبوى انشاء الله لي تسلم
ابوي يالطيب الانسان ويا دراق
سيوف الهم
حنين كلك سماحه وفال
وفيكا مهابة الابطال
والقلب الكبير يا يابه
فيهو براءة الاطفال
ملان حنيه يا يابه
واراده تفتت الصخره
وعامر ديمه بالإيمان
وزى الوادي فى الصحراء
تدل التائهه الطشه
وتبقى قداحه للضيفان
تعشى اللسه ما اتعشى
ابوى قادوس سواقى النيل
ونخلاتن تهش للدنيا شاربات
همبريب الليل
سديد رايك أبويا يا أب راي

ويالقلبك تملى معاي
ومهما اقول عليك من قول
ابوى ما بيوفي ليك غناي