المساعد الشخصي الرقمي

مشاهدة النسخة كاملة : بوح خاص جداً



خالد قنديل
16-08-2006, 01:48 PM
الى ا.ل.ع.ز.ي.ز.ة.
ده الجانى منك ومن تباريح الهوى ،
وصفو بصعب يا جميل
وبعدت عنك ، ولما طال بى النوى ،
بقى لى أسيبك مستحيل ،
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتى ، او حتى فى عز المنام
ويبقى اسمك هو الغنا
هو البجفف لى عذابات الضنى
ما الشفتو منك يا منى الروح يا أنا ،
وصفو بصعب يا جميل ....
وبعدت عنك .... ولما طال بى النوى
بقى لى أسيبك مستحيل
***
بشكى ليكم يا مظاليم الهوى
أصلى مجروح مرتين ،
يمكن القى الزيى فيكم
ضاق جراح الحب ومتعذب سنين
ويمكن القى وصفة تنفع ..
ولا يمكن القى حاجة تخفف الجرح القديم ..
حاجة تشفع ..
**
ده الجاني منك ومن تباريح الهوى
وصفو بصعب يا جميل
وبعدت عنك ، ولما طال بي النوى
بقى لى أسيبك مستحيل

وعد الديار
17-08-2006, 11:26 AM
الله يديك العافية يا خالد .. بالمناسبة دي واحد من أجمل ما غنى الأستاذ/ محمد ميرغني.. وياريت ألقى عندك كمان النص الكامل للأغنية الي فيها:
عشان خاطرنا ..
خلي عيونك الحلوات تخاطرنا
ولما تمري ..
أبقي أقيفي وأسألي عن مشاعرنا

تحياتي وشكري

موني
19-08-2006, 03:32 PM
والله ياجماعة هو دا الطرب الاصيل
والكلام الليهو معني حقيقي
طراك الله بالخير فناننا الرائع محمد ميرغني
ولا حرمنا من ابداعاتك
ومشكوووووووور خالد
علي الابيات الرائعة دي الاغنية كلها في قمة الروعة
بس الابيات ادناه لها معني خاص عندي
******
ما الشفتو منك يا منى الروح يا أنا
وصفو بصعب يا جميل ....
وبعدت عنك .... ولما طال بى النوى
بقى لى أسيبك مستحيل
يديكم العافية

ابورغد
28-08-2006, 03:21 PM
الله علي الفن والفنانين والابداع والمبدعين حفظ الله فنانا القدير محمد ميرغني وربنا يعطيه ويعطيكم الف عافية احبائي

scaption
19-02-2008, 12:36 PM
الله ..الله يا قنديل
عليك الله اسمع الكلام ده
ما الشفتو منك يا (منى) الروح ..يا (انا)
ده كلام مش زى نقر الاصابع لما ترتاح للموسيقى ؟ يا سلاااااااااااام
طيب يا قنديل اقول ليك حاجة شوف دى:
تبقى سيرتك هى الكلام
يا اخى ده كلام يخلى سبايب شعر الراس تتعامد مع فروة الراس
غايتو القال
يختبئ الشعر العربى تحت الجلد السودانى ... ما كضب

التحية لشاعرنا التجانى حاج موسى ولاستاذنا المبدع محمد ميرغنى

ولو لقيت فرصة ما تنسى مظاليم الهوى
شكرا يا قنديل لاختيارك هذا البوح الجميل

وعد الديار
19-02-2008, 07:50 PM
الله ..الله يا قنديل
عليك الله اسمع الكلام ده
ما الشفتو منك يا (منى) الروح ..يا (انا)
ده كلام مش زى نقر الاصابع لما ترتاح للموسيقى ؟ يا سلاااااااااااام
طيب يا قنديل اقول ليك حاجة شوف دى:
تبقى سيرتك هى الكلام
يا اخى ده كلام يخلى سبايب شعر الراس تتعامد مع فروة الراس
غايتو القال
يختبئ الشعر العربى تحت الجلد السودانى ... ما كضب

التحية لشاعرنا التجانى حاج موسى ولاستاذنا المبدع محمد ميرغنى

ولو لقيت فرصة ما تنسى مظاليم الهوى
شكرا يا قنديل لاختيارك هذا البوح الجميل


صدقت والله يا سكابشن.. ليك التحية..
تقديري

بلاحدود
19-02-2008, 08:02 PM
الاخ العزيز خالد قنديل...

أيها الحرف المنشق من صخر الجمال ..ينبوعا يخدج ثراءا للمعاني ..
وعذوبة تنساب بين دماء قلبى ..حتى تختلط المشاعر .. ترتبك .. تهتز ..ولا يريحها الا مرورك اخى العزيز...قرأتك هنا بعين التوغل ..حتى انشق مني احساس ..رنا للراحه ..!! وأي راحه ..!!
لك ودى وما تبقى من معزتى...

hatim_abbas
20-02-2008, 08:46 AM
رائع الاخ قنديل


الله اديك العافية

خالد قنديل
21-02-2008, 02:00 PM
الاخوه الا عزاء لكم كلكم من المحبة مايزيدنى شرف

واحساس بالفخر الى الانتماء اليكم

ومشكورين على المرور الجميل

لكم من الحب ماتشتهو .

الكــــــــــردفاني
23-02-2008, 04:49 AM
تسلم ياخالد علي الإختيار.

sudani
23-02-2008, 02:40 PM
سلامات قنديل
يبقى للعزيزة كثيرا من الاشجان

العزيزة الما بتسال عن ظروفنا
الوحيدة الما بتحاول يوم تشوفنا

سلميلنا على ضفايرك موجه موجه وكلميها
قوليها حرام تتوه فيها المواسم نحن بالجد نشتهيها