المساعد الشخصي الرقمي

مشاهدة النسخة كاملة : كلمات أغانى إبراهيم الكاشف



الكوماوي
23-08-2010, 09:41 AM
حبيبى قلبى حاب
رحلة بين طيات السحاب
وحدنا...إنت وأنا
حبيبى خاف يوم الذهاب
فى بساط الريح المهاب
حبيبى عاتبنى وبعيونو كل العتاب
وللأحباب لغة العيون أبلغ خطاب
قال لى ألمس قلبى داب
أنا خايف وانت شايف
طوينا الجو طى الحجاب
وبقو لينا الأنجم قراب
من هنا آهن هنا جنبنا
قلت ليهو لاتعمل للخوف حساب
عملت ليك أسباب الراحة العجاب
أحدث ما عرف الوجود
أشبه بنعيم الخلود الفى الكتاب
علشان رضاك وعلشان تقول
واقول معاك أنشودة الهوى والعذاب
الحب نما وبلغنا أسباب السما
سبحنا فى العلا كالشهاب
ونشوف العالم رهاب
تحتنا ويهتف لنا
يا بختنا إنت وأنا
عدنا بسلامة الاياب
وبينا ماطال الغياب
من رحلة كانت فى هضاب
طى الأثير ومع السحاب
وصلنا جهة معينة مين زينا
امتزنا بعلو الركاب
اتخذنا الأفق رحاب
واتخذنا الأنجم صحاب من ضمننا
شربنا كاسات الهنادور منهن ودور مننا

الكوماوي
23-08-2010, 09:52 AM
أنا ما بقطف زهورك بس بعاين بعيونى
يا الغصن الفى نهورك
ويا البدر الفى خدورك
مترقب ظهورك أتأمل فى محاسنك
واتمتع بمناظرك واتوسع فى فنونى
لعبت بى دورك واصبحت مسحورك
وعرفت أوزانك وعزفت ألحانك آهات توالينى
لازلت مأسورك وماقادر أزورك
ملأ العيون نورك كشف الظلام بسمك
واتجلى لى رسمك شخصك ملا عيونى
أضنانى تأثيرك
وما بشكى لغيرك
أعيانى تفسيرك
يا الرمز الحيرنى
وهواك صيرنى أتحدى العزلونى
يا العالى موهوبك
الناس يآنسوبك
يا الراقى أسلوبك
يا العالى تعليمك
أنا من مظاليمك
إيه ذنبى ورينى

الكوماوي
23-08-2010, 10:29 AM
حليل زمن الصبا الماضى
حليل زهر الحياة الزاهر
حليل زمن الحبيب راضى
وحليل زمن الهوى الطاهر
حليلو الأفلج الباسم
حليلو الكاحل الناير
حليل قمر السما القاسم
لياليهو وصبح داير
آه لو آه تفيد مجروح
والمثل القديم ساير
رهاب ما حصلو الجارى
وسماك ما بحصلو الطاير
تجدنى مراقب أخبارك
إذا النسمات بها تخابر
تجدنى على الفراش مضنى
تجدنى على الأسى صابر
أنا البعدك أصون عهدك
وليتك كنت بى خابر
وليتك مرة تذكرنى
ولو فى ذكرة الغابر
فداك نوم عينى يا نايم
وهل بلغك أنا مساهر
أراقب فى كواكب الليل
أراك بيناتها ماك ظاهر
أغض الطرف واتناوم
أقول يا الحسنو لى جاهر
متين أنظر جمال نورك
ووين ياكوكبى الزاهر
جمالك يسعد الشافك
صباحك يشرح الخاطر
مياسك دا الهلك ناسك
دلالك وبسمة الفاطر
خدودك وازدهار لونك
زهور وشما الندى القاطر
وروحك روح نسيم الروض
إذا مزجو الشذى العاطر
تعود لمسالمتك سالم
بعودة سلامة يامسافر
أشوفك زى ملاك رحمة
أشوفك زى غزال نافر
أشوف فيك منتهى الرقة
أشوف فيك هيبة الظافر
أشوف فى لثامك البدر
البفوق بدر السما السافر
ذكرى أهاجت الذكرى
دوام فى فكرتى تخامر
حليل الماضى وايامو
حليل الرونق العامر
حليل زمن الحبيب طايع
حليل زمن الحبيب آمر
زمنا الكنا لاندرى
بما كان الزمن ضامر

الكوماوي
23-08-2010, 10:48 AM
الليل مابنومو
أنا حارس نجومو
طول يا ليل وهود
عاجبنى طول الليل
الليل نسيمو عليل
الليل سكونو جميل
الليل به النسمات
تتأمل الأفلاك
الليل به العشاق
تتذوق الأخلاق
تتناجى بالأرواح
ولشدة ماترتاح
مادايرة تانى صباح
أنا راصد كوكبو
تايه فى ظلامو
وساير فى مواكبو
سابح فى خيالو
وماعاشق جمالو
بس لى فيهو ذكرى
وماخد عنو فكرة
يكون فيه التلاقى
وانظر فيه حبى
والحابيه قلبى
ينظر ما ألاقى
ياليل إنت شايف
توليهي وهيامي
ياليل انت عارف
اشياء من غرامي
اما بلغك ياليل
بالله عيرني سماع
احكيلك حبي الضاع
وتغير الاوضاع
هويت محاسن انسان
في غايه الابداع
عاهدني وحبيتو
ووجدت عهده خداع

الكوماوي
26-08-2010, 08:50 AM
الشال منام عينى وفؤادى جارحو
إنشاء الله يلاقينى وبهواى أصارحو
نتقابل الأتنين
أشكيلو مر البين
لعل قلبو يلين
يعطف على المجروح
والروح تناجى الروح
والعين تشوف العين
والإيد تصافحو
أقول ياحبيبى
متى يبقى تقريبى
متى تبقى حاسى بى
ليك بالمودة أبوح بين الرياض والدوح
جالسين ومتآنسين
أنا واب عيون ناعسين
فى الحب أفاتحو
نقيف فى شاطى النيل
يعطف على ويميل
واقول له إنت جميل
يابدر نور ولوح
يازهر عطر فوح
ولا إنت إسمك مين
قال فى ابتسام ياسمين
عبقت روايحه

الكوماوي
26-08-2010, 08:58 AM
البتوحى للناس العيون
ياغزال هن أساس الريد والفنون
العيون الفيهن نعاس
هن أساس معنى الجناس
هن بثيرن فى الناس حماس
هن بقودو الزول للجنون
العيون البيض لوصفن
يجرحنك ويتلاصفن
مرة نظرن لى أوقفن
شالو نومى وما أنصفن
العيون السود كاحلات
فى دلالهن متساهلات
يجرحنك ماسائلات
يتركنك متهاملات
وجنننى ياخى العيون
هن أساس الريد والفنون

الكوماوي
26-08-2010, 09:14 AM
حياتى ومعاها العطف الجميل
باسم الحب أقدم ليك حياتى
عليك ياحب تحياتى
عليك أوقفت غاياتى
لحبى أضحى بحياتى
أحب الحب وأيامو
وذكرياتو وأحلامو
وما يوحيه إلهامو
حياة الحب أسميها السعادة بكل معانيها
أقيم ليلاى أغنيها
روح ياليل تعال ياليل
أحب فى كل أوقاتى
ألاقى حبيبى يوماتى
أقول ليهو ويقول لى
العهود بيناتنا مرعية
أقول ليهو تعال لى
نجلس جلسة غزلية
أمتع فيك عينى
أشوفك وانسى آلامى
واقول حققت أحلامى
على تميل وعليك أميل
فيك أمعنت نظراتى
وجدتك كل مسراتى
وأفراحى وملذاتى
أحبك وانسى فيك ذاتى
حبيبى أراعى تقديسك
ويرتاح قلبى لحديثك
حديثك يشفى العليل
والله يا السامى الجليل
الحب الصادق قليل
البشبه حبى النبيل
فبدون جميل أهوى الجميل

الكوماوي
26-08-2010, 09:25 AM
حبيبى أكتب لى
وانا أكتب ليك
بالحاصل بى والحاصل بيك
الحاصل بى أنا شوق وحنين
وبقيم الليل آهات وأنين
فارقنى حبيب آلفنى سنين
ماليك أمان يادا الزمان
ياليالى زمان الله عليك
ياحبيب روحى يانور عينى
ياوحيد عمرى المادمت حى
أكتب لى عن كل شى
أذكر ودادى وارحم فؤادى
أرع الوفاء ودع الجفاء
واذكر صفا أيامنا ليك
أذكر جلوسنا على الربى
نستعرض أسراب الظبا
نسمع لهمسات الصبا
ونحن فى فجر الصبا
أبسم إليك تبسم معاى
تسمع غناى
مع صوت الناى وانا يامناى
الطول حياتى بغنى ليك
أنا أكتب ليك وانت أكتب لى

الكوماوي
26-08-2010, 09:37 AM
حجبوه من عينى
إلا من قلبى لا ماقدرو حجبوه
حجبوه من عينى
وضاروه حاسدنى
بقوا بينو مابينى
لا أدرى ماذنبى
منعوه من حبى
وبعدوه من قربى
وأبوا لايبارحوه
هو منطقى وذوقى سموه معشوقى
الليهو زاد شوقى
مع إنو فى قلبى
هو الوحيد حبى
يا عوازلى وصحبى
بس ما تشوفوه
هو ما بتشوفو عيون
وما حامو حولو ظنون
وديع رقيق وحنون
هو القطعة الشيقة
والشمس المشرقة
والنار المحرقة
اهو رمز حلوه

الكوماوي
26-08-2010, 09:47 AM
الشوق والريد
الحب البان فى لمسة إيد
وأغانى نقولا
نقول ونعيد
والدنيا زهور فى عينينا
تصبح كل يوم زى طفل وليد
كل الأشواق بتجرح قلب المشتاق
ليل ياهاجر ليك رسالة
لوروحك يوم تنسى دلالا
تشوفنا قريب ماتتعالى
تسألنا ونسأل عن حالا ونعيد الكان
حليل الكان
نخلى الحب يسرح بينا
يبقى جناحين ويطير بينا
نشوف الدنيا ربيع وزهور
نسكت وتتكلم عينينا
نعود أحباب زى ما كنا
فى دنيا الحب نلقى الجنة
ياحبيب الروح يا أغلى غرام
أسأل قلبك برضو يقول لك لو كان حن

الكوماوي
26-08-2010, 09:55 AM
سالب فؤادى وماعليك
وانا فى جحيم مشتاق إليك
يامن أحبك واصطفيك
أنا لى روح مفتونة بيك
هل مرة بين بمنظرك
واسحر لكل من ينظرك
يا أسمى غايات الوجود
كل الخلوق تتشابى ليك
كل الجمال وهبوه ليك
وجعلو السحر فى مقلتيك
خلقوك آية من الكمال
خفة ورشاقة وطيب خصال
يامن بحبك إكتفيت مقتول هواك
والجرحونى سهام عينيك
أتمنى أمثل بين إيديك
وتسألنى عن إعجابى بيك
تلقانى مخلص فى هواك
لم أوهب الحب لسواك
يانور حياتى ودنيتى
ظلمونى بالقالوه ليك

الكوماوي
26-08-2010, 10:10 AM
رف قلبى بجناح النسايم
راح وشاف جمالك وانت نايم
شافك لقاك أجمل ملاك
روضة ربيع غطت نداك
ياوردة أحلى من الزهور
مالو القمر ياحلوة خلاهو الظهور
رسلت قلبى ليك هناك
جانى ورجع محتار معاك أحتار أنا
أنا عمرى وين أنا حبى وين
عمر المعذب كم سنة
إحترت فى عمرك سنين
يوم الهناك ولا الهنا
وبقت حياتى مقسمة
نص فى الأرض ونص فى السما
وانت القمر وانا كلما
زح السحاب ألقاك تميل
فيك الدلال واصلو الدلال حق الشباب
وانت السحاب حجبك كتير
وانا فى الأرض ياروحى حارقنى الهجير
تنسى ليه وانا قلبى بتذكر كتير
يوم لقيتك وهويتك
وانت وريتنى الحنان
الحنان فى أحلى نظرة
فى ابتسامتك فى خيالى
أحلى ذكرى بالإشارة
ولفتة عابرة
شفت حبك كنت خايف كنت قايل
الجميع عارفين محبك
والعيون راصدانى لمن ابقى جنبك
بتبقى ذكرى فيها إنت
فيها قلبى وفيها قلبك
فيها يوم المهرجان
احلى يوم المهرجان
أحلى من عمر الزمان

الكــــــــــردفاني
26-08-2010, 10:26 AM
http://vb.arabseyes.com/imgcache/53307.imgcache (http://vb.arabseyes.com/imgcache/53307.imgcache)

الكوماوي
26-08-2010, 12:46 PM
أنا يا طير .. أنا ياطير بشوفك
فرحان وبتغني وحبيبك معاك
وحبيبي غاب عني
أنا ياطير موله محزونا لأني
وحيد حبيبي غايب
آه يا طير وتاني علي مصايب
من أدهى الغرايب لي أجمل حبايب
صدوا وبعدوا مني
أنا ياطير حبيبي للآلام تركني
وبدلل عليّ وبالهجران هلكني
زعلان مني صدّ وبرايو إستبد
إتناسى المودة وإعتاد التجني
ياريت كنت زيك لو يجدي التمني
حبيبي يكون معاي
وفي الأشجار نقيل وبالأغصان نميل
بخفة جناحك وحرية سراحك
في الأفنان نغني

الكوماوي
26-08-2010, 02:52 PM
مشكور أنت أيضاً ياكردفانى

الكوماوي
26-08-2010, 02:58 PM
أنت عارف انا بحبك وبحلفبك
إنت عارف انا بحبك وبحلفبك ولا ماك عارف بالمرة
انت صارف عني مدة وانا خايف تتحدى
طمنى تعال نبدأ التآلف والتعارف والمودة
يا حبيبى من فضلك طاوعنى جاملنى
لا تخالف واحدة مرة
أنا شايف المحاسن الطرائف فى صمتك فى كلامك
فى عيونك فى إبتسامك فى خدودك فى قوامك
انت جالس انت ماشي انت واقف
انت نائم صغير غرير الطرف حالم ماك عارف
انا طرفى جفا المنام آلف الحب والهيام
مع الجمال بالعواطف فى غرامك استمرا
متين أصادف رضاك على وعلى توالف
هواى مناى حياتى حبك المسرة
بلاك أشوف النور ظلام
واضوق طعم كل حاجة مره
وإن ما رايتك بالقرب منى
هل تدرى إنى اسعد أظنى
احس بعظمة وشان كبير أفرح كتير
فرح كبير واكاد اطير من الفرح
والأمل احيا واحالف المسرة
زورنى مرة حبيبى مرة .

الكوماوي
26-08-2010, 03:10 PM
افكاري الحيارى
وتاهت باختيارا

حبيبي آه
قلبي تاه
في يوم الزيارة

الدنيا وعمارا
الجنة ونعيما
بزهورا وثمارا

فصود في خدود يضون
وخدود بدون أمارة

يرسلوا نور ملون
أحمر أخضر أصفر
فاتن يا سمارا

حبيبي آه
قلبي تاه
في يوم الزيارة

التفت وأهداني تظرة
تزري بالزهر اذدهارا

مثلت فيها البراعة
وخفة الروح والمهارة

الشغل عقلي بفنه
نظرة مني ونظرة منه

وارتفعت الحرارة
والتهبت العواطف

وأصل النار شرارة

حبيبي آه
قلبي تاه
في يوم الزيارة

ماهو عارف البي
لانه لسه نونو

حوله ناس بالعيد يهنوا
ناس متابعنه ويهنو

وانا روحي ليه تهوم
داعيها حادي الشوق

هايمة بليلها ونهارها
وانت يا الناعسات عيونك

الله لعيوني السهارى

الكوماوي
26-08-2010, 03:20 PM
وداعاً روضتي الغنّاء .. وداعاّ معبدي القدسي
طويت الماضي في قلبي .. وعشت على صدى الذكرى
وهذا الدمع قد ينبي .. بظلم المهجة الحيرى
لماذا الهجر يا حبي .. لماذا الهجر يا حبي
لماذا دهرنا ضنّ .. وشبع روحي باليأس
وداعاً روضتي الغنّاء .. وداعاّ معبدي القدسي
نسيتي الماضي ياليلى .. وماضي الحب والطهر
ليالي نقطع الليل .. بحلو النجوى والشعر
نسيتي ليلى إذ كنا .. نفدي النفس بالنفس
وداعاً روضتي الغنّاء .. وداعاّ معبدي القدسي
أظل أردد الشكوى .. لمالاقيت من وجد
حبيب الروح لا أقوى .. على حمل الهوى وحدي
ولما لم أجد سلوى .. ولما لم أجد سلوى
كسرت ابريقي والدنا .. وسكبت على الثرى كأسي
وداعاً جنتي الغنّاء .. وداعاّ معبدي القدسي

الكوماوي
26-08-2010, 03:23 PM
أسمر جميل عاجبني لونه
وكحل سواد الليل عيونه
عالي النخيل ما ضقنا تمره
اسمر جميل ما حن عمره
جسمي العليل استحلى جمره
شرع الغرام طايع لامره
أسمر جميل بادي الوسامة
زانت جمال خده ابتسامة
فوق الخدود عاجباني الشامة
من العيون الله السلامة
اسمر جميل فتان بريده
كل الخلوق تتمنى ريده
فن الدلال ياناس بجيده
عقد القلوب منظوم في جيده

الكوماوي
26-08-2010, 03:30 PM
فتنت بيه .. عشقتو ليه

فتنت بيه .. حبيتو ليه

كان مالي انا مالي بيه

فتنت بي حسنه البديع

عشقته لطبعه الوديع

حبيته لادبه الرفيع

صرعت بلحظو المريع

بلحظو ياما كم صريع

وحبيبنا تايه ما عليه

فتنت بيه .. عشقته ليه

فتنت بيه .. حبيتو ليه

كان مالي انا مالي بيه

في خدوده فتحت الزهور

في جبينه أشرقت البدور

بشوفته تنشرح الصدور

خلقوه زول وكسوه نور

من شدة الحيا والسرور

زادوه ذوق وهدوه تيه

فتنت بيه .. عشقته ليه

فتنت بيه .. حبيتو ليه

كان مالي انا مالي بيه

فتنت بوجهه الصبيح

هويته بالمعنى الصريح

حبيته حب ابن الزريح

قول للعزول فيق واستريح

آويته في قلبي الجريح

ما دام بريده بخاف عليه

فتنت بيه .. عشقته ليه

فتنت بيه .. حبيتو ليه

كان مالي انا مالي بيه

الكوماوي
26-08-2010, 04:03 PM
تحت فيحاء الخميلة
كنا والأطيار تغني
ترقص الأطيار تمنى
بيننا أوجه جميلة
كلما العصفور يغرد
والنسيم يهفو ويبرد
تزدهى الأقمار تورد
واحدة صاحية
وواحدة وسنى
وواحدة فاترة فاتنة حسنه
فى غفلة الدهر أختلسنا
نحن بيناتن جلسنا
جلسة ما منظور مثيلها
عندما أتلاقت عيوننا
تهنا واتوافت ميولنا
وأنضوينا بين أحضان الجنينة
فوق أعشابها الحنينة
من سلاف الحب رشفنا أرتوينا
و قلنا يا ساقينا لحظة
أم كؤوس الراح سقينا
ورحت تلعب بى عقولنا
كلما قامتك تميل
وترنو عيناك الكحيله
الغيم أرسل سدوله
ونسيم شمبات يأرج
ويعرج من حقوله
جداول الموية كابه
ونسايم العزرى هابة
كل زول مفتون بى زوله
عيون لى عيون محاربة
وشفاه لشفاه مقاربة
وزى ما الناس يقولوا
خليهم يقولوا
حلات الجمعة يومها
وحلو شمبات مقيلها

الكوماوي
26-08-2010, 04:14 PM
عودتني غيابك
عودني قربك يوم
عودتني غيابك
و اليوم علي يطول
و يطول كأنو الحول
و في يوم تجيني و انسى
في فرحه المذهول
الامي فيك تقسى
و تثور علي و تلوم
كأنك المظلوم
رغم العذاب واللوم
فى اللحظة ديك تغمرني
سعاده المحروم
أطرب لألفاظك
و اتهنى بعتابك
مادام بجيبك لي
يا ريت عتابك يدوم

الكوماوي
26-08-2010, 04:20 PM
يا حبيبي قوماك ننفرد .. على مقرن النيل الظليل

الروض بسم .. والطير غرد .. والطقس لاحر لابرد

والشمس أبان الشروق .. هنا يا الحبيب نجلس نروق

نور الصباح بدأ وانتشر .. ومن المنام صحت البشر

أما السواقي بدت تسوق .. والشمس طلت نورا فوق

أجمل صباح زاد قلبي شوق .. أنت الحياة .. وأنا ليك عشوق

شوف توتي يا المحبوب بدت .. كالطفلة باكية تنهدت

ضماها ذا النيل الشفوق .. والطير عمل في نخيلا سوق

والقمري غنى بكل ذوق..

رحلتنا يا سيدي أنتهت .. لازم نعود عند الأصيل

الكوماوي
29-08-2010, 02:09 PM
فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل

السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

الكوماوي
29-08-2010, 02:31 PM
الليلة لا قيتو

ملأ السرور قلبى

وبإسمو ناديتو

القلب حباه

وبالشكر واليتو

ما عشقت هندامه وقامته وتواليته

أنا عاشق أخلاقه وقدرته جليته

ياليته يشعر بى ياليته ياليته

بالذمة با مدهش

وجدانى هزيتو

منى الفؤاد بالصد صدعته وأذيته

وأن حلفونى بإسمك عن ضررى عزيته

ليه ودى بالهجران يا حبيبى جازيته

أنا لو ضمنت رضاك

كان شخصى هنيته

وينتم لى أملى

الفى الكون تمنيته

وأقول صريح للناس يا ناس السعد ظنيته

عرج على بعد ما خلاص العمر أفنيته