المساعد الشخصي الرقمي

مشاهدة النسخة كاملة : الحقيبة بين الكلمة والصوت الجميل



شايل جراح
10-05-2007, 02:46 AM
احبايئ اعضاء اذاعتنا الجميلة
من منكم لم يترنم اويردد اغانى الحقيبة او يحس براحة البال بسماعة لذلك الصوت الذى يحمل بين حنجرته اجمل الكلمات واعذبها انها كلمات الحقيبة ذالك التراث الثري الذى خلفة خيره شعراء بلدى كلمات تعبر عن مدى روعة ذلك الجيل الذى وضع اسس الاغنية السودانية.
ورغم مرور زمن طويل على تلك الاجيال الشامخة كشموخ بلدى لكن ماذلت تلك الكلمات خالدة فى اذهننا ورغم محاولة بعض الاغاتى الهابطة ان تطفو وايض بعض الجيل الحديث تهميشها لكنها ماذلت ركيزه الفن السودانى الجميل والراقى.
وها انا اليوم ابحر معكم بين مدارات الكلمة الجميلة والصوت الشجى حتى نتعرف عن مدى روعة تراث بلدى

تسمية الحقيبة
أطلق مصطلح "حقيبة الفن" على الغناء في تلك الحقبة من مراحل الغناء السوداني نسبة إلى كلمة حقيبة وهي ترجع في الأصل إلى أن كل من المغنين والعازين كانو يحملون معداتهم في حقائب عند توجهم لإقامة حفل معين حيث عرف الناس هذه الحقيبة الوعاء بحقيبة الفن

ويقـول مصدر آخر
حقيبة الفن إسم راسخ في وجدان الشعب السوداني كمفهوم لأغاني حقبة معينة وثرة من تاريخ الغناء واستمرت من العقد الثاني الى بداية العقد الخامس من القرن الماضي بالسودان.
وإنداح الأسم ليشمل شعراء وفناني الحقيبة من رواد الفن الأوائل فأصبحنا نقول في عفوية شعراء الحقيبة أنفسهم فأرتضوا هذا الاسم فنجد في ديوان الشاعر عبدالرحمن الريح قصيدة بعنوان ( شعراء الحقيبة ) يقول في مطلعها :

يـاحقيـبة الفـن الأصيـــل
أنت راقية وشعرك جميل

وفي البداية لابد من تعريف جامع ومانع لما يعرف بأسم حقيبة الفن وللوصول الى ذلك فلا بد من الإجابة على بعض الاسئلة التي تفرض نفسها .

.اولها هل تعني أغنية الحقيبة تلك الأغاني التي صاغ كلماتها شعراء الحقيبة الذين ذكرهم الشاعر عبيد عبدالرحمن في قصيدة أمثال صالح عبدالسيد ابو صلاح وسيد عبدالعزيز وخليل فرح ومصطفى بطران ولى المساح وابراهيم العبادي ومحمد ود الرضى وعبيد عبدالرحمن ومحمد بشير عتيق وغيرهم الذين اعتذر لهم لعدم تمكنه من صياغة أسمائهم في القصيدة .
http://www.grnaas.org/img/upload/wh_19599820.jpg
http://www.grnaas.org/img/upload/wh_49258374.jpg

الأجابة على هذا السؤال بالايجاب ليست بشافية ذلك أن بعض هؤلاء الشعراء قد أمتدت بهم العمر فتغنى بكلماتهم فنانون حديثون أمثال ابراهيم الكاشف وعبدالحميد يوسف وحسن عطية وعثمان الشفيع والتاج مصطفى وعثمان حسين وابراهيم عوض وعمر احمد واحمد الجابري ورمضان حسن ومنى الخير ومحجوب عثمان وصالح سعد وغيرهم .
http://www.grnaas.org/img/upload/wh_64791466.jpg

والسؤال الثاني الذي يطرح نفسه هو هل نعني بأغاني الحقيبة تلك الاغاني التي قام بتلحينها وأدائها وتسجيلها على اسطوانات مايعرف بفناني الحقيبة أمثال الحاج محمد أحمد سرور وعبدالله الماحي والأمين برهان وعمر البنا وخليل فرح وعبدالكريم عبدالله مختار وغيرهم.


والإجابة بالإيجاب تعجز مرة أخرى عن تحديد أغنية الحقيبة لنفس السبب المذكور أعلاه .وقد أتفق النقاد على أن أغاني الحقيبة تبدأ بتلك النقلة التي أحدثها الحاج محم أحمد سرور عام 1920 م عندما إستغنى عن الطنابرة وأعتمد على الكورس ثم أدخل ألة الرق والمثلث وتنتهي بالنقلة للغناء الحديث بمصاحبة الفرق الموسيقية وادخال اللزمة الموسيقية التي ادخلها الفنان العبقري ابراهيم الكاشف في مطلع الاربعينات ولذلك فأنها تعرف بأغنية مابين الحربين العالميتين الأولى والثانية وتعرف أيضاً بأغنية أمدرمان العريقة وكانت بيوت الافراح بأمدرمان هي مسرح تلك الاغاني وبالطبع فأن أغاني الحقيبة لاتمثل بداية الغناء في السودان ومن قبلها كانت أغاني السيرات والدوبيت والحداء وأغاني التراث كالمناحات والحماسة وأهازيج العمل الجماعي والحصاد وأغاني المهد للأطفال ونغمات المديح وإنشاد الذكر وإيقاعات الطار والدلوكة والنوبة و تقول الجدات والحبوبات عند المبالغة في القدم أن هذا الشئ أقدم من العديل والزين .

وقد تكون أغاني الحقيبة هي بداية الغناء الحديث بأمدرمان . وكان الاستاذ الدبلوماسي والشاعر الإعلامي صلاح احمد محمد صالح قد خشى على هذا التراث من الاندثار فافرد له برنامجاً بإذاعة أمدرمان عام 1945م أطلق عليه اسم ( من حقيبة الفن ) وظل البرنامج يقدم بالإذاعة منذ ذلك التاريخ إلى يومنا هذا وقد تعاقب على تقديمه عدد من الاعلاميين اشهرهم الأستاذ علي محمد شمو والمبارك أبراهيم والسر محمد عوض والأستاذ عوض بابكر الذي لايزال يواصل اعداد وتقديم البرنامج باسم حقيبة الفن .
وجدير بالذكر أن أسم حقيبة الفن ليس تصنيفاً لأغاني تلك الحقبة ولكنه أسم خطر على بال مبتدعه الأستاذ صلاح محمد صالح , أما التصنيف العلمي والفني لأغاني تلك الفترة هو ( المدرسة الفنية الأولى) كما يقول بروفيسور الفاتح طاهر في كتابه ( أن امدرمان تاريخ الموسيقى في السودان ).

http://www.grnaas.org/img/upload/wh_43602579.jpg
الصور
العبادى
عبد الرحمن الريح
مبارك حسن خليفة
جمال النحاس

http://www.c5c6.com/upfile/down.php?filename=cfd2d634ca.wma

شايل جراح
10-05-2007, 03:22 AM
حاول يخفي نفسه
الشاعر / سيد عبد العزيز
لحن وغناء / سرور

حاول يخفي نفسه
وهل يخفى القمر في سماه
أبداً لا ... وطبعاً لا ...
شفناه .... شفناه

حاول يخفي نفســــه ******* وغير إتجاه
سطع النور في أفقه ******* وكل إنسان رآه
خلنا البدر أشــــرق ******* كامل في علاه
زخلنا الزهر فتــــح ******* من أنفاس شذاه

جذاب حسنه رايع ******* لادن خلقه مايع
رقص البان مشيه ******* تحب تنظر وشيه
عيونك تختشيــــه ******* من قوة ضياهو
ومن شـــــــدة حياهو
مرة إذا نظرتــــــه ******* ونظرة إليك رناه
قلبك ينشرح لــــه ******* وترتاح لي لقاه
دون تشعر تحبــه ******* وتلهج .. في ثناه
مرة تقول كبــدري ******* ومرة تقول كزهري
مرة تسمي شعري ******* ومرة تعممي سحري
تقلب فيه أسمــــا ******* وبرضو تشوفه أسمى
كل وصــف تــراه ******* أقل من مستواه
مترفع عظيم عالي ******* بعيد مــداه
ملأ العين جمالــه ******* الزاهي رشح نداه
يلألــي والكواكب ******* تتناثر حداه
فيه الحسن أودع ******* ماملكت يداه
مفــــــــــــــــــرح ******* وشوفته تفرح
بتلقاك باسم ******* كالزهر المنسق
في زمن المواســـــم
تشوف في مقلتيه ******* حياه دلال تيه
واللحظ البيجــرح ******* والوجد المبرح
أنا من دون أصـــــرح
لي قلب إصطفــاه ******* وهسه هناك معاه

حسين محمد يوسف
10-05-2007, 07:09 AM
لك الف تحية الاخ شايل جراح وانت تبحر بنا في الزم الجميل والعصر الذهبي للاغنية السودانية وجيل العمالقة من فنانين وشعراء ما يعرف بالحقيبة وان اختلف الناس علي اصل كلمة حقيبة لكن لا اختلاف علي ما قدموه من كلمات والحان خالده وباقية فينا فليت شبابنا اليوم يتعلموا من الحقيبة وماقدم فيها من الحان ورصانة كلمة وخفة روح لا ان نقلد هذا التقليد الاعمي وترك الكلمات التي لا معني لها ولا مضمون ولك الود شايل جراح....................

شايل جراح
10-05-2007, 12:24 PM
ما بنسي ليلة
كلمات عتيق غناء كرومة
بصوت الكحلاوى

ما بنسي ليلة كنا تايهين في سمر بين الزهور
انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

شايل جراح
10-05-2007, 12:28 PM
اخى الحبيب يوسف
سعيد ان اراك دوما هنا ومااجملك وانت تضع الحروف الجميلة
فلك منى كل الحب والتقدير

شايل جراح
11-05-2007, 02:06 AM
السلام ياروح البدن

يا غصين النقا يا لدن

يا مهفهف يا املدن

ليك غصون البان قلدن

اشكو ايك اياما عدن

الامان يا جنة عدن

غنى قمرى الليل منشدن [ اً ]

اسكر العشاق غير دن

كل من يتعشق شدن

قل منامة ليترك سدن

شايل جراح
11-05-2007, 02:08 AM
ياغصون الروض الأمالك
النسيم الجــاك من شمالك
ولا صوت القمري الحنين
قمــرية قالـت للتــانيـة مـــالـك ***** إنتي لسـه في عز جمالك
ولسه حملك في ضهور جمالك ***** ونائمة فوق الخدر الأمين
*****************
قاتليها أقسم ياأختــي خايفـــة ***** من زماني ومافيه شايفـة
إلا قُلـتَ أخيــر أبقـــى عايفـــة ***** عوني شرفي ونعم المعين
قاتليها شوفي الزهرة في نداها ***** زابلة عابسة أصفرت يداها
هـل هـي كــانت كـــده في بداهــا
وكيف مصيرها إن طالوا السنين
أســمحيــلي ياأختــي ذاهــبـة ***** سوي خدرك دير وأبقي راهبة
طــال ما أنهــا عاداتنا راهبة ***** ومين مفكــر في موتهــا ميــن
قطعن كلامن شافـــن بـلابـــل ***** مــروا دخلوا الروض المقابل
غنـوا قالـوا حليــل بنت بابل ***** فيهـــا لينــا الشفــا والأنيـــن
قالـــوا جمعــاً كــان لينـا نية ***** في الــزواج والعيشـة الهنية
قبــل مابينـــا تحــــــل المنية ***** إلا شفنـــا الشــــوف اليقيــن
عـــادات تهــــدم أمتـــن بنية ***** خـــــربت بيــوتاً كــانت غنية
طلبـــات لرضـــوة أم البنيـة ***** وتــاني طلبــات قول ليَّ وين
الف حاجة بحجـــاتٍ قويـــة
عايزة حزمة ورزمة وشوية
عايزة دايماً أيـــام ســــويه ***** وإلا زينــــك قلبــــوا شـــيـــن
إلا واحدا قال لي رفـــاقتـه ***** الزول بيعمــل على قدر طاقته
عطال زواجنا قوية علاقته ***** ونحـــن لـــســــه متغـفـليـــــن
ما المعــطــله أنفسنـا ديــه ***** إلا بعــض أمــالنــــا الرديــــة
غايتــو قــصدنا تنزل هدية ***** الحــــــــواري للعالـمـــيــــــن
يابن عمي يالصدرو راحـــب
داير ألومك ومالمت صاحـب
أنت تعــترف تكــرم تراحـــب
ولسه جاهل الحياة أنت وين
عِدّ وشوف البِتصرُفه ليله ***** حَسِبُه بكــره تقـــول ياحـليـلـه
وإنت لســـه ماليــك حليله ***** أبقى راجــع العـقــل الرزيـــن
فتَّ عشرين شن تاني حارس
شـــوف روحك قبل الكوارث
لولاه ماكــان بقــى حد وارث
لولاه كنــت تقـــول إبــن مين
بالـــزواج الديــن إكـتـمـــــل
لولاه ماكان عامـــل عـمــــل
لولاه ماكان خلق الأمـــــل ***** ليــهـــو حق في نفوسنا دين
ياأبناء أمي هيا هموا مَرة ***** حاربـــوا وهــم العادة أستمرَ
أقبلوهــا دي حقيقـــة مُرة ***** والأمرَ الــــــــدا الـدفــيــــــن

شايل جراح
11-05-2007, 02:09 AM
ياحليف الصون
فلتدم في علاك
أنت زول معصوم
ولا إنت ملاك
إنت بدري وكيف ***** الخدر ظلالك
أنت كوكب نور ***** تشتهي الأفلاك
فيكم كوم آيات ***** يالحياك جلالك
منظر الساحرات ***** ومنظر الأفلاك
ياجميل النور ***** ماسه من عيناك
بنظر الأنوار ***** طالعة من مغناك
والشباب يترنم ***** بي معاني غناك
والجمال الفيك ***** عن مديح أغناك

كل معاني اليوم ***** طالعه من معناك
تبسم الأيام ***** لوبسمت سناك
الزهور والنور ***** بانو في وجناك
والزي جمال الحور ***** ريه فته هناك

مهما أجيد أوصـاف ***** أشوفها حامله صفاك
يانـقـي اللــون ***** أيه أقول في صفاك
الحريــر يخشــى ***** للصفا الصافاك
والتبــر يبـقــى ***** زي صفر لصفاك

تخشع الأبصار ***** من شعاع محياك
وعُقَّل الأفكار ***** يسرحن في ضياك

النفـوس في هواك ***** يالهواك في حياك
أنا عندي يوم الفوز ***** حبيبي يوم رؤياك
الـرآك غير شك ***** بي حبيبه رعاك
ليه لأنه يشوف ***** كل شئ يرعاك
حتى نور الكون ***** حجبوه معاك
يابـهـي الطلعة ***** أنا كيف قضيتي معاك

شايل جراح
11-05-2007, 02:11 AM
صباح النور عليك يازهور
صباح يوم يقاس بدهور

يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور
****
زهر طاهر مالمغرور
عليه جناح الرضا مفرور
صباحه سعادة بكل سرور
جماله يغني عليه سرور
****
نظرتك جالس بين خدور
بدري هناك أنكشفوا بدور
تفوق نيشان ممتاز في صدور
العظما المثلوا أعظم دور
****
جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور
****
يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور
****
فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور
****
أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

شايل جراح
11-05-2007, 02:13 AM
ألحان وغناء / إبراهيم الكاشف


إنت عارف
أنا بحبك ... وبحلف بك ...
ولا ماك عارف ..... بالمرة
إنت صارف عني مدة
وأنا خايف تتحدى
أنا خايف ...
متى نبدأ التعارف
والتألف والمودة
ياحبيبي من فضلك
جاملني طاوعني
لاتخالف واحد مرة
أنا شايف
أنا شايف
المحاسن .... الطرائف
في صمتك في كلامك
في عيونك ... في إبتسام
في خدودك في قوامك

إنت جالس ... إنت ماشي
إنت واقف ... إنت نايم
صغير غرير الطرف حالم
ماك عالم ... ماك عارف
أنا طرفي جفا المنام
آلف الحب والهيام
مع الجمال بالعواطف
في هواكم إستمر
متين أصادف
رضاك علي وعلي توالف
هواي مناي حياتي حبك بالمحبة
بلاك أشوف النور ظلام
وأذوق طعم كل حاجة مرة
زورني مرة
إن رأيتك بالقرب مني
سعد أظني ... هل تدري إني
أحس بعظمة وشأن كبير
أفرح كتير فرح كبير
أكاد اطير من الفرح
والأمل أحيا وأخالف المسرة

شايل جراح
11-05-2007, 02:14 AM
لحن وغناء كرومة


سيده وجمالها فريد *** خلقوها زي ماتريد
في خديده وضعوا الريد
يامن جمالها فريد *** أنا قلبي ليكي مريد
شايقني فيك تحريد *** قامة وحذوذ في وريد
قط مابراله نريد *** حسنك ووصفه عديد
يامنتهى التحديد *** دي مراية ولاخديد
ياجاهلة الله شهيد *** بتميلي من الهيد
والفي صديره فرهيد *** رمان دا ولا نهيد
ياناعس عيون الصيد *** قاتله وحداها فصيد
يلمع في ضوه تصيد *** قلبي البقالها القصيد
أنا لي فيك نشيد *** بدور صفاك مشيد
يوزن ملك جمشيد *** الفي زمانه رشيد
مابهم كلام ناس زيد *** قلي الهلالي أب زيد
ياحبي أنت تزيد *** بالله زيدني وأزيد
حبي ... بطل التهديد *** وحد للهجر تحديد
أنا عظمي ماهو حديد *** بس ليه تهجري شديد
هل دا إحتفال أم عيد *** أم جنه غير وعيد
دنا فيها كل بعيد *** للسيوح أهله سعيد
يالسيوح التأكيد *** عزك عزيز ماركيد
فلتحيا دون تنكيد *** ياللحسود بتكيد

شايل جراح
11-05-2007, 02:15 AM
رحلة في طيارة
شعر : سيد عبد العزيز
لحن وغناء : إبراهيم الكاشف

حبيبي قلبــي حــاب
رحلة بين طيات السحاب
وحدنا إنت وانا
حبيبي خاف يوم الذهاب
في بساط الريح المهاب
حبيبي عاتبني
وبعيونه كل العتاب
وللأحباب لغة العيون
أبلغ خطاب
قال لي ألمس قلبي داب
أنا خايف وإنت شايف
طوينا الجو طي السحاب
وبقوا لينا الأنجم قراب
من هنا أهِن هنا
جنب جنبا
قلت ليه لا تعمل للخوف حساب
عملت ليك أسباب الراحة العجاب
أحدث ماعرف الوجود
أشبه بنعيم الخلود الفي كتاب
علشان رضاك وعلشان تقول
وأقول معاك أنشودة الهوى والسحاب
الحب نما وبلغنا أسباب السماء
سبحنا في العلى كالشهاب
ونشوف العالم رهاب
تحتنا ويهتف لنا
يابختنا إنت وأنا
عدنا بسلامة الإياب
وبينا ماطال الغياب
من رحلة كانت في هضاب
طي الأثير ومع لاسحاب
وصلنا جهة معينة
مين زينا
أمتزنا بعلوى الركاب
إتخذنا الأفق رحاب
وإتخذنا الأنجم صحاب
من ضمننا
شربنا كاسات الهنا
دور منهن ودور مننا

شايل جراح
11-05-2007, 02:16 AM
غنى القمري على الغصون *** ذكرني الدر المصون
فريد عصره المامثله شئ
قمرنا الليك متربصون *** يالغصن البزري الغصون
ملاك محرصون داخل غصون *** شمس الكون تشبه وشيه
قاسي سماع لهجه الحنون *** عظيم كالمال حلو كالبنون
بريقه يداوا الجنون *** شعاع محيه العين تختشيه
جميل مثلك ماأظن يكون *** حياء وعفة ورقة وسكون
البدر اله قلبي كون *** في حسن الكون ماخل شي
جميل خلقه ومتجلي لون *** تخافوا يجذب من تيه لون
معاطفه دلال يتمايلون *** عوم الوز تقليد مشيه
ليك عالي العالم يهون *** يالرشا اللدن المهون
مناظرك فيك يتنزهون *** يالروض الباسم وشيه
هواي في هواك ذات العيون *** الساحرة اللافتة العيون
عين سحرك تشفي العيون *** يالبطران مماتشا

شايل جراح
11-05-2007, 02:18 AM
اقيس محاسنك بمن

ياالدرة الماليك تمن

والله نور عيني نور الزمن

ما شوفنا في طول الزمن

سواك بدري في داخل كمن

الانوار يتزاحمن

في خدودك اخدن امن

ومن فاهك يتقسمن

بروق في بروق يتقسمن

دي الدنيا أم جنة عدن

شوفنا ملاك لابس بدن

انسان لكن مفرداً

حاز النور حاز اللدن

غصنه مهفهف أملداً

وهيبة اسد في عيون شدن

يالجبرة المازجة العجن

جبينك زي فلق الدجن

وجسمك بالطيب أنعجن

اذا النسمات بيك عرجن

طبقات الجو يتأرجحن

والانفس يتهيجن

أنت نرجس من الوسن

لعيونها الأعين جسن

وأن آية الحسن الأسن

وغصون الروض يتمايسن

في ذاك الزي الحسن

وكل حُسن مالك حَسن

روضك زي عارضين صفن

حلال سحرك ماسحر فن

كواكب النور البلصفن

بصفاتك ما أتوصفن

بدور الكون لوينصفن

يسجدن ليك مايكون وفن

فيك عيون الرائين يرن

محاسن بالحسن إزدرن

ومهما أفكارهم يكبرن

زي حسنك مايعبرن

مع البدرين سيرك سرن

ومن وزنك هن يقصرن

شايل جراح
11-05-2007, 02:19 AM
http://www.c5c6.com/upfile/down.php?filename=057a80026d.wma



باسم الحـب .....
سيد عبد العزيز

حياتي ومعاها العاطفة النبيلة باسم الحب اقدم ليك حياتي
عليك ياحب تحياتي عليك أوقفت غاياتي
في حبي اضحي بحياتي عليك أوقفت غاياتي
في حبي اضحي بحياتي احب الحب وأيامو وذكراتو
وأحلامو وما يوحي الهامو أحبك كل اوقاتي
الاقي حبيبي يوماتي أقول ليهو تعال لي
يقول لي العهود بيناتنا مرعيه اقول ليهو تعال لي
نجلس جلسة غزلية أمتع فيك عيني
أشوفك أنسى آلامي وأقول حققت أحلامي
علي تميل عشان نميل سوا ياجميل وفيك أمعنت نظراتي
وجدتك كل مسراتي وأفراحي وملذاتي
أحبك وأنسى فيك ذاتي
حبيبي أراعي تقديسك ويرتاح قلبي لحديثك
حديثك يشفي العليل وحاتك يا السامي الجميل
الحب الصادق قليل البيشبة حبي الأصيل
وبدون دليل أهوى الجميل انا يا جميل انت لي ميل
وأنا ليك أميل عشان نميل سوى يا جميل

شايل جراح
11-05-2007, 02:20 AM
قائد الأسطول
كلمات سيد عبد العزيز

يا قائد الأسطول تخضع لك الفرسان

ياذو الفخار والطول أرحم بنى الإنسان

مين لسماك يطول ما يطولك اللمسان

معناك شرحه يطول والله يا إنسان

أصدق كفانا مطول ياذو الحسن إحسان

أنا عقلى بيك مختول والناس عقول ولسان

ما بنكر المعقول آمنت بالأيمان

بالطلسم المصقول بدل لخوفى أمان

بالنور سحرت عقول كانت صميمة زمان

يا من تحق القول قتل النفوس حرمان

وما الجندى والمكتول و طالب الغفران

من أيده راح منتول واتوهد النيران

فاقد الصواب مبتول مما رأى حيران

أصبح زهر مشتول وفاح ملا الجيران

يا علة المعلول كم أومى ليك بنان

كم من أٍسير مغلول مالاقى فى لحظة حنان

يرى وعدك المحلول زى حجة الوسنان

والكان سكونه تلول ما ببدلهم بجنان

يا حبيبي كون ممهول وليكون ماكان

الفى غد مجهول والماضى أسمه الكان

نفديك شباب وكهول ونبقى ليك أركان

فى حبك المأهول ونخدم السكان

يالفى سماك مفصول تنشاف عيان وبيان

ما عرفنا ليك وصول وما دنيت أحيان

إنت الخطاك أصول يعلم الديان

مثلت فينا فصول ما بدرسها النسيان

شايل جراح
11-05-2007, 02:21 AM
يا مداعب الغصن الرطيب
الشاعر سيد عبدالعزيز
***********************

يا مداعب الغصن الرطيب
في بنانك إزدهت الزهور
زادت جمال ونضار وطيب

* * *
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب

* * *
تعجبني والشيء العجيب
هادئ واليف ماك النفور
بى عفتك صنت السفور
والحسن والأصل النجيب

* * *
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب

* * *
والروضة في موقع خصيب
حضنوها وإتلافوا النهور
ترى فيها أنواع الزهور
من كل لون أخدت نصيب

* * *
يانع ثمارها ونص وطيب
أشبه بربات الخدور
الإنبرجن في يوم حبور
زادن جمال ونضار وطيب

* * *
في الروض غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب

* * *
دنت الثريا بقت قريب
بين السلوك في تاني دور
في ثانية كم سطعت بدور
وأهلة كان نوعن غريب

* * *
شيء ينعش الروح في الأديب
ويحيي روح ميت الشعور
للقاك تنشرح الصدور
ويفرح القلب الكئيب

شايل جراح
11-05-2007, 02:23 AM
طويل يا ليل سهادك وياما حكمك جاير
ومين حاس بيك براي لهفان مقُوتي سجاير
شوق أمرو مفهوم ونحن بينا هجاير
وخالي البال حِداك ما ببقى ليك أخو جاير
أصَنقع ليلي كله الغيم أحسبه جزاير
والليل بي نجومو نخل غزير شال ناير
أدور أبلغ مناي ساكت طماحة فاير
وبيني وبينك الحجر البشُتر الطاير
طول يا ليلي طول يا مجنّح النوم طاير
وماني الأحمق الحلمان فطوره فطاير
طاوي حشاي وعرقي ينز تقول دم تاير
وساعي ولاقي ميمون الركاب و الطاير
نجومك والله يا ليل جيش مِعبي وغايِر
وعشمان متلي يا ليل ولَّه ساكت غاير
طويل ومسيخ مِعتم لاك مريح لاك غاير
أضاير في همومك ويمشي جرحك غاير
في حبك زمن أنا والزمان نتغَاير
أتْكتَّم وخايف ودمعي بيه اتساير
أبلغ عبرة عبرة أتينة ألقى مُضاير
لامن يا أم خدود فتق الضلع واتطايَر

شايل جراح
11-05-2007, 02:24 AM
نحن ونحن الشرف الباذخ

دابي الكر شباب النيل

قوم وم كفاك يا نايم

شوف شوف حداك يا لايم

مجدك ولي وشرفك ضل

إمتي تزيد زيادة النيل

نحن نطارد العنزة الفاردة

نحن نزود مشارع النيل

نحن برانا نحمي حمانا

نحن نموت ويحيا النيل

ما بنندس ما بنتوصي

نحن نكيل برانا نشيل

نحن الطينة ومطر العينة

نحن الوادي برقه يشيل

نحن الصولة سيوف الدولة

نحن كنانة اسماعيل

بابه العالي وشرفه الغالي

كان لجدودنا ظله ظليل

يا حكامنا جيبوا البينه

ولا انقرعوا كفوا الشينه

ده ود عمي وده ضريب دمي

انت شنو طفيلي دخيل

يا نزلانا أمرقوا الذمة

كيف ينطاق هوان الأمة

شالوا حقوقنا وزردوا حلقونا

ديل عاوزين دمانا تسيل

من تبينا قمنا ربينا

ما اتفاسلنا قط في قليل

ما فيش تاني مصري سوداني

نحن الكل ولاد النيل

شايل جراح
11-05-2007, 02:25 AM
جنـاين الشاطئ

شعر وغناء : خليل فرح



بين جناين الشاطئ وبين قصور الروم
حي زهرة روما وابك يا معــروم

دره سالبه عقولنا لبسوها طقـوم
ملكه باسطه قلوبنا نبيت عليها تقوم
الطريق ان مرت بالخلوق مزحوم
كالهلال الهــل الناس عليها تحوم

شوف عناقيد ديسا تقول عنب في كروم
شوف وريدا الماثل زي زجاجة روم
الــقوام الـلادن والحشا المبروم
والـصدير الطامح زي خليج الروم

خلي جات متبوعه الصافيه كالدينار
في القوام مربوعه شوفا عاليه منار
موضه آخر موضه هيفا غير زنار
روضه داخل روضه غنى فيها كنار

شوف جبينا الهل ضو فوقه فنار
منه هل الشارع منه بق ونار
طالعه ما بتتقابل زي لهيب النار
تحرق البتهابـل والبعيد في نار

شايل جراح
11-05-2007, 02:27 AM
فلـق الصبـاح

شعر و غناء : خليل فرح




فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل

السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

شايل جراح
11-05-2007, 02:29 AM
في الضواحي

شعر وغناء : خليل فرح



في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن

يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

شوف نسيم الليل صاحي ماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمة وحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محن الامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوك من ودودك

بس أنا المقسوم لي صدودك

يا حياتي وأملي اللي راح

شايل جراح
11-05-2007, 02:30 AM
عزة في هواك

الشاعر خليل فرح


عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال

* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال

شايل جراح
11-05-2007, 02:31 AM
ماهو عارف قدمه المفارق
يا محط آمالي السلام
*******
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
*******
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
*******
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
*******
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
*******
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
*******
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
*******
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
*******
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
*******
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
*******
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
*******
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
*******
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
نحن ما مجينا الخصام
*******
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
*******
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
*******
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

شايل جراح
11-05-2007, 02:33 AM
حجبوه من عيني


حجبوه من عينى إلا من قلبي
لا ما قدروا حجبوه
****
حجبوه من عينى وضاروه حاسدنى
بقو بينه ما بينى
لا أدرى ما ذنبي المنعوه من حبي
وبعدوه من قربي وابو لا يبارحوه
هو منطقى وذوقى سموه معشوقى
الليهو زاد شوقى مع أنه فى قلبي
هو الوحيد حبي
***
يا عوازلى وصحبي بس ما تشوفوه
هو ما بتشوفه عيون وما حاموا حوله ظنون
***
وديع رقيق وحنون
هو القطعة الشيقة
والشمس المشرقة
والنار المحرقة
أهو رمزى حلوة

شايل جراح
11-05-2007, 02:34 AM
غزال البر يا راحل
حرام من بعدك الساحل
أنا المن حالى ماك سائل
***
أنا المنى الفؤاد مضنى أنا المنى الدمع سائل
أعانى عذابي الهائل
أخذ منى الفؤاد مأخذ
ونال منى الهوى نايل
***
غبت عن العيون
أما الفؤاد بي ذكرتك آهل
فراقك يا حبيب قلبي
على ما تظنه شى ساهل
ظهر فى وجهى تأثيره
***
وصبح منى الفكر جاهل
وتعرف كل ده ولكن
تقيف عن أمرى متجاهل
***
سمير الأنجم الزهرى
ليلى بنهاره متواصل
فقدت منامى وأحلامى
ومافى من الألم فاضل
جميع ما أنت ترضاه
جميل منك إلى واصل
تأكد ماكذبتك شىء
وحات روحك هو الحاصل
***
أنا مجنون هواك
لكنى أظهر مظهر العاقل
أخاف على حبك أضمضم
أخاف يجد الكلام ناقل
أخيل خدك الأسل
أخاف من لحظك القاتل
يشوفنى ويمضى تأثيره
تسيبنى وتمشى متاقل
***
حبيبي تبين الأخبار
إذا كان يوم يجيك عازل
يريد يوشيك عن حبى
فأفهم أنه متزاول
أقول ليك الكلام الجد
وما أنافى الكلام هازل
وما أنا للوداد ناسى
ولا عن حبى متنازل

شايل جراح
11-05-2007, 02:36 AM
الشال منام عينى
وفؤادى جارحه
انشا الله يلاقينى
وبهواى أصارحه
*****
نتقابل الأتنين
واشكى له مر البين
لعل قلبه يـلــــيــــن
يعطف على المجروح
والروح تناجى الروح
والعين تشوف العين
والأيد تصافحه
*****
أقول ياحبيبى
متين يبقى تقريبى
متى تبقى حاسيبى
ليك بى المودة أبوح
بين الرياض والدوح
جالسين ومتآنسبن
وانا واب عيون ناعسين
فى الحب أفاتحه
*****
نقيف فى شاطى النيل
يعطف على ويميل
أقول ليهو انت ياجميل
يابدر نور ولوح
يازهر عطر وفوح
ولاأنت اسمك مين
قال فى ابتسام ياسمين
عبقت روايحه

شايل جراح
14-05-2007, 05:03 PM
http://www.c5c6.com/upfile/down.php?filename=399f6419f6.wma



اذكري ايام صفانا واليالي الفيها متبادلين هوانا
اصطفينا ظروفنا والحظ اصطفانا
جينا بي كل اقتراح من حديث يشفي الجرا
في مغازله بانشراح
القمر بي ضياه آلق..والنسيم يهدينا ارواح الزهور

الرياض مبتهجه ضاحك اقحوانه
والزهور فرحانه تستقبل اوانه
رائعه يانعه وازاهيه في توب ارجوانا
النهر لينا اقترب والطيور تسجع طرب
عاملة موسية قرب
نحنا صار مجلسنا عامر في مرح
في نشوه في غبطه وسرور

كنا داخل روضه مافيش حد سوانا
غير ان البدر يحتف بي هوانا
من اغاريد فنو يسمعنا اسطوانا
اما ارواحنا الخفاف رافله في اثواب عفاف زي عرايس ويم زفاف
والنجوم بي عيون تسارق في اشتياق تنظرنا من خلف الستور

يا امير الحسن يا سامي المكانه
في عاطفك حبي لو فاقد مكانا
اهدي ليك تفاحه بس او برتكانه
انت ملهمني الاغاني..انت مصدر فني

شايل جراح
16-05-2007, 04:50 PM
شوف العين/عبدالكريم عبدالله(كرومه)[
شعر / صالح عبدالسيد


شوف العين قالت ده لا لا
صدت من تيها ودلال
ريدتك ساكنة الجوف خلالا
و الاعضاء امتزجت خلالا
براق سنك شق لالا
وسهمك صاب احشاي قلالا
اسباب الغي و العلالا
ضمرتها والخصر العلالا
نور في نور ياذا الجلالا
وخدانا بالمعه انجلال
في الترنيع ماليك مثالا
علمتي الغصن الرتالا
شوفتك كم عاشق اتالا
يانسام اوصف جمالا
والقامة السيرك امالا
اوصف لي اسباب كمالا
وقول لي ام خد هجراني مالا
النسام شال الرسالة
وفي التوضيح روق رسالا
ذكرني الرطب العسالا
وهاج الشوق والدمعة سال

شايل جراح
16-05-2007, 04:52 PM
يا رشا يا كحيل غيثنى الهوى سبانى


يا الامرضنى وما طبانى ........... فى خديدك يلوح نور ربانى
نيران اشواقك لاهبانى ............. وسهام الحاظك ناشبانى
ومن ضمن الحاله التعبانى .......... مهوم كشحك وصدرك بانى
يتهادى يميل خصرك فريع بانى




من شفتا الحسن الفتانى ......... قلبى ترحل ووجدى اتانى
ومال جيش حبك غتانى ......... بسهامو الما بتختانى
ومال صدرك لحشاك بانى .........., وكتفك مال به فريع بستانى
يتكل فى دروعه يبوس تانى


لو للشعرا قصيد ومسانى ........... مابجيد وصفك غير لسانى
فى فوادى الحب مسانى ............. واصبح بى هواك وماسانى
مايصح منك تنسانى ............ لوغاب شخصك عن انسانى
غير شك اوصاف حسنك مؤانسانى

هبتلى روائح داهشانى ............ يانسيم عقب وعود علشانى
قول ليه غرامك اغشانى ............ وادركنى الدمع الرشانى
الجمال شانك والحب شانى ........... يانسيم روح بلغ واغشانى
بى حق من انشاك وانشانى


ليه يا ملاك حسنك سبانى ............. ليك نوره ولى نار سارجانى
فيك خاطر بى هو الجانى ............ فى بحور اشواقك زجانى
فيك خاطر بى ونجانى ............. اعلم اقبل سعدى وجانى
لو فى الاحلام طيفك ناجانى

شايل جراح
16-05-2007, 05:35 PM
http://www.c5c6.com/upfile/down.php?filename=3359934917.wma


يا ليل أبقالي شاهد كلمات ابوصلاح
اداء احمد الفرجونى

يا ليل أبقالي شاهد على نار شوقي وجنوني

يالليل صار ليك معاهد طرفي اللي ومنامي زاهد
دنالي سهري وأشاهد فوق لي نجمك ظنوني

يا جميل لي سهري واجد وأراك نائم وهاجد
مين لي عيني ناجد بي دموعي الغرقوني

لا تكون بالنظره جاحد حلمك في المية واحد
منك لي قلبي شاحد بين ايديك يا حنوني
خده البي مطارقه فاصد جامع كل المقاصد
طرفه الكحول وراصد بي سهامه الألموني

براق سنك يساعد القيم المزنه راعب
ساكن قلبي ومباعد تشتاق شوفتك عيوني
حبك في الجوف يطارد ما بين صادر ووارد
يا حبيبي اللي فارد نظراتك يأسروني

بعدك لي عقلي فاقد وقربك جوه جوفي واقد
حبك على طلمس عاقد أشوقك ضيعوني
على نار شوقي وجنوني

شايل جراح
17-05-2007, 03:19 PM
لحظك الجـَـرَّاح

شعر : صالح عبد السيد ابو صلاح



لحظك الجرّاح
أذاي فيه ، وفيه الطرب والراح
مناي يا زهرة الأفراح
***
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
***
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
***
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
***
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
***
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في مِبيسمو عقد الدُر ، في صدرو جوز تفاح

شايل جراح
17-05-2007, 03:20 PM
ضامر قوامك ...
أبو صلاح

ضامر قوامك لأن
قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح لي يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا انسان
القمري في الاغصان
ذكرني ألفاظك وقلبي انطرب فرحان
يتواري لي لمحان
بروق درر فاهك بالراح والريحان
ليه كفك اتحنن
وليك قلب قاسي ما فيه لي حنان
يالراقص الفنان
حبك ملك قلب وجننت عقلي جنان

شايل جراح
17-05-2007, 03:22 PM
قسم بمحيك البدري

كلمات ابو صلاح


قسم بمحيك البدري
غرامك منو ضاق صدري
حبيبي البي العلي تدري

المحينون ليلة القدرِ
نصب فوق حاجبو لي غدرِ
معاك في داخل الخدرِ
فؤادي المالكو من بدري
حبيبي البي العلي تدري

حياتي ونعمتي ويسري
رضيت لو يرض بي اسري
فريض يا دموعي تنتثري
إذا منو النسيم يسري
حبيبي البي العلي تدري

حمام الأيك والقمري
يصيح ينبيك عن أمري
وبين عواسلك السمري
روايحي وفاكهتي وخمري
حبيبي البي العلي تدري

قبالك وين أجيل فكري
مصافحة اليمين سُكري
في بالك هل يمر ذكري
وامامك شكوتي وشكري
حبيبي البي العلي تدري

صحيح لجروحي لا تبري
هواك برضاي ما جبري
بسيمات فاهك التبري
ياجميل كم قللت صبري
حبيبي البي العلي تدري

شايل جراح
17-05-2007, 03:23 PM
ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله
هل يرضيك كدا ياجميله
هل يرضيك كدا ياجميله

شايل جراح
17-05-2007, 03:27 PM
ياناعس الاجفان انا من صفاك مسحور
بالله انت ملاك ؟ ولا من حسان الحور

* * * ***
تذرف عيونى بحور اقضى الليالى قيام ما بين شوق و هيام
ارعى النجم فى سحور
و فؤادى اه منحور مقتول بغير سلاح و اقول بكل صراح
سببى العيون الحور

* * * * *
فيك الكمال محصور اكظمت كل حسود و حسنك مقامة يسود
على كل جيل فى عصور
وطرفك لحاظة تريع اسدا شجاع و هصور
ليك نفرة الغزلان مع جبرة الفرسان فى هيبة المنصور

* * * * *

اهيف رشيق متبور تتهادى تية و دلال مابين غرف وظلال
ننعمة و ترف و حبور
سهمك على مهبور ايه ذنبى غير هواك انا يا جميل بهواك
من قلبى ما مجبور

* * * * *
يا البى العفاف مشهور ندك عبير فياح
و قوامك المياح اينع ثمر وزهور
بى حبى دمعى جهور
انا فى دجاك ياليل نجمك بقالى خليل
فارقت نومى دهور

* * * * *

انا لى زمن ماسور
هجرانى ما هماك ياللى قاسى لماك
من طول جفاك محسور
و حياة خديدك و جيدك و طريفك المكسور
انا شعرى ما بيوفيك مهما ابالغ فيك
منظومى و المنثور

شايل جراح
17-05-2007, 03:28 PM
لحظك الخمري ولونك السمري
والله يافاتن حيروا أمري
** ** **
لونك السمري
منه يافاتن دمعي صار هاتن وإلتهب جمري
ومن صور ذاتك صُغت آياتك
شِعري ويحاتك ياحبيب عُمري
** ** **
شخصك المغري
وسحرك المنساب فيه روح جذاب
وشعله من آداب
يا الحياك فطري
وفي جبينك لاح كوكب الإصباح
ولو خطرت رواح تنعش الأرواح
بالشذا العطري
** ** **
فيك جمال عصري
بالكمال إزدان أيقظ الوجدان
فيه دم سودان
وفيه لون مصري
وللى شافه قريب قال ده معناه غريب
هل شعاع بنور وله كوكب نور ؟
لونك السمري ولحظك الخمري

شايل جراح
17-05-2007, 03:30 PM
في غفلة رقيبي رُحت أزور حبيبي لقيتهُ شوية حاسي
** ** **
ضاجع في سريره . متوسد وثيره . بين طيات حريرهُ
حَييتُه وجلسْتَ . من حُسنُه إختلستَ . في سِحرُه أنغمستَ
بحديث ( دبلوماسي) قالى نوري ماسي وأحذر إلتماسي
** ** **
قلتلُه في جمالك سحروك وله مالك ؟ صار ياحبيب لونك
فاتر زي عيونك
قال لي عندي حُمه . وبىَّ صداع آلمَّ
من أثر إنتكاسي . أتعذر نعاسي . ولي يومين أقاسي
** ** **
قلتلُه في وسامتك . وحلاوة إبتسامتك كفارة وسلامتك
والف عزيز كرامتك يالحافظ كرامتك
مهما كُنتَ قاسي . او لى عهدي ناسي . ليك يذداد حماسي
** ** **
قال لي انت عاقل ومافي لزوم تشاغل وانا في روحي شاغل
قلتلُه انت روحي
وانت سبب جروحي
وانت لشعري مُوحي
ياروعة جناسي . ياحُبي الأساسي . يالنسيتني ناسي

شايل جراح
17-05-2007, 03:32 PM
لحن وغناء محمود فلاح .

جمعتين ما أشوفك ياحبيبي حرام ياخي دَيّه
** ** **
جُمعتين ما أشوفك حاكمتني ظروفك
وللظروف أحكام
وأنت في أعمالك . مُستقِل بجمالك حُبي ما همّالك
ولو شعوري تمالك
كنت مالي ومالك
ماقصدت ألومك
بس يكون معلومك
قلبي صار مظلومك
ياحبيبي دوام
** ** **
لوبقيت لي ذاكر
أو نسيت لىْ ماكر
برضي ليك انا شاكر
ياسعادة روحي وياصباحي الباكر
صرت بيك أتغنى
ولى لقاك أتمنى يانعيم الجنه
كيف أروق وأستنى
جمعتين ما أشوفك ياحبيبي حرام

شايل جراح
17-05-2007, 03:36 PM
لحن وغناء كرومة

ياحبيبي عرج بي وميل نتأمل الأفق الجميل
وشكل الغزالة مع الصباح
** *** **
ياحبيبي عرج بي وميل في الشاطئ نتأمل قليل
شوف حِكمة الصانع الجليل النيل خلاله روضُه الظليل
ينعشنا بى روحُه العليل
أما الطيور .. عاشقه الزهور .. في هنا وسرور
من طِيبه تستنشق رياح
وتغني أغنية الصباح
** *** **
ياحبيبي سيب الإستحا
متع مناظرك وسرِّحا
شاهد الطبيعة ومسرَّحا
وشدو البلابل في الضُحَّا
الورِد كان نايم صِحَّا
والزهره باسمه ومفرحا
والشمس للنيل ياخدين ترسل خيوط مُتبهرجين
زي تِبري ذايب في لُجَين
الروضه في ندا وإرتشاح الكون ثميل من طيبُه أتوشح وشِاح
** *** **
بالله يارمزْ الوفا خلينا من شوقنا وكفا عاين امام وأنظر قَفّا
تلقى الزهور ما ألطفا مُقتبسا من روحك صفا
والنهر زي خدك صفا
هنا ياظريف .. الظل وريف .. والجو لطيف
أنا وإنت في حُلل العفاف أرواحنا مُمتزجة إئتلافْ
كلْ ما أقولْ ليك إقتراح ترضاهُ بِكُل إنشراح

شايل جراح
17-05-2007, 03:49 PM
http://www.c5c6.com/upfile/down.php?filename=1412946d2e.wma






الاوصفوك
كلمات عتيق
غناء خضر بشير

الاوصفوك بالبدري او بالزهر هم ما انصفوك

كيف يجهلوك
وعلي الجمال العادي راحو يمثلوك
ولو بادلوك
عين الحقيقة او بالصيرة تاملوك
بالنور او بي قدر ما ضاع الخيال ما عادلوك

كوكب منزه في علوك سحرك قريب
شخصك بعيد او كان قريب
انواره آخذه بلا سلوك
يبرق ثناك في غيهب الليل الحلوك
اظرف شمايلك زاملوك
وهم اكملوك
ادبك هبة فيك موهبة شكل الظبا
وطبع الملوك

شايل جراح
21-05-2007, 01:06 PM
شاغِل فِكري حُبك والفي قلبي كامن يعلم بيه ربك
ياذو القَدرِ رفقاً بى مُهجة مُحِبك
******
زُبد الحسم كَسْبَك
وإنت رشيق مُهفهف يانع نامي خَصْبك
لكن يامُدلل تعرف أني حِبك
وتَعْلم نوع سِقامي وليه تحرمني طِبك
******
قال لي إنت أصلك في طُرق المهالك داخل كُل مَسلك
أصلهُ هواي مسرح مَثّل فيه فَصْلك
وأختم دُور حياتك زي الكانو قبلك
******
قُت له مُرامي وِلفك يامن عالي صدرك وخصرك جاذبه خلفك
قالىْ سيب مجونك وسيب إغراك ووصفك
في الحب أحي ذكرك بعفافك وظُرفك
******
آسر قلبي لُطفك ماضراك مناماً لَو واليتني عطفك
قال لىْ إنت جاني وسبب الفِتنة طرفك
دُوم على نار غرامك لمّا تلاقي حَتفك
******
قُت لُه فقدت حِلمك مادام لى محارب ومافي أمل لِسلمك
مع كلاً بحبك وبرضُه يكون في عِلمك
مهما يقضي حُكمك عين العدل ظُلمك
******
جيلك يفتخر بك ليك أسطولْ مُدرّع مين يتمنى قُربك
قَصدِي أكون محايد وتبعد عني حربك
وبي أسطول عيونك لىَّ توالي ضربك

شايل جراح
21-05-2007, 01:10 PM
لحن وغناء عوض وإبراهيم شمباتي 1930م

جسمي المنحول براهُ جفاك يامليح الزي
*******
كيف حُبي يَحُل وفؤادي معاك يازينة الحيْ
حلمك ياجميل أنا داني رحول
تركني هواك بين ميت وحي
*******
كيف ليكَ وصول وسكونْنك فوق لي سِهيل وثُري
النوم مِن عيني دوام مفصُل
دموعي تَلاقي وتسرِفْ رَي
*******
دي السِّاحره عقولْ بروقْ في غيم ولاّ دُر في لُمي
خدودَك أم أزهار في حِقُول
سَقَاني غَرامِنْ صافي حُمي
*******
الطرفُه وقُول أحوَر متناعس ولحظُه صُحي
تشوف في قوامه المال مَفقُل
الظُلمه شعورُ والقمرهَ مُحي
*******
أنا دمعي هَطُول أحَن لي لَماكَ وقاسَي عَلىْ
يصَح في هواك تعذيبي يطول يالبين أترابك لآهي خُلي
*******
مِن رِدفُه كَسول بِي جيدهُ وعينُه يسبي ظُبي
بالشوق يانسيم أبقالي رَسُول
لويعطف ثانية يزيل البَي

شايل جراح
21-05-2007, 01:12 PM
لحن عبد الرحمن الريح غناء كرومة سنة 1942م
ليلة ويالها من ليلة **** كانت ليلة مامنظورة
************
داخل جنة في مقصورة جلسة على رفاق مقصورة
حافلة بكل فن محصوره فيه احبيبنا سمح الصورة
من البدري ماخد صورة
ليله ويالها من ليله **** توزن الف ليله وليله
************
لينا الروضة سافرة خماره
دانية قطوفه يانعة ثماره
نحن بلابله وسماره
نحنا اهلتَه وأقماره
عالي نظامنا . حَالي وئامنا هاهُ طربنا هاهُ مُدامنا
مادام الحبيب قدامنا
طبعاً ياخي نحنا الليله أسعد ناس في أعظم ليله
************
نامي شبابه زاهي خضارُه
لامع جسمه يخفي نضارُه
من ثغره البروق إتضارُه
يسكر عِرفُه من غير ماتعرفُه والأغرب شعوره وظرفه
هُم عن شخصُه لاينحرفُه
أعمال حبي ليه جليله وأزهار شعري بي أكليلُه
بَرضي أشوفهَ فيهُ قليله

شايل جراح
21-05-2007, 01:13 PM
غير شادن الأرام لاشك عيشي حرام
يانفسي ذوبي غرام
********
زيد يافؤادي ضرام **** مابين شوق وصِرام
أصبح هواك إجرام **** تعشق خُشيف رام
هل في الثريا مُرام
********
كل ماخَطَر نسّام **** أو لاح بريق بسام
أشجاني ضحى جسام **** عُمري العزيز بسام
أصلُه الغرام أقسام
********
ماالفى تُهامة وشام **** مرعاهُ نال وبُشام
ده الما بينالوه غُشام **** والبن شلوخه رشام
يسبي الوليد وهُشام
********
عِدّ مانَظَمت كلام **** في شِعري من آلام
أو عازلي أبدى ملام **** مالاح بِريَق في ظلام
مليون تحية سلام

شايل جراح
21-05-2007, 01:15 PM
يانسيم الروض زورني في الماسية
جيب لي الطيب من جناين اسيا
وانعش ورحي من الم البين
*****
في مساك وصباحك
وفي حريتك ومراحك
اسجعي بصراحك
بنغم افراحك
عيريني مرة
جناحك ساعة بس تكفيني
*****
اطير به ياحمامة
للزهرة بين اكمامة
والقي شعري امامه
عسي النبع جمامة في العمرا يوم القيامة
ابيعها قبل حمامة اربح ونومي يجيني

شايل جراح
21-05-2007, 01:16 PM
انا صادق في حبك لو قلبي
يتصل بي قلبك .. هزا مقصودي
انا اقصد ودك ونت تحرمني
النظر في خدك ... لأذاي
ديمة باذل جهدك مع علمك بهواك
منذ ايام مهدك .. إنت مريودي
إمتي تنجز وعدك وعني يذهب نحس
ولي يطلع سعدك يا حبيبي غثني
ما بطيق نار بعدك وانت عارفني
مابعيش من بعدك إنهي وجودي

الشباب في عصرك جملة معترفين
لجمالك وحسنك يامهدل يامفدل
يالمهفهف خصرك الكواكب والحور
قاصرين عن قدرك كيف انا وهجودي

إمتي يفرج سنجنك واشوف صورتي
في مراية وجنك تنجلي عيوني
بي تغزل حسنك اكوي عزالي
بالتقرب منك وفيك اري سعودي

قال لي لازم صبرك
من وصالي قريب
الدخول في قبرك
من زمن يا عشوق
لي قاهر امرك
والعفاف يمنع
قلبي ليك يتحرك
والجفا عهودي

قلت له بحق ربك
أسلي كل اهلي
لو حظيت بي قربك
حظي لو ساعد
ثانية بس أظفر بك
بعد زلك اموت
مافي شك بفخر بك
انت مريودي

شايل جراح
21-05-2007, 01:18 PM
كيـف الحيـاة غيـر ليمــك فـي بُعــدك حظـيّ ذيّ لـون هضيلمــك ( يا نعيـم الدنيـا )
****
يا أمـاني حيـاتي البيـك نـور أقليمـك يتمنـى التبـري يلمـع كأديمـك ( يا نعيم الدنيـا )
تشتاق الشمسي ( حبيبي هوي هوي ) بتظفـر بقليمك تآخـذ من نورك تلثـم في قـديمك
*****
يا حليـف الخـدي التايـه في نعيمـك ما دام هاجـرني أرسـل ليّ نسيمـك
وأنعش ليّ روحي (حبيبي هوي هوي) بندى جسيمك أو طيب المسكِ الفايح في تقسيمك
*****
يا فـرع البانـه المايـل في خميلـك من قامتـو حبيبـي مُتعلـم ميلــك
يا بدر التمـيّ (حبيبي هوي هوي) المـا بتـم تكميلك لو ما تجعلني محبوبي زميلك
*****
سيــوف الهنــدي من لحظــات عينــك ليــه بيهــا تصيبنـي أيـه بينـي وبينـك
غيـر كوني بحبك (حبيبي هوي هوي) وحياة خدينا كـف عن صدودك با سيدي وسيدك
*****
أمـا زلـت أريـدك ومنـام عينـيّ بيـن قـزوز جيـدك
تيـه بين نعيمـك (حبيبي هوي هوي) مولاي يزيدك ضيعت حياتي تسلم ليّ أيدك
*****
كيـف الحيـاة غيـر ليمـك من بُعـدك أصبـح حظـيّ ذيّ لـون هضليمـك يا نعيـم الدنيـا

شايل جراح
21-05-2007, 01:20 PM
في الطيف أو في الصحيان زورني ياحبيبي أنا عيان
*
مالو لـو فـي بعـض الاحيـانتسمح لـي صحـوا اراك عيـان
تاخذ ياحبيبي عـن حالـي بيـانعسي تبقي قلوبنا في الغرام سيـان
*
ياالفريد في حسنك وبهجة امدرمانلي من شوفتك يا حبيبـي زمـان
أنا ساهر ونـوم عينـي حرمـانوانت بين اترابك في نعيم وامـان
*
النحول علي جسمي يا حبيبي بيانوانت جسمك نامي وبالنعيم طربان
لو رأك الناسك المـن الله جبـانبيك يفتن ويصبح بالغـرام تعبـان
*
قبل حسنك قط مارايـت انسـانفاق العسجد لمعة والحريـر لمسـان
كيف يحصر وصفك ياحبيبي لسانوالبان اتعلم من قامتـك الميسـان
*
مالـدرر لثنـاك مابنـت الحـانللمـاك وايـه نفحـة الريـحـان
انت حسنك كامل لكـن لمحـانخدك قاسـي وقلبـك ماحـان

شايل جراح
21-05-2007, 01:21 PM
زيدني في هجراني

شعر وألحان : عمر محمد عمر البنا
غناء المبدع كـرومـــــه


زيدني في هجراني
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني

أبوجاره
22-05-2007, 05:36 AM
عزيزنا الغالى / شايل جراح

سلامات

حقيقة هذا يعتبر توثيق كامل لأغانى الحقيبه ويمكن ان تعتبر مرجع لكل من اراد ان يعرف شى عن الغناء السودانى الاصيل . جزيت خيرا وبارك الله فيك

شايل جراح
01-06-2007, 01:25 AM
عزيزنا الغالى / شايل جراح

سلامات

حقيقة هذا يعتبر توثيق كامل لأغانى الحقيبه ويمكن ان تعتبر مرجع لكل من اراد ان يعرف شى عن الغناء السودانى الاصيل . جزيت خيرا وبارك الله فيك
تسلم اخى ابوجارة
يديك الف عافية على كلماتك الطيبة

شريف محمد الحسن
20-09-2007, 12:02 PM
الشاعر : عبيد عبدالرحمن

--------------------------------------------------------------------------------

تأوهات من نوائب الدهر وجور الزمان

آه من جور زمانى


آه من جور زمانى وما بى من نوائب
سهران ليلى طائل حارس بدرى غائب
في آمالى سابح وفى آلامى راسب
أنت الساهى لاهى وماك الحاسى حاسب
هل يمكن تجامل يا الحاذر محاسب
وترحم من صدودك بي القدر المناسب
كم قاسيت شرائر وكم عانيت متاعب
شدد عزمى حبك لى صراع المتاعب
لا شىء غير نفورك راهب لىمداعب
قاتل متجاهل ....... يا ما إنت لاعب
يا ظبى المسالمة السارح عقلى غائب
سالب نوم عيونى وسايب عقلى دائب
ذاهب للدراسة وبين أسرابها آيب
سار بدره سادل ليل ينفى ذوائب
هوي يا الخالى نائم طرفك وطرفى واجب
إنت اللى مجنن وإنت اللي عاجب
لو أشكر جمالك لاشكرا ً لواجب
أبلج .. أفلج ... أدعج .......مقرون حواجب

شريف محمد الحسن
20-09-2007, 12:04 PM
بالحاصل بى والحاصل بيك
الحاصل بى انا شوق وحنين
واقيم الليل آهات وانين
فارقنى حبيب آلفنى سنين
ماليك امان يا دا الزمان
ياليالى زمان.. يا ليالى زمان
يا ليالى زمان الله عليك
اذكر جلوسنا على الربى
نستعرض اسراب الظبى
نسمع لهمسات الصَبا
ونحنا فى فجر الِصبا
ابسم اليك تبسم معاى
تسمع غناى ..
على صوت الناى
انا يا مناى
انا طول حياتى بغنى ليك

اما حكاية الاغنية

أغنية "رسايل" (حبيبي أكتب لي) لها قصة فريدة حين كانت قصيدة، وبعدما أضحت أغنية. فقد نظمها الشاعر عبيد عبد الرحمن يناجي فيها صديقه ورفيق دربه الشاعر سيد عبد المحسن عبد العزيز الذي لا يعرف كثيرون أنه كان له باع في التأليف المسرحي مثلما شارك في نظم أغنية ما يسمى "الحقيبة" والانتقال بها الى مرحلة هيمنة الآلات الموسيقية على الأداء الغنائي السوداني. ومثل رفيقه عبيد عبد الرحمن كون ثنائياً متميزاً مع الفنان إبراهيم علي أبو جبل المعروف بالكاشف. وجاءت دواعي المناجاة بسبب إقامة عبيد في أم در أمانه، بينما كان سيد يقيم في الأبيض عروس الرمال حيث كان يعمل ملاحظاً لورشة مصلحة النقل الميك****ي هناك.
لا يعرف كثيرون، بل سيدهشون حين يكتشفوا أن ملحن هذه الأغنية العملاقة ليس الكاشف، وإن كانت لا تزال مسجلة في بطاقات المكتبة الصوتية لإذاعة أم درمان باعتبارها من تلحينه. ملحنها الحقيقي هو الفنان الكبير الأستاذ التاج مصطفى . وقام يتوزيع الأغنية والإشراف عليها حين تم تسجيلها في أستديو الإذاعة الموسيقار الإيطالي الراحل إيزو ما يستريللي، وقد خلدت ذلك التسجيل صورة فوتغرافية شهيرة تظهر فيها الفرقة الموسيقية بقيادة مايستريللي، والكاشف مؤدياً والتاج مصطفى يرقب التسجيل ضمن الجوقة الموسيقية.
ولم يكن الكاشف بحاجة الى من يلحن له، وكذلك التاج ليس بحاجة الى أن تضاف "رسائل" الى الديوان العذب الذي ابتكره من الألحان. ولو أن الإذاعة اكتفت من تسجيلات التاج كلها بأغنية "الملهمة" لكفته مجداً على مر العصور. وكانت تربط التاج وابراهيم صداقة فريدة ومودة قل أن يوجد نظير لها في هذا الزمان. والتاج يقدم مثل هذه الألحان من دون أن ينتظر من يقوم يمدحه وتقريظه، فقد قدم في زمان سابق الى الفنانة القديرة الراحلة عائشة الفلاتية لحن أغنيتها الذائعة "عني مالهم صدوا". ومن طريف ما رواه التاج أن عائشة ارتجت أثناء جلسات التحفيظ، فكانت تقول "فكري سرّه وحاجت أشجانه" بدلاً من "فكر سرّح وهاجت أشجانه". وذكر أن تحفيظها هذا المقطع بشكله السليم استغرق وقتاً ليس بالقصير.