المساعد الشخصي الرقمي

مشاهدة النسخة كاملة : الصباح الباهي لونك/مختارات من اغاني مصطفي سيد احمد....



حسين محمد يوسف
22-05-2007, 07:17 AM
مقـــــــــــــــــــــــــــــــــــــدمه

من منا لم تطرق باب اذنه هذه الالحان الشجيه ؟؟ من منا لم تحركه وتهدهده هذه الكلمات الرائعات التي تغني بها عبقري الوجدان الانسان مصطفي ؟؟ من منا لم يتنسم عبق الحزن
النبيل والشجن الاليم؟؟ من منا من لم يتنفس رائحة الدعاش حين يغني عشرات حبابك سلامات يسلم شبابك سلامات والقبل شابك سلامات وخيرك سنابل سلامات وهواك هنا
قلبين عاشقين ترابك سلامات؟؟من منا لم تنزل دموعه وهو يسمع السمحه قالوا مرحله وبعدك الفريق اصبح خلا؟؟ومن منا من لم يامل في بكره حين يقول في عينيك عشم باكر ماانت العمر كلو والشمس الوشاحه ظهور؟؟ومن منا لم يشعر بالامان والحنان حين يغني
لمحتك قلت بر آمن بديت احلم ؟؟ومن منا لم يذب في الهوي واذاقه المحبوب الجوي والفراق وهو يسمع غدار دموعك مابتفيد في زول حواسو اتحجرت جرب معاك كل السبل وايديهو ليك ما قصرت حطمت في قلبو الامل كل الاماني الخدرت وكلمات ليك ضاعت عبس لا قدمت لا اخرت؟؟ ومن منا لم ينتشي مع نشوة ريد احساس اكليل ؟؟ولكل من في الغربه
والله نحن مع الطيور الما بتعرف ليها خرطه ولا في ايده جواز سفر ونمشي في كل الدروب الواسعه ديك والرواكيب الصغيره تبقي اكبر من مدن والدنيا ليل غربه ومطر وشايلاه وين النيل معاك وانا بي وراك بسال عليك مدن مدن بسال عليك في المنفي في مرفأ السفن!!
من منا لم يغص واتوه بين اسطر شهيق ؟؟ وهذه المسرحيه عم عبد الرحيم وعمنا الحاج ود عجبنا ويالا الروعه!!ومريم الاخري انجبتني قطارا وحقيبه ثم اهدتني المنافي!!
وادفقي ماتبقي رقراق ابقي يا ضل يا شموس وضليت وهرب مني الامل جنيت وجافاني الشروق حنيت واظنك عرفتي هموم الرحيل ومسافر مسافر وفاقد دليل وواقف براك والهم عصف ريحا كسح زهرة صباك ..وضاحه يا فجر المشارق وحا تجي البت الحديقه ويا ضلنا المرسوم علي رمل المسافه وشاكي من طول الطريق والله بيناتنا المسافه والعيون واللهفه
والخوف والسكون وطريتك قلبي علمتو وعشان انساك علمني وادر الكاس علي العشاق صفوا ومداما في عيونك ضجة الشوق والهواجس...
والكثير الكثير من الدرر للانسان الفنا ن مصطفي سيد احمد ابن ود سلفاب تلك القرية الصغيره الوادعه والتي تقع غرب مدينة الحصاحيصا..ولد عام 1953 وتوفي في العام 1996م وله ابنين سامر وسيد احمد وايضاً توفيت والدته ست الجيل بفترة ليست بالبعيده وكانت رحمها الله اشد تاثرا بوفاة ابنها مصطفي وقد حكي لي احد اصدقائي من ود سلفاب
الاخ مبارك محمد سليمان انها كل ما سمعت صوت ابنها بالاذاعة او التلفزيون او عبر
اي جهاز كانت تبكي فور سماعه لها ،وحكي لي ايضا ان مصطفي عندما اتي الي القريه مودعا لاهله في العام 1989م وجد زواج احد اهالي القريه فسالهم هل ستقيمون حفل الزواج فقالوا له ليس باستطاعتنا احضار فنان من الحصاحيصا فذهب هو بنفسه الي الحصاحيصا واحضر مجموعة من العازفين واحيا مصطفي الحفل وبدون مقابل وكانت هذه اخر حفلة يحييها ومنها بدا مشوار الغربه متنقلاً ما بين العواصم فسافر الي مصر وليبيا و
روسيا في روسيا اجري عملية زراعة الكلي وكانت اخر محطاته الدوحه والتي كان يواصل فيها الغسيل الدوري للكلي وايضا العطاء الفني والذي لم يبخل به علي هذا الشعب برغم
ظروف المرض وبرغم محاربته من جانب وسائلنا الاعلاميه فلم يبخل علينا وبثنا اشجانه واحزانه واهدانا اعذب الالحان واروعها فكان مصطفي هذه التجربة الفريدة وهذا الصوت العميق الدافق الا رحم الله الفنان الرائع والممذوج بي عرق الغلابه التعابه والمزارعيه و
طوريتك في الطين مرميه وكوريتك يابسه ومجدوعه ومزارع بات علي عشقين تراب بلدو
وسماح فوق بت مزارعيه وبقول غنوات وشليلنا دليل شليل ماراح شليل عند التقانت قام
خدار شليل ارضنا يا جنيات ويا بت يانيل العاشقك عاشق كل الفيك ويا صديقي الاول بان
في ود سلفاب بين ظلاله يتأول ونسال الله ان يتغمدك بواسع الرحمة والمغفرة.......
حسين محمد يوسف...........

حسين محمد يوسف
22-05-2007, 07:29 AM
وضـــــــــــــــــــــــــــــاحه
ازهري محمد علي
الصباح الباهي لونك
وضاحه يا فجر المشارق
غابة الابنوس عيونك
يا بنيه من خبز الفنادق
شيدتي في جواي صوامع للفرح
وفتحتي في دنياي مسارح للمرح
وبقيتي لي سكه وعيون
لا قدرت اطولك شان أجيك
لا قدرت من غيرك اكون
وانا بيك ماليني الكلام
حركت بيك عصب السكون
جلبت ليك الغيم رحط
طرّزت ليك النيل زفاف
وحرقت ليك الشوق بخور
وفرشت ليك الريد لحاف
لا السكه بيك بتنتهي
ولا معاك مليت طواف
ياريتني لو اقدر اطولك
وضّاحه يا فجر
المشارق

حسين محمد يوسف
22-05-2007, 07:38 AM
يا ضـــــــــــــــــــــــــــلنا
يحي فضل الله

يا ضلنا
المرسوم علي رمل المسافه
وشاكي من طول الطريق
قول للبنيه الخايفه
من نارالحروف
تحرق بويتات الفريق
قول ليها ما تتخوفي
دي النسمه بتجيب الامل
والامل بصبح رفيق
والاصلو في الجوف اندفن
لا بتنسي....لا بنمحي....لا بنتهي
منو الحريق يا ضلنا..
******
والفينا من آهات اليمه
في حكاوينا القديمه
لا بيرحل عن عيونا
لا بتخشاه الهزيمه
والقبيل راجنو نحن
يوم تبشر بيه غيمه
لما تمطر يوم علينا
الفرح يملا المدينه
والبلودات الحزينه
يا ضلنــــــــــــــــــــــــا

حسين محمد يوسف
22-05-2007, 07:49 AM
حاجه فـــــــــــــــــــــــــــيك
هاشم صديق

حاجه فيك
تقطع نفس خيل القصائد
تشده اجراس المعابد
توهتني...تعبتني...جننتني
جننت حرف الكلام
وبرضو أدتني السلام
*****
حاجه في شرف المدائن
وفي غرف كل السفاين
جوه في عمق المناجم والعيون
حاجه زي ما تكون محلق في العواصف
وفجأه تهبط للسكون
حاجه زي نقر الاصابع
لما ترتاح للموسيقي
حاجه زي اخبار تناغم من جريده
حاجه زي وتر الموانئ
لما يصدح لي سفينه
*****
حاجه فيك لا بتبتدي
لا بتنتهي
خلتني ارجع للقلم
واتحدي بالحرف الالم
وأضحك مع الزمن العريض
وأنسف متاريس الطريق
واعرف متين أبقي المطر
وافهم متين أصبح حريق
حاجه فيك

حسين محمد يوسف
22-05-2007, 07:57 AM
يا بـــــــــــــــــــــــــــــــكره
يحي فضل الله

مساماتك بتتشقق
عشان تشرِق صباحاتِك
صباحاتِك بتتعانق مع الفكره
وتاخد من جراحاتِك
نضيف احساسنا لي بكره
يا بُكره.....يا بُكره
يا بُكره الغصن الناشف
يا بُكره الفرح يوماتي
بيكاتِل حزن أطفال
بِتتشابا عشان تعرف
شنو الفي إيدنا لي بكره
شنو الدّاخرنّو للسكه
عشان تشرق صباحاتك
عشان تقصر مسافاتِك
عشان تبرِق غماماتِك
عشان تِخضر مساحاتِك
عشان بُكره
وبعد بُكره

حسين محمد يوسف
22-05-2007, 08:12 AM
يا مطر عز الحريق محمد الحسن سالم حميد

من الواسوق أبت تطلع
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت وكترت
يفيض النيل ونحيض نحن
يظل حال البلد واقف تقع محنه
ولا النيل القديم ياهو
ولا يا انا
نعاين في الجروف تنهد
ولا يا انا
رُقاب تمر الجدود تنقص
ولا يا انا
متين إيد الغبش تتمد؟؟
لا قدام ...ولا قدّام
تتِش عين الضلام بالضو
تفرهد شتله لا هدام
ولا فيضاً يفوت الحد
لا هدّام
عُقُب يا نيل تكون ياكا
ونكون أهل البلد بالجد
*****
يا مطر عز الحريق
يا مصابيح الطريق
يالمراكبيه البتجبد
من فك الموج الغريق
جينا ليك والشوق دفرنا
يا نَشوق روحنا ودمرنا
يالمحطات الحنيني
القصّرت مشوار سفرنا
ياما شايلك بيني حايم
لا الليالي المخمليه
لا العمارات السوامق
لا الاسامي الأجنبي
تمحِي من عيني ملامحك
وإنت جاي المغربيه
داقسي دايشي المغربيِّ
وشِّك المكبوت مكندّك
سمسونايتك زمزمي
سبحه فانوساً مدردح
قلتي بيهن لي زمانك
يا زمان الحاجي عندك
يا زمان الآهه حدّك
لا تطأ الورده
الصّبيِّ

حسين محمد يوسف
22-05-2007, 08:22 AM
وجيــــــــــــــــــــــــــــــــــــــــــــده
قريب الله محمد عبد الله

بعيده عني خطاك
ما لامست وجه الطريق
ومشيتي...ومشيتي
لا فوق غيمه
لا ظني...بعيد عني
كأنك من وراء صفحة
زجاج مبلول
وراك الريح
وقدّامك مدي السكّه
ونِدا المجهول
أنادي ليك...وأنادي ليك
وجيده...وجيده
لا إتلفّتي لا لوّحتي بي إيديك
أنادي ليك
يجاوبني المدي الفاتح مدارج الهم
بتبقي وجيده طعنة سيف
موسّده شِق السما المرسوم
وسادة دم
وتبقي إيدينا في إيديك
وفي شعرك
وفي المنديل
وفي ايديك بعيد عني

حسين محمد يوسف
22-05-2007, 08:47 AM
نشوة ريــــــــــــــــــــــــــــــــد
قاسم ابو زيد

نشوة ريد
إحساس إكليل
وردة وصلك
جنة أصلك
نجم الليل الوصل جميل
نحن مشينا الخطوه الاولي
وإنت معاي مشوارنا بيقصر
بُكره بنحكي الشوق للذكري
نار الريد الغابت تظهر
الاطفال يا فاطمه بغنوا
الأفراح لابد من ترجع
الاطفال يا بنيّه بغنوا
الأفراح لابد من ترجع
الأحلام الدونك فاتت
لو واصلنا صباحه بيطلع
نشوة ريد
احساس اكليل
وردة وصلك جنة اصلك
نجم الليل الوصل جميل

حسين محمد يوسف
22-05-2007, 09:02 AM
قمر الزمــــــــــــــــــــــــــان

كتبت ليك
لا بيني بينك ريده
لا قصة غرام
إخترت ليك أجمل حروف
واصدق فواصل نادره في لغة الكلام
لا قصدي ألهو معاك بي كلمات غني
لا شعري ليك مرجيحه من شعر الغمام
وكتبت ليك
والله يا قمر الزمان
شان جيتي بي زمن المحنه
وشفت في عينيك حس اهلي الحنان
وكتبت ليك
وأنا جاي من زمن الشقا
المرسوم علي وش الثواني مظلله
تتمدد الساعات سنين
تتفتح الأحزان غريبه ومزهله
وأشتاق أفتش نسمه
في الزمن العذاب
وايامي من كتر الأسي
وكتر العزوف والإغتراب
صبحت حروف مترهله
لا فيها نبضة روح تموت
لا فيها سكة زول يفوت
لحظات أسيفه ومهمله
وكتبت ليك ووقفت ليك
لامن لقيتك جايه في قلب الطريق
ولمحت فيك راحة المشاوير البعيده
ولفحة النسمه الحنينه
الجايه من جوف المضيق
حسيت عجايب الدنيا
إتلمت بقت جاياني
من عصراً سحيق
عينيك حس أطفال
بنادوا القمره للغايب يعود
وجبينك الضوّاي حُجا الحبوبه
في الزمن السعيد
وأنا في قساوة الموحش
الزمن المكهرب بالحريق
أنا حيلتي إيه قولي لي يا قمر الزمان
غيرأتكي وأحلم معاك
وأحضن أماسي الصحو
والأمل البريق

خالد الشنقيطي
22-05-2007, 09:59 AM
انت رائع يا حسين لما اوردته عن الذي ادخل لونا جميلا للفن في بلادنا عن الذي يحلق بك وعبر صوته الشجي وكلماته الرمزية في عوالم ضجة الشوق والهواجس عن الفنان مصطفي سيد احمد. مها كتبنا فلن نستطيع ان نوفيه شيئا من حقه لكن نسأل الله ان يتغمده برحمته. اللهم امين.
اخي حسين مشكور جدا جدا ولك التحية,,,,,,,,,,,,,,,,,,,,,,,,,

برهان
22-05-2007, 11:25 AM
مشكور اخي حسين على هذا الجهد والابداع الراقي
وفعلا الفنان مصطفى سيد احمد قمة الابداع والطرب الجميل رحمة الله واسكنة الفردوس ويكفيني فخرا انني من محافظة مصطفي اقصد محافظة الحصاحيصا حيث يولد الابداع
لك التحية وعايزين صوتيات

الصاوي
22-05-2007, 12:59 PM
والله رائع اخي حسين ،، مشكوووووووووووور وتسسسسسسسسلم

حسين محمد يوسف
22-05-2007, 10:57 PM
انت رائع يا حسين لما اوردته عن الذي ادخل لونا جميلا للفن في بلادنا عن الذي يحلق بك وعبر صوته الشجي وكلماته الرمزية في عوالم ضجة الشوق والهواجس عن الفنان مصطفي سيد احمد. مها كتبنا فلن نستطيع ان نوفيه شيئا من حقه لكن نسأل الله ان يتغمده برحمته. اللهم امين.
اخي حسين مشكور جدا جدا ولك التحية,,,,,,,,,,,,,,,,,,,,,,,,,

لك جزيل الشكر الاخ خالد علي كلماتك الرقيقه ومرورك الطيب......

حسين محمد يوسف
22-05-2007, 11:03 PM
مشكور اخي حسين على هذا الجهد والابداع الراقي
وفعلا الفنان مصطفى سيد احمد قمة الابداع والطرب الجميل رحمة الله واسكنة الفردوس ويكفيني فخرا انني من محافظة مصطفي اقصد محافظة الحصاحيصا حيث يولد الابداع
لك التحية وعايزين صوتيات

كل الود وخالص التحايا الاخ برهان علي الثناء ومنكم نتعلم الابداع يا سيدي وبالنسبه للصوتيات والله ياريت لو بعرف كيفية رفع الاغاني لما بخلت بها واترك رفع الاغاني لذوي
الاختصاص وان يمدوا هذه الصفحة باغاني هذا الرائع ابدا مصطفي سيد احمد.....

حسين محمد يوسف
22-05-2007, 11:05 PM
والله رائع اخي حسين ،، مشكوووووووووووور وتسسسسسسسسلم

خالص الود اخي العزيز الصاوي علي تشريفك لي بهذه الصفحة فانت الروعة ايها الرائع
وتسلم يا غالي........

حسين محمد يوسف
23-05-2007, 03:38 AM
عم عبد الرحيم
محمد الحسن سالم حميد

فتاح يا عليم رزاق يا كريم
صلي علي عجل
همهم همهمه
وحصّن للعباد وهوزز سبحتو
دنقر للتراب هم فوق هم هما
صنقع للسما وكان في الجو في غيم
وكم نجمات بُعاد
وكان الدنيا صيف
لا قالتلو كيف
كيف أصبحت كيف
لا لمسة وداد لا لمسة حنان
لا رمشة طريف من قلباً وفي
زي أيام زمان أيام الدفئ
كانت ماها في
كانت في المراح
شدَّتلو الحمار تحلب في الغنم
لي شاي الصباح
والطير مانضم
مارسل نغم
عم عبد الرحيم إتوكل نزل
في المشرع لقي زملان الشقي
الجا من الجريف والجا من الجبل
علَّ الناس بخير
صبَّح هازرم نقنق ناقرم
غاظوه ونعل
عم عبد الرحيم ما بخبر زعل
كل الناس هناك ما بتخبر زعل
تزعل من منو وتزعل في شنو
كل الناس هنا كل الناس صحاب
كل الناس اهل
والماهُم قراب قربم العمل
الطاق اليطق عشت ابو الزمل
بالحال العليك بالفال بالأمل
عم عبد الرحيم كت فلاح في يوم
في إيدك تنوم علي كيفك تقوم
لا دفتر حضور لا حصة فطور
تقرع بالقمر وتزرع بالنجوم
لكن الزمن دوار آبيدوم
عم عبد الرحيم ماشي علي الشغل
في البال القديم انعارض تكل
تنشايح جراح يا كيف الغسل
الدنيا ام صلاح تبدا من التكل
من حِجة صباح في حق الملاح
في اللبس الجديد في القسط القديم
وبيناتم عشم في الفرح البعيد
أمونه الصباح قالتلو النعال
والطرقي انهرن
ما قالتلو جيب شيلن يا الحبيب
غشهن النقلتي والترزي القريب
بس يا ام الحسن
طقهن آبيزيد
طقهن آبيفيد
انطقن زمن وانطق الزمن
لازمك توب جديد وبي أيَّن تمن
غصباً عن الظروف والحال الحرن
شان يا ام الرحوم ماتنكسفي يوم
كان جاراتنا جن مارقات لي صفاح
او بيريك نجاح ده الواجب اذن
وإيه الدنيا غير لمة ناس في خير
او ساعة حزن
عم عبد الرحيم يا حُر ماك حُر
ياريت التمر لو يشيل كل تلات اشر
ولا ايام زمان ما كانت تمر
كان ما جاك هوان وما لاقاك ضر
كان لا ضيقتي ضيق
لا إتغرغر صبر
لا شابيت غريق لا طوَّح فقر
وكان ما كان وكان كان اكسيكي در
حيكومات تجي وحيكومات تغور
تحكم بالحجي بالدجل الكجور
ومره العسكري كسار الجبور
تعرف يا صبي مره تلف تدور
ولا تقول برئ أو تحرق بخور
هِم يالفنجري يالجرف الصبور
كل السقتو مات باقي علي التمور
وأرضك راقدي بور
لاتيراب وصل لا بابور يدور
والماهية اُف عيشة هاك وكف
في هذا الزمن تُف يا دنيا تُف
يالعبد الشقي ما اتعود شكي
لكن الكفاف فوقك متكي
والسوق فيك يسوق حالك ما بتسر
إلا كمان في ناس فايتاك بالصبر
ساكنين بالايجار لا طين لا تمر
واحدين بالايجار ما لاقين جحر
سلعتم الضراع والعرق اليخر
عمال المدن كلات المواني
الغبش التعاني
بحارة السفن حشاشة القصوب
لقاطة القطن الجالب الحبال
الفطن الفرن
الشغلانتو نار والجو كيف سخن
فرقاً شتي بين ناساً عيشا دين
مجروره وتجر تكدح بالاجر
ومره بلا اجر
عيشن كمهوا وديشن هان قدر
ناساً حال زين
مصنع مصنعين
طين في طين وين
ما مرّابا مر بارد همها
لا يعرق جبين ولا وشاً يصر
عين والله عين
كلها كمها وعزها هان قدر
في الجنة ام نعيم في الجنة ام قصر
ياعم عبد الرحيم الا ورا القبر
ويلكد في الحمار لا تسرح كتر
فتّاح ياعليم وان كان الفقر
يا عبد الرحيم اشبه بالكفر
ونقرط للحمار نقريطة الحمار
لا تنسي النعال
الطرقي الخدار اللبس الجديد
تصريح السفر للماشي الصعيد
ماشي الديش نفر
والبال إشتعل
بالابا ما يعيد الحول ما اشتغل
الغبن الشديد السابا ورحل
الضيق المحل
الفرج القريب الجا وما وصل
زي الحال ده يوم لا كان لا حصل
والبال اشتعل والبال اشتعل
السكه الحديد يا عمو القطر
يا عبد الرحيم قدامك قطر
السكه الحديد قدّامك قطر
وسال الدم مطر
وطارت دمعتين وإنشايح وتر
يا طاحن الخبر مابين القضا
ومرحاكة القدر
الشهدوا الدموم والدمع الهدر
إيدم في التراب والعين في القطر
عارفين الحصل عارفين في حزر
الخبر اليقين بوخ وانتشر
أطفال القري وعمال الحضر
أدوه الطيور ودنو البحر
إنصاعد سحاب إندافق مطر
عم عبد الرحيم في الشارع عصر
لي تال اليسار متفادي الكجر
دورية الكجر عربية الكجر
جفّلت الحمار وطوّح زي حجر
وعم عبد الرحيم اتلافا القطر
فتّاح يا عليم سال الدم مطر
مجرتق بالتراب منشور بي كتاب روشته وجواب
وماهية شهر مفتاح اب غراب
واورنيقين سهر جمب لبدة حمالر
مقطوعين ضهر
عم عبد الرحيم يا كمين بشر
صحي الموت سلام ما يغشاك شر

حسين محمد يوسف
23-05-2007, 06:23 AM
سطوة محاسنكصلاح حاج سعيد

كان نفسي اقولك من زمان
بالكاتمو في سري
ومكتم في حشاي
مدسوس سنين
كان نفسي اقولك من زمان
بالشايلو في عيني معزه
وفي القلب ريداً يخاف الغربه
والشوق والحنين
زاملني زي خاطر الفرح
وكتين يقاسم الهم عزا
وكتين مدامعي تكون جزا
تفتح مباهج الليل ظنون
كان نفسي اقولك من زمان
سطوة محاسنك ما الرخام الفي الحرير
وكت الثغير يفجعني بي حرفا قسي
ينهزم لي طيبتي بي لفظة حنان
وكتين مشاعرك تنسجم في عمري
تفتح قلبي بي رعشة أمان
سطوة محاسنك عندي وكتين شوقي
يصبح في هواك
ليل عزه ما بتعرف هوان
كان نفسي اقولك من زمان
عينيك وحاتك غربتي وأهلي
وبلادي الفيها ضايع لي زمن
عينيك وحاتك شوقي لي زولاً ولوف
من بعدو ساب عيني سهن
وانا الكنت داير من زمان
أشرح حكايتي معاك الف
واحكيك وأزيد القول ولف
وأتمني لو قلبك عرف
كان من زمان من قبل
ما في قلبي يتحكر زمان الحرقه
في جرح الاسي
من قبل ما حرف الحقيقه
الحلوه يتبدل عسي
ويصبح اماني كسيره في خاطر الحنان
كان نفسي اقولك
من زمان

أبوجاره
23-05-2007, 06:29 AM
لك جزيل الشكر أخى حسين على سردك لهذه القامه المتفرده فى الغناء يرحمه الله رحمه واسعه وجعل الجنه مسواه آمين يارب

حسين محمد يوسف
23-05-2007, 06:32 AM
اسئلة ليست للإجابه
يحي فضل الله

ما معني أن نحيا
ولا ندري بأن العشق
قد يبقي سجيناً في الخلايا؟
ما معني أن نشهد موات الاغنيات؟
ما معني هذا الصمت
الذي لا ينتهي وبرغم حاجتنا الصراخ
هل يختفي الظل الذي لا ينتمي
إلا لمعرفتي وجهلي
وهل نودع بعضنا ونذهب
في سراب الذكريات
كيف تبدو الذكريات
كيف يبدو طعم ايام الشجن
من يُعلِّم ذكرياتي كل أشكال التداعي
والرحيل المر دوماً
حين يصطدم المدي بالمآسي
والمخاوف وإحتضار الامنيات
تعبٌ هو البرق الذي لا يضئ أقبية الخبايا
لا ينتمي للسحب والعشب الذي
لا يرتوي إلا لطعمك
يا عصيراً من خليط الدهشة الاولي
وإحتراف الأغنيات

حسين محمد يوسف
23-05-2007, 06:44 AM
أستــــــــــــــــــــــــلاب
يحي فضل الله

خبريني
والمساء الشاحب الخطوات
يحترف التعب
ورحيل اغنية توشوش
في خبايا الانتظار
تضيع مني كي أجاذب
أطراف الزمان
اهدهد الكلمات لا أقوي
علي شئ من الذكري
وهذا العقل متعبُُ
وجوع الدرب لا يفضي إليك
ولا إلي اللغة الصريحة
كي أحدد ما تبقي من رحيقك
في مسام الروح والجسد إشتعالا
وهذا النبض أتعب وتلك الخطوة ابتعدت
عن الصحو المكمل للحقيقة
أغلقت بالخبث أبواب الوضوح
زيفت صوت المغني
عهّرت لغة النشيد
ضيّعت حلم الصّبايا
في طوابير الرغيف
غيّبت حُلم الطفولة
أنهكت حزن الشيوخ
همّشت منك القضايا
في إحتمالك للتواصل
والمرابون إستباحوا هذه الارض الحلوب
فيا جميلة خبريني
كيف بدلنا الكذوبفي إنتظارك بالكذوب
ثم إنّا لم نعد ندري
بأنا مذ حملناك جنينا
قد نسينا ان نضع فيك الملامح
لو سُئلنا كيف ضيّعنا
إنبهارك بالخصوبة
وارتضينا ان نسلم للعساكر
من ثمارك مايطيب

حسين محمد يوسف
23-05-2007, 07:06 AM
ادفقــــــــــــــــــــــــــــــــي
قاسم ابو زيد

كيف اجاوب عن هوانا
لما يغلبني السؤال
لما يتأرجح منانا
بين مظنه واحتمال
ما بحسك دونك انت
الحقائق في الظلال
والحرف بعرف مداه
حتي لو جن الخيال
إدفّقي
ماتكوني رقراق
أبقي يا ضل يا شموس
غطي المساحات بالوضوح
استنهضي الشوق الجلوس
إدفّقي
وهجك شوارع
ذاتي في ليل اليباب
ما تخافي من دم الغروب
لو رتّش اللوحه الضباب
ما دام ضميرنا الفينا حي
ما دام عريق العشق حي
ملحوقه يا مدن السراب
ما تشفقي
العطش الرحيل
النيل ركيزه
ودمعة الاحباب
سحاب

حسين محمد يوسف
23-05-2007, 07:27 AM
حليوه ليلة المولدمحمد طه القدال

بقول غنوات وأقول غنوات
في البلد البسير جنياته لي قدام
ولي الولد البتل ضرعاتو في العرضه
ويطير في الداره صقريه
ولو السمحه تلت ايد ومدّت جيد
يقوم شايلاه هاشميه
ويشيل شبالو ختفة ريد
وفرحة عيد وريدة روح
وحمرة عين وإيديه
ويا الولد البشيل مدقاقو
قولة خير علي القمره
يقابل الجايه متحزم
ويدارك الجايه متلزم
كلام فاسك علي أرضك
يبقي عديله يا بيضه
ويبقي زفاف تزغرد ليه قمريه
وقبال حول تغّيم غيمه قِبليه
ترش الداره والحدبه الصعيد الحله
ويا فرحه بتطارد الصفقه
في النسمه الصعيديه
ويا جهرة نهار الليل بدرية
رحيح جنياتنا في الحدبه الصعيد الحله
يا سمحاتنا هو لبلب
يا قمحاتنا هو لبلب
ويا اللوز الفتق في الوادي هو لبلب
ويا سمحاتنا هو لبلب
ويا البحر الطمح مدادي هو لبلب
ويا حجواتنا يا صلواتنا هو لبلب
سألتك بالذي ركز الارض معبد
وسوي الناس عليها مقام
سألتك بي حشا الامات ودمعاتنا
سألتك بي كبيداتن ودعواتنا
شليل وين راح
يكون ضل الخريف فاتنا
شليل وين راح
وزي برق السماك الجابهة دغشيه
وزي زغرودة البطن الكباريه
مرق من شامة القمره
ومقدم بالعديل يبرا
تعالوا تعالوا أبشروا آجنيات
شليل ماراح شليل ما فات
شليل عند المسور وحِرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصايص الليل
يتمتم ليلو ورديه
حرازنا شليل شليلنا دليب
شليلنا دليل علي البلدات
بعد درب التبلديه
شليل ما راح شليل ما فات
شليلنا ونحن همباته
ومهاجريه
مزارع بات علي عشقين
تراب بلدو وسماح فوق بت
مزارعيـــــــــــــــه

حسين محمد يوسف
23-05-2007, 07:35 AM
البت الحديقهخطاب حسن احمد

حتجي البت الحديقه
فارده انسام في طريقه
وشايله الوان
حتجي البحدث بريقه
ضجة الضو في المكان
حتجي المن بدري جات
من ضلامات السكات
شايله قمرين في عيونه
وفاتحه ليلين
بي جنونا
وضاويه ساحات
إنتمت لي فجر فات
وتنتمي لي عصور جديده
حتجي البت البريده
ضاحكه منتصره وعنيده
آمله مزدهرة وجديده
وناقشه في الزول أغنيات
حتجي المن بدري جات
ناسفه أزمان السبات
واصفه للناس الطريقه
وللعصافير الجهاد

حسين محمد يوسف
24-05-2007, 02:29 AM
عدّي فـــــــــــــــــــــــــــــــــــات
صلاح حاج سعيد

عدي فات زمن العيون الالفه
والحضن الملاذ
ورهافة الحس البلون
ضحكة الناس العزاز
بعد الحنان الكان زمان
إستوطن المطر الحراز
روّح زماني وفي رجاك
عانيت قساوة الانتظار
في ضل شبابيك السفر
صادقت ليلات المواني
الساكنه في بحر الاماني بتنتظر
لو يوم طيوف لحظك تفوت
تعبر خيالاتك تمر
قلق المواعيد الضجر
سهر العيون الاحتراز
واتعزز النوم الخزاز
واتمدد الشقي في العمر
مليت تباريح الجراحات
البقت بعدك اسي
وزمناً قسي وحالاً أسيف
ومشيت افتش عن خطاويك القبيل
وأضاري من زمناً وراك ملاني خوف
احتجت ارتاح في عيون
فيهن ملامحك من غير اي زيف
واشتقت لي ضحكة صباحك
والدعاش عطّر رزاز مطر الخريف
وأنا وإنت والدنيا الامان
والناس وفا خوه وصفا
ودفء المشاعر الشاتيه صيف
أنا وانت والدنيا الامان
مالعمر شتان بين اوان
زمناً حييتو معاك
وعمر مابتقدر بتعرف
بكره اصبح حالو كيف
عدي فـــــــــــــــــــــــــــــــات

حسين محمد يوسف
24-05-2007, 02:47 AM
يا ســــــــــــــــــــــــــــلام
عبد الوهاب هلاوي

لو مني مستني الملام
يا سلام عليك يا سلام

يا حلو ده السكوت مرات كلام
وعدم الملام هو كمان ملام

انا يا غرامي وصلت بيك
في الدنيا لي حد الغرام

ولقيت ملامي علي عينيك
يا سيدي زي الما ملام

دي الورده لو خان الفراش
ما اظن تلومو مع الندي

ما بتجرح احساسو الجميل
والريده يا حنين كده
دي الريده يا حنين كده
يا سلام عليك يا سلام

حسين محمد يوسف
24-05-2007, 03:00 AM
اظنك عـــــــــــــــــــــــرفتي
جمال حسن سعيد

أظنك عرفتي عواصفك مهبي
أباري في خيالك اسوقني ويودي
ونهرك يعدي ويجهل مصبي
هواجسي البتزرع وظني البربي
بديتك خواطر بتصحي وتساور
وطيفك يزاور وروحك تحاور
تجيبني في زمانك موشح اساور
اقول بس نسيتك وجرحك يتاور
أظنك عرفتي عذاب المغني
وطبلو المجدّاع شظايا التمني
حروفو البتجزع في لحظة تجني
خطاه البتهرع متين تطمئني
مسرِّج خيالك حصاني القبيل
معربد غباره وخلي الصهيل
مسافر مسافر وفاقد دليل
أظنك عرفتي
هموم
الرحـــــــــــــــــــيل

حسين محمد يوسف
24-05-2007, 03:12 AM
سافـــــــــــــــــــــــــــــــــــر
قاسم ابو زيد

سافر مطارات الوداع
ضجّت قدامك وراك
بيضا سماك غنّاي
مساحات الأسي الفي عيونا
تتفجّر مدينه وناي
بطاقات دعوة الرجعه
تساب عينين من الفرحه
دموع للحاضرين فجّت
زغاريد غطت الدنيا
وعاد فرح الرجوع منيه
صداك الريح
ومن السنبل الغناي
كتير بنعاتب الحاضر
ولا أسفاً علي الماضي
صِدق الرؤيه من قلبك
نغم فنان بعيش راضي
مداك اتعدي حد الشوف
دخلت علي الشعر انسان
هواك اتخت جوه الجوف
وانتحر النهار هسه
نغنيك لي مدن شاخت
معاك احلامي ما تنسي
تغنيك القري الراحت
خلاص يا غربه ما ترسي
غنيناك وبنغني
وبتحدي الزمن فنان

خضرادم
24-05-2007, 12:14 PM
واصل يا وريف
ومتابع جيد جدا
وشكرا الى الاختيار الرائع
تحياتى

حسين محمد يوسف
25-05-2007, 03:31 AM
واصل يا وريف
ومتابع جيد جدا
وشكرا الى الاختيار الرائع
تحياتى

لك التحية اخي خضر آدم علي مرورك الجميل لك الود وانشاء الله نواصل...........

حسين محمد يوسف
25-05-2007, 03:41 AM
ليه غبت يا لقمره
قاسم ابو زيد

الحال وقف
نار الفرح ما ولعت
ساق الحراز كضب
شرب موية المطر
دلوكة العز والعزاز
*********
ليه غبت يالقمره
نركب جياد الليل
انشرّ بينا صباح
سفر العتامير ليل
نرجاك في المطره
ارجع تعال ياشليل
درع الاميره سِرق
سووهو حدوة خيل
بحر العطاشه نشف
نشرب بواقي السيل
*********وقام مصطفي رحمه الله بتكملة النص بمقطع من احدي قصائد حميد وهو..
صد لي ملامحك ياحراز
ريح العوارض غرَّبت
فرتق ضفايرك في الرزاز
جية العصافير قرَّبت

حسين محمد يوسف
25-05-2007, 03:54 AM
طـــــــــــــــــــــــــــــــــــــــــــوريتك

طوريتك في الطين مرميه
كوريتك يابسه ومجدوعه
لا غيبتك كانت مرضيه
ولا فوتك كانت مبلوعه
********
اللهب الضوه الليل قناديل
في عيون النجمه القطبيه
والتعب المد ضراع النيل
سجادة فقرا مزاوريه
سائلين عنك ويوماتي رحيل
لمواني المدن النفطيه
شقيش ماتقبل يا ابو الحيل
في قلوبنا مواجعك متكيه
*******
وأبعتلك شال الحب مرسال
تايهين في بحرو مراكبيه
بكتب علي صدر الموج آمال
أطفال عمال ومزارعيه
كيف حال يا ابوي
كيف حال يا خال
بتمسي بيوتنا الكاكيه
حزنانه بتبكي مآلا الحال
والزمن السابكم ايديه
********هذه القصيدة كتب رميتها مصطفي والتي تقولحتي الفصول صابه الجفاف
لا غيمه لا زفة هرع والسمبر البفرح هديرو غشانا واتقاطر رجع
ثم كتب الشاعر محمد المهدي عبد الوهاب المقطع الاول حتي كلمة مبلوعه
ثم اكملها صلاح حاج سعيد بطلب من مصطفي فكانت هذه الاغنية الرائعة طوريتك....

حسين محمد يوسف
25-05-2007, 04:09 AM
سكت الكــــــــــــــــــــــــــــــلام

صلاح حاج سعيد

من قبل ما اشرح حكايتي معاك
وأزيد القول ولف
سكت الكلام يا حلوه
في خاطري وغلبني اقول حرف
يا لاحلي من كل الكلام
وكتين نغازل الكلمه
شان نوصف وصف
ومن وين اجيب كلمات
وفيك بحر الغرام
غرّقني في حيرتي ونشف
وكيفن اصف يا حلوه كون
قلبي الفريد مهما شاف زيه وعرف
عنده الحنان غيمة العيون
العامره بالالفه وتحن فاقده الولف
خصل الشعر ليلة محاق
تغزل سبايب الوده فوق قلبي وترف
وهج الحرير اتدلي بي الحنين
والغربه يوم شالني الاسف
هدهدني في صدر الخيال طاف بي بلاد ا
الدنيا في لحظة ترف
يا ريتني لو حبري الغمام
ريشتي الندي وخاطري إرتعاشات الحرف
كان قلت بالغت فيك
يا صدفه احلي من الصدف

أبوجاره
25-05-2007, 06:58 AM
تسلم ياعزيز واصل من فضلك بدون توقف ونحنا فى إنتظارك بكل لهفه

حسين محمد يوسف
26-05-2007, 07:22 AM
تسلم ياعزيز واصل من فضلك بدون توقف ونحنا فى إنتظارك بكل لهفه

لك التحية الاخ ابو جاره علي المرور وانشاء الله اواصل هذا التوثيق للفنان الانسان كما
يحلو للجميع تسميته بهذا الاسم الذي يستحقه بكل جداره واتمن من الاخوه بالمنتدي ان
يدعمونا بالصوتيات وارجو تثبيت هذه الصفحه ولك جزيل الشكر..........

حسين محمد يوسف
26-05-2007, 07:29 AM
صـــــــــــــــــــــــــــــــــــــابرين

صابرين يا حزن الغني
صابرين
من بعد الضني
صابرين
علي وعد المني
برجاك يا وكت الحبيبه
وبلقاك في الفرحه القريبه
وبشرال يا ام السنا
لا ليل ولا حزن طايل
لا هم جاك يا ام نفايل
والنيل فاض وانحني
نيلين وحلمك هنا
فرعين شايلين جنا
*********
عشرات حبابك سلامات
اسلم شبابك سلامات
شايل سحابك سلامات
والقبل شابك سلامات
خيرك سنابل سلامات
وهواك هنا قلبين
عاشقين ترابك
سلامات يا حزن الغني
صابرين

حسين محمد يوسف
26-05-2007, 07:37 AM
سمحه وسمريه

القدال

سمحه وسمريه محبوبتي
ولفتاته غزاله
خضره ومسقيه
وجمب النيل مشتوله الناله
بهواك يابنيه كتبتو قصيد
وبقوله مقاله
بتفتحي فيّ معاني غناي
تدِّله مجاله
**********
زهره وبريّه
بشوق الارض عيونا كحاله
تريانه نديَّه
بي عرق الناس والناس في باله
يا خوفه عليَّ عقل وثبات
ماها الولواله
**********
من فرحي البيَّا
قلعت الخوف وكستني بساله
قت ليها النيَّه متين نتلم
والحال بطَّاله
قالت لي غنيَّه وانت معاي
مستورة حاله
بت سودانيه ومحبوبتي
ولفتاته غزاله
***********

حسين محمد يوسف
26-05-2007, 07:49 AM
المســـــــــــــــــــــــــــــافه
صلاح حاج سعيد
لسه بيناتنا المسافه
والعيون واللهفه والخوف والسكون
رنة الحزن البخافه
تعدي با لفرحه وتفوت وامشي بالحسره واموت
الاماني الفي سفر قبل الزمن
كايسه المواني
يوم تجيبني عليك بصدق انو مره الحظ طراني
وإحتواني معاك شجن
عذّبني قبلك ولسه منك جاي تاني
تمشي وين الخطوه منك
مالزمن بالحب بلاك وإبتلاني
يا عيونك يا مداين
يا مداين الفرحه والحب والجساره
عندي ليك مليون بشاره
الف طيف والكلمه شاره
وإنت لما الحب يهون
في عيوني وفي عيونك
إبقي حاير بالاماره
الفرح منك يجيني ويعتريني الخوف عليك
خطوه منك وخطوه ليك
راجي منك بس اشاره
كلمه تديني البشاره
ولسه بيناتنا المسافه

حسين محمد يوسف
26-05-2007, 07:58 AM
الطيور الما بتعرف ليها خرطه

حافظ عباس

والله نحن مع الطيور الما بتعرف ليها خرطه
ولا في ايده جواز سفر
نمشي في كل المداين
نبني عشنا بالغناوي
وننثر الافراح درر
والربيع يكن جوارنا
والسنابل تملا دارنا
والرياحين والمــــــــــــــــــــــــــــــطر
**************
والحبيبه تغني لينا
لا هموم تسكن دروبنا
ولا يلاقينا الخطر وين يلاقينا الخطر
لو بقينا مع الطيور الما بتعرف ليها خرطه
ولا باكر يا حليوه لما اولادنا السمر
ابقوا افراحنا البنمسح بيها
احزان الزمن
نمشي في كل الدروب الواسعه ديك
والرواكيب الصغيره
تبقي اكبر من مدن
إيدي في إيدك نغني ونبني عشنا بالغناوي
وننثر الافراح درر

حسين محمد يوسف
26-05-2007, 08:08 AM
يا سر مكتوم
سيف الدين محمد صالح

يا سر مكتوم في جوف أصداف
فتشت عليك بي قليب نزاف
ابحرت ليك بلا مجداف
لا خبير يهدي لا دليل وصّاف
************
راجياها الريح وكتين ما تطل
علي موجه تمرجح زهرة فل
تشيله تروح والدنيا تنوح
علي قمراً مات في بطن الليل
يتَّم نجمات بكاها السيل
***********
يا عمر مرسوم علي كف اقدار
يا خطاي الطال بيها المشوار
محسوب ليك تمشي براك خطي الاحزان
مكتوب ليك آهه ودمعة شوق ظمآن
مرسوم ليك سهر العاشقين وليل سهران
************
الريح القاسيه عنيده تمام
طفت القنديل الكان مقدوح من دمع الليل
رمت القنديل الكان نديان في جرف النيل
رسمت أحزان سؤال حيران في عيون ايتام
يا سر مكتوم

حسين محمد يوسف
26-05-2007, 08:16 AM
علي بابــــــــــــــــــــــــــــــــــــك

عبد القادر الكتيابي

علي بابك نهارات الصبر واقفات
بداية الدنيا هن واقفات
وكم ولهان وكم طاير
بعد نتف جناحو وراك
ولملم حر ندامتو وفات
قطع شامة هواك من قلبو
إلا هواك نبت تاني
وعلي بابك وقف تاني
غمايم شاقي بطن الليل
مسافر فيها وحداني
وبدون جنحين
يغنيك الهنا المافي ويغنيلك رهافة حسو
يغني علي جليد آمالو
يحلم بالشتا الدافئ
وقدر مايمشي في سور الزمن خطوات
يلاقي خطي السنين واقفات
ويلاقي هواك نبت تاني
وعلي بابك وقف تاني
وملا الساحات

الصاوي
26-05-2007, 09:42 AM
يا سلاااااااااام عليك ياالرائع حسين

http://minorcrisis.net/files/%D8%B9%D9%84%D9%89%20%D8%A8%D8%A7%D8%A8%D9%83.wma

حسين محمد يوسف
27-05-2007, 03:13 AM
يا سلاااااااااام عليك ياالرائع حسين

http://minorcrisis.net/files/%D8%B9%D9%84%D9%89%20%D8%A8%D8%A7%D8%A8%D9%83.wma

لك التحية الاخ الصاوي علي مرورك الاروع يا سيدي ................

حسين محمد يوسف
27-05-2007, 03:29 AM
العشق الخرافيمصطفي سيد احمد

في عينيك عشم باكر
ما انت العمر كلو
والشمس الوشاحه ورود
وزغروده تزف للناس خبر زمناً جديد مولود
لقيت غيرك بضيع اسمي
وبكون انا حي وزي مفقود
وفي عينيك عشم باكر
لا قيني يا عشقي الخرافي
لا قيني قبال الزوال
لاقيني في كل المرافئ
زفّات ربيع وفرح قوافي
وإنشرِّي في حزن السنابل
غيمه ياكل المشاعر
وامشي قبال الصباح
وزِّعي الطل للازاهر
غنوه من أزمان بعيده
طالعه من صخب الدميره
تلقيني راجيك في الاماس
وفي المراسي والملمات الخطيره
وفي عينيك عشم باكر

حسين محمد يوسف
27-05-2007, 03:41 AM
الغربه/ الدنيا ليل
عبد العال السيد

الدنيا ليل غربه ومطر
وطرب حزين وجَّع تقاسيم الوتر
شرب الزمن فرح السنين
والباقي هداه السفر
يا روح غناي الغربه ملت من شقاي
وغربتي يا روح غناي
الغربه ملت من غناي وغربتي
وبقيت براي حاضن أساي
الوحشه ملت من اساي ووحدتي
لا غنوه لا موال يبدد حسرتي
غير الدموع يا ملهمه
الغربه مرَّه ومؤلمه
*************
قولوا للنيل ضفه ضفه
والعشيات لما تصفي
والنسيمات البتاخد من عفاف ريدتنا عفه
أنو شوقي يفيض بحر
شوقي شوق انسان مضيَّع
ضيَّعوا الليل والسفر
شوقي شوق انسان معذب
عذَّبوا الليل وو السفر
ا ينابيع ريدي جفَّت لا ولا أشواقي خفّت
كل يوم في غربه زايده
بيها كل الدنيا عرفت
الدنيا ليل غربه و.........

حسين محمد يوسف
27-05-2007, 03:49 AM
الرســــــــــــــــــــــــــــــــــــــــاله

صلاح حاج سعيد

الرساله الحلو ريدك ما بريدك
الخطاب النمّقت كلمات إيدك
قبل ساعات قبل مده
جاني مرسال الموده
يا ما شلت وقلبي ادَّه
واحتفلت وعمري عدَّي
*****************
كل كلمه بتكتبيها
يا حلوه انت تنمقيها
تضوي بيها فرح عيونك
لوحه زاهيه بترسميها
كل كلمه نديه واحه
وكل همسه شجيه راحه
والحقيقه الرايعه انت
في بريدك صوره بنت
شلت رسمك والاناقه
انبهرت وغبت ساعه
ياما هل وعم عيدك
ومابريدك وزي ريدك
الخطاب النمقت كلماتُ ايدك

حسين محمد يوسف
27-05-2007, 04:00 AM
شعاع شمس الاماني

مدني يوسف النخلي

زي شعاع شمس الاغاني
جا الحنين عاودني تاني
كنت راجيك لو تضلي
وكنت ليك كل المواني
داير أصارحك بالبحسو
بالاسي وزمن الكآبه
**********
القصائد ساءله عنك
في الحروف باين عتابه
جاني الحنين عاودني تاني
ليك للغني والكتابه
لما سبت هواك رحلت
لي دروب بالحب بخيله
للضياع سلمت عمري
وقلت ما باليد حيله
وزي شعاع شمس الاماني
ساقني في كل المواني
انتِ يالراجع صباحك
بي بشاشتك وبي سماحك
بعدما الايام شقتني
وإنت كم نزفت جراحك
وزي شعاع شمس الاماني
كنت ليك كل المواني

حسين محمد يوسف
27-05-2007, 04:10 AM
تــــــــــــــــــــــــــــــــاني تــــــــــــــــــــــــــــــــــــــــــــاني
الصادق إلياس

تاني تاني
راجعين مره تاني
للقديم اللتنسي
مالو عاد الشوق علينا
بعدما روح مشي
مالو جرح الحب ده عاود
بعدما فرقنا عاد
قلنا دابو الراحه جاتنا
ليه تفارق غير ميعاد
يا زمان مالك علينا
القديم خليتو عاد
نحن ما فكرنا مره نمشي للروح نعيده
إلا غايته القسمه قالت
ما في زول يختار با يده
يوم رجنا لقينا فينا الفؤاد ما خلي ريدو

حسين محمد يوسف
27-05-2007, 05:49 AM
حسنك بديـــــــــــــــــــــــــــــــع
خليف الصادق

حسنك بديع معدوم مثالك
حيَّر عقولنا وسط جمالك
يا بهجه يا فرح الحزين
آمنت زيِّك ما بكون
خطوك نغم يوحي الاغاني
تتهادي زي الناس مكانك
عليك قليل كلمة جميل
وصفك تحتار فيه المعاني
***********
أجمل عيون فيك شفتها
عيون المها ما بتشبها
مني الكلام بيضيع دوام
قدامك ألقاهو إنتهي
أمرك مطاع أبداً يازينه
إنت الجمال وصاك علينا
لما بيهو يا سمحه إنتشينا
حسنك بديع

حسين محمد يوسف
27-05-2007, 06:03 AM
رسمت في وجيها بسيمة ضو
مصطفي سيد احمد

رسمت في وجيها بسيمة ضو
بتغالط في الزمن القاسي
بتعاتب في الغنوه الصعبه
وفي لحن حزين ووتر موجوع
يحكي احساسي
تسأل عن شدو الافراح
يمكن لجراحنا يكون آسي
ما بشبع روحنا فرح زايف
لو كان تنسي وتتناسي
يا بت يا نيل
العاشقك عاشق كل الفيك
غنَّايك في كل ظروفك
في الفرح البدفّق وعد وفال
والحزن الودّر ضي شوفك
في سجون القهرك في خوفك
في النبض الصامد في البركان
السامعو يدمدم في جوفك
جرَّحنا عتابِك يا باكيه
وعايزانا نغني غني الافراح
مالغنوه الناشفه لبن ضرعك
والفرح الفيك خلانا وراح
ولقينا فرحنا وانت حزينه
بكون أشتر ويزيدنا جراح
خلينا من الفرح الزايف
بتعود أفراحنا وتلقي
بــــــــــــــــــــــــــــــــــــــــــــــراح

أبوجاره
27-05-2007, 06:09 AM
ياسلام عليك وعلى زوقك زيدنا كمان وكمان

حسين محمد يوسف
27-05-2007, 06:14 AM
الممشي العريــــــــــــــــــــــــــــــــــــض

عبد العزيز العميري

مكتوبه في الممشي العريض
شيلة خطوتك للبنيه
مرسومه بالخط العريض
في ذمة الحاضر وصيه
شاهده التواريخ والسير والانتظار
أدوني من قبلك مناديل الوصول
وفردت أجنحة العشم
في ساحة الوطن البتول
وبكيت ولا همَّاني شي
وعندك وقفت من المشي
وغرقت في ضو النهار
كانوا بتمنّوك لو ترتاحي لحظه علي الدرب
حبُّوك حب قدر الحروف الحايمه في بطن الكتب
قدر الخيال ما مد ايدُ علي السحب
كلي خاطر كان بريدك إلا ريدك
كان رسول الدهشة في كل الديار
وأنا زي عوايد الشعر فارس
شد خيل الكلمه ليك
مصلوب علي ضهر البدايه
القالوا آخره بين إيديك
وسرحت يا مهون تهوِّن
كان اجيك كان اصل يوم لي حضورك
كت بريدك
ومشتهيك

حسين محمد يوسف
27-05-2007, 06:27 AM
الندامــــــــــــــــــــــــــــــــــــــــــــ ـه
ادرالكأس علي العشاق صفواً ومداما
يا حبيب القلب والروح
ويا روح الندامه
أيه الرافل في ثوب
من الحسن دواما
ماست الاغصان لما عشقت
منك القواما
تتحدي البان ميلاً
واعتدالاً
وانقساما
وتفوق البدر حسناً وضياءاً وابتسامه
إن طعم الحب كالشهد
وفي الحب حذاقه
غير أني يا حبيبي استحلي مذاقه
خلقوا شتي البشاشات
وانواع الطلاقه
يا كحيل الطرف
يا من أورث القلب السقامه
إن في بعدك اغراء
وفي الهجر انتقامه
سل أُناسا درسوا في معبد الحب
أيُبيح القتل عمدا عمداً من يري
القتل حراما....

حسين محمد يوسف
29-05-2007, 08:02 AM
نفسي في داخلك أعاين
بشري الفاضل

نفسي في داخلك اعاين
أروي روحي واشوف منابعك
الصحراء في عيني تتواثب جناين
ماخده صوتِك من جداول
وماخده صورتِك من كهارب
مولداً ميدانو حافل
كل ما يصبّح تجيهوا الناس جحافل
يا سلام يا سلام
لما تعبري في الشوارع
شوفي كيف الناس تصارع
ناس تطفر وناس تدفر
في البشابي علي نجومك
وفي البخب كايس تخومك
وكل زول من عند سلافك
لا لا قال دايرلو كاس
مره طربان شلت صوتك شان أغني
وقلت آه ياليل و آه
إنت أول وإنت تاني
وإنت تالت وإنت رابع
نافره زي صيد الخلا
وساقيه زي نبع المنابع
حلوه عينيك زي صحابي عنيده كيف
تشبه شريحتين من شبابي
زي عنب طول معتّق في الخوابي
وسمحه زي ما تقول ضيوفا دقّوا بابي
فرحي بيهم سال ملا حتي الكبابي

حسين محمد يوسف
29-05-2007, 08:22 AM
هردت لهاتي بالغنوات
محمد الحسن سالم حميد

سِني علي النضال ايديَّ
سوِّكي بالهتاف فمي
شوارعك لي دويها علي
إذا ما آخر العلاج الكي
مراويدك حمر حُمي
هردت لهاتي بالغنوات
وقت يبرد حشاك يمي
من التعب البلا صالح
تفيقي تروقي تنجمي
تسوي مكانسك المطره
تضوِّي البيت وتنحمي
تمرقي صَبوحه للجيران
قدح فوق إيد وفي إيد ألمي
يلاقوك شفّع الكُتَّاب
نضاف وظُراف بلا النَّسمِي
يغنولك غناوي الساب
وفي بيوضه مافي سراب
جبال كجبي وفيافي الكاب
تميد بالخضره مُنقسمِي
فيافي الصي وبيوضه
البراسيم فيها مفروضه
خدارا يراري شوف عيني
علي الابواب
قماريها ..... طواريها
وحواريها بقت روضه
بقت تشرب من الحامداب
تشوفي رهاب بعد نجمي
وأشوفو قريب قرب نضمِي
أشوف العالم التحتاني
هيلا هوب وقف تاني
هدَّ عمائد الفوقاني
جوه الجب رمي العارض
وفوق السابو الدمار افراق
عِريق الحب نبض قابض
متل قبض الحروف في اسمي
وغناوينا القبيل رقراق
علينا تصب برد قارص
وأجُر نمِّي واداوي لهاتي بالغنوات
عقُب يبرد حشاك يمي
وطني ولا ملي بطني
سُكاتي ولا الكلام الني
بَليلتي ولا ضبايح طي
قليلتي ولا كتر سمي
سلام يمي سلام لا همكي ولا دمكي

حسين محمد يوسف
29-05-2007, 08:29 AM
عجاج البحر
حسن بيومي

يراقصني عجاج البحر
ترعد داخلي الامطار
يُكلمني تراب الارض
يشدُد قلبي الاوتار
أغنيكم .... اغنيكم
أغني جذوة النار التي فيكم
وألعن ذلك البرد المدثر
روحكم برماد موتاكم
أغنيكم وأبني في عيون الشمس
مملكتي تنا ديكم
نسوراً تعشق الترحال
في الآفاق تبغي الكون حريه
فإن شئتم تعالوا الآن
نرقص رقصة البدء
ونعلم أن نمد الكف
نحو الشمس
تعالوا
أيها الجوعي
تعالوا
أيها الفقراء

ود قندتو
29-05-2007, 08:55 AM
حسين...
حقيقة أبدعت وأمتعتنا معك بهذه الأغاني الجميلة العذبة
التي تحكي قصة نضال طويل بحثا عن سودان الواقع المنطقي...
مصطفى سيدأحمد رقم لايمكن تجاوزه في عالم النضال الوطني بالكلمة واللحن...
لك الشكر أخي حسين على هذا الإختيار الموفق...
واسمح لي بهذه الإضافات...

ود قندتو
29-05-2007, 08:56 AM
بين مريم الأخرى والمجدلية



هاهي الارض تغطت بالتعب ..
والبحار اتخذت شكل الفراغ ..
وأنا مقياس رسم للتواصل والرحيل ..
أنا الآن الترقب .. وانتظار المستحيل ..
أنجبتني مريم الأخرى قطاراً وحقيبة ..
ضيعتني مريم الأخرى قوافي ..
ثم أهدتني المنافي ..
هكذا قد خبروني ثم قالوا لي ترجل ..
ثم انت يا كل المحاور .. والدوائر ..
يا حكايات الصبا .
تحفظين السر والمجد الذي ..
بين نهديك اختبأ ..
ليس يعنيك الذي قد ضاع من عمري هبا ..
وأنا لست أدري ما الذي يدفعني دفعاً إليك ؟؟
ما الذي يجعلني ابدو حزينا ..
حين ارتاد التسكع في مرايا وجنتيك ؟؟
لا عليك .. لا عليك ..
فعلى هذى السفوح المطمئنة ..
نحن قاتلنا سنيناً وأقتتلنا ..
نحن شكلنا التآلف في انفعالات الأجنة ..
وأحتوانا البحر والمد اليقاوم والشراع ..
يا هذه البنت التي تمتد في دنياي ..
سهلاً وربوعاً وبقاع ..
ما الذي قد صب في عينيك شيئاً من تراجيديا الصراع ..
والمدى يمتد وجدا عابراً هذه المدينة ..
خبريني .. ؟؟
هل انا ابدو حزينا ؟؟
هل انا القاتل والمقتول حينا ؟؟
والرهينة ؟؟
هل انا البحر الذي لا يأمن الآن السفينة ؟؟
خبئيني بين جدران المسام ..
قبليني مرة في كل عام ..
فانا اشتاق ان اولد في عينيك طفلا من جديد ..
أرتدي اللون البنفسج .. وأعتلي شكل الهوية ..
ضيعتني مريم الأخرى سنينا ..
في انتظار المجدلية ..
آه لو تأتين .. آه لو تأتين ..
من عميق الموج من صلب المياه
كالرحيل .. كالترقب وانتظار المستحيل ..
هاهي الارض تغطت بالتعب ..
والبحار اتخذت شكل الفراغ ..
وأنا مقياس رسم للتواصل والرحيل ..
أنا الآن الترقب .. وانتظار المستحيل ..

ود قندتو
29-05-2007, 08:57 AM
لحظة شهيق
عاطف خيري

نكر صوتك صداك...
غالطني الزمن فيك...
شهرت على الجفاف وعدك بطاقاتنا الخريفية...
رجع فاضي الكلام مليان...
معاك أتبرجت غيمة وشهق جواي صوت جدول
مرقت على المطر حفيان... لقيتك والرزاز
مدخل...
وناديتك أقيفى معاى نشيل كتف الغنا الميّل ونتخيل حلم دونك بيتحقق
وقبلك خيل دماي واقفة على شرياني تتشهد وبرد صوتك صداك غنيتي
رشحت حلقك لي إذاعات الشجر
والمنتظر من عودة المدعو المطر
للطنابير والمسادير واللسة في رحم
القصيد والدابو حسة وفى سوق عكاظ
بين مزازات الحروف غيرت رسمك
واحتكرتك للظروف... للزمان اللي جائى
واللحظة اللي فاتت منك حسه
يا واقفة بين جرح السحاب وبين
شهقة الأرض البكر ما كان دريت...
كان إحتمال تغيير قوانين حركاتك
مابين حديثنا ولحظة الفعل الحقيقي
وإنتباهك إنتى للشارع البيرحع
تانى لي نقطة بدايتو وإنحيازك
إنتى للشارع البيرشح في مسام
رمل التوقع...
ما إتعرف قانون نهايتو
غايتو أمشى بالدرب البطابق فيه خطوك صوت حوافرك
يا فرس كل القبيلة تلجمو...
و يكسر قناعاتو ويفر يسكن مع البدو في الخلا
ما يرضى غير الريح تجادلو وتقنعو
إفترضتك لون أساسي يمنح اللوحة إزدواجية القراية ويفتح الضوء بين
خطوط الريشة والخط الإضافي
الجائى من شبكية الزول المشاهد
وإكتشفنا الرسمك وأنا وبرضو التوارد في الخواطر
نفس أرقام التذاكر البيها سافرنا وشهدنا إنفجارك
في الأرض يا سمراء يا واضحة
ما غنيت يوم جيتك صدفة
قبل أبداك كان غصنك بشر
يوم ما كان إحساسك مسا
عرّج الغيمة الفيني ومطّر
لحظة طار عصفور من صدرك
ردد فينا إحساس بالإلفة
ودوزن عصب الزمن الأشتر
وقلت المارق منك
داخل جرح الوردة وراسم فوقها غناوى الطل
المارق منك رجّع للغابات العرب العاربة
وللعتمور الزنج الهاربة وادّى الكون
مفتاح الحل المارق منك شادد عصب الورقة
وحرفي وراسم في اللاوعي سكون
مواعـيد صحوه وحلمو ونومو شارّى
يقينك في صمتي سارق لحظة إنى أفكر
المارق منك مارق منك أو مت شهيد

حسين محمد يوسف
30-05-2007, 07:17 AM
حسين...
حقيقة أبدعت وأمتعتنا معك بهذه الأغاني الجميلة العذبة
التي تحكي قصة نضال طويل بحثا عن سودان الواقع المنطقي...
مصطفى سيدأحمد رقم لايمكن تجاوزه في عالم النضال الوطني بالكلمة واللحن...
لك الشكر أخي حسين على هذا الإختيار الموفق...
واسمح لي بهذه الإضافات...

لك التحية ودقندتو علي المرور الجميل وعلي اضافتك الرائعة بروعتك وتسلم عزيزي ................

حسين محمد يوسف
30-05-2007, 07:26 AM
لمن يجي الزمن الفلاني

نجاة عثمان

لمن يجي الزمن الفلاني
سمانا بتقطِّر مطر دري
وتمازج برتكاني
نسطر اسمك يا حبيبنا
في رموش غيم ارجواني
ندمن الضحك المعافي
نحيا في الفرح المورد
ياسمين أقحواني
يا حبيبنا جوه عينيك
عايشه ناس
بتسجل الايام أغاني
والطريق ماببقي ساهل
ليك بالمعني المكاني
لما يتحقق زماني
بمسح الحزن المعشعش
في عيونك أسمراني
يا حبيبنا بتحيا
في حلم الترابله
في العلاقات المعاني
في البقاسي شقا المسافه
وعايشه في دواخلو وبعاني
لما يتحقق زماني
بشرق الفجر الحقيقه
والصباح الابيضاني

حسين محمد يوسف
30-05-2007, 07:51 AM
ما طال في بحرك مي
محمد الحسن سالم حميد

ما طال في بحرك مي
وتمرك مفدّع بالجريد
شدرك إمد حد السحاب
طِنِك معتّق بالطمي
نبنيك أكيد نبنيك هوا
نبنيك ايوا سوا سوا
من جديد نبنيك جديد
يا إيد أبوي علي إيد أخوي
علي ايدي أنا
علي إيد وإيد تجدع بعيد
في اللجه من راس ميضنه
حيكومة الفقر الدمار
الكضبن والصهينه
واللي نقاص ايامنا كاس
اليا لطيف سوس البحر
نرجم قفاهو حجر حجر
من ها الرصيف
الما قدر قدام
سريحة الموج يقيف
الما إنستر الارزقيه وناس مويه
نسقيها كاس اسقتنا يا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احر من الرصاص
يا ضو حبيبين القسا
طول ما انت غرقان في الاسي
تبت يمين ما ترمي ساس
ما تبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبلا
والحاضر الماضي التليد
يا بلدي يا فردة جناحي التاني
وكت الناس تطير لي عالما
وا وجعة الزول البجيك
ما يلقي فيك غير الهجير
ناساَ تواتي مسالمه
كل النشاشات القبيل
يلقاها ميته مسممه
والجاتا جاته من الارض
ما جاته من السما
ما أعتي غبنك يا ولد
وأعدل قضيتك وأعظما
لا ترجع السيف الجفير
والدنيا فايري مصادمه
من غير تجيب تار البلد
ريح العوارض تهزما
وتطرد مع ابليس الاخير
دعة الضلال من جنتك يا آدما
تاكل من الشدر الحلال
يغشاك نعاس في ضل رمي
تختاك هضاريب الصعب
كربة لياليك المظلمه
أرضك تفزّع باللهيب
تكشح تواريب الغضب
صعب المراس
نوبه وزنوج بجه وحلب
رطانه عربان مو أشو
ومولودين تلقانا او نلقاك ضو
ضلمة لياليك العجاف
رشة نهاراتنا النشاف
آمنا بيك وموحدين
في إيدنا فاس وقلم رصاص
شتله وكمنجه ومسطرين
وطبنجه في خط التماس
حرّاسه من كيد البكيد
ضد الرصاص والانتكاس
نبنيك جديد وأشد باس

ود قندتو
30-05-2007, 09:27 AM
وهج الشعاع
مدني النخلي

يا ريتنى زى وهج الشعاع تمتد سحابات الغروب سر روعتو

وزى قدر المسافر لمدن محهولة لما تضيع خطاوى البهجة

فى هم سكتو

حبك صبح أشتات ظلال وأطلال خيال خرافات قصتو

برحل عشان أنساك وأسيب الذكرى فى وجع الطريق

وأمسح دموع شمس الهوى المصلوبة فى صمت الغروب

وأمسح دموع قلبى التعب كان فى هواك

يقدر يتوب
ما كان عشم قلبى الحزين

مترجى من عينيك صدود
كان عندى فى سفر الأمل

دربا بودى عليك وعود
والليلة يا قلبى اللى راح

بروعة أشراق الورود
مد الغروب المادى أيدو..
ضاعت احلام الورود ..
يا ريتنى زى وهج الشعاع ..

شهريار
30-05-2007, 11:10 PM
البت الحديقهخطاب حسن احمد

حتجي البت الحديقه
فارده انسام في طريقه
وشايله الوان
حتجي البحدث بريقه
ضجة الضو في المكان
حتجي المن بدري جات
من ضلامات السكات
شايله قمرين في عيونه
وفاتحه ليلين
بي جنونا
وضاويه ساحات
إنتمت لي فجر فات
وتنتمي لي عصور جديده
حتجي البت البريده
ضاحكه منتصره وعنيده
آمله مزدهرة وجديده
وناقشه في الزول أغنيات
حتجي المن بدري جات
ناسفه أزمان السبات
واصفه للناس الطريقه
وللعصافير الجهاد
الرائع حسين
لك الشكر على هذا التوثيق الجميل .. أرجو الافادة عن البيت الاخير هل للعصافير الجهاد أم الجهات؟

حسين محمد يوسف
31-05-2007, 06:02 AM
بروعة أشراق الورود
مد الغروب المادى أيدو..
ضاعت احلام الورود ..
يا ريتنى زى وهج الشعاع

لك التحية يا ود قندتو وواصل هذا الدفق اخي.........

أبوجاره
31-05-2007, 06:09 AM
وهج الشعاع
مدني النخلي

يا ريتنى زى وهج الشعاع تمتد سحابات الغروب سر روعتو

وزى قدر المسافر لمدن محهولة لما تضيع خطاوى البهجة

فى هم سكتو

حبك صبح أشتات ظلال وأطلال خيال خرافات قصتو

برحل عشان أنساك وأسيب الذكرى فى وجع الطريق

وأمسح دموع شمس الهوى المصلوبة فى صمت الغروب

وأمسح دموع قلبى التعب كان فى هواك

يقدر يتوب
ما كان عشم قلبى الحزين

مترجى من عينيك صدود
كان عندى فى سفر الأمل

دربا بودى عليك وعود
والليلة يا قلبى اللى راح

بروعة أشراق الورود
مد الغروب المادى أيدو..
ضاعت احلام الورود ..
يا ريتنى زى وهج الشعاع ..


رائع ياودقندتو وماعدمناك

حسين محمد يوسف
31-05-2007, 06:19 AM
الرائع حسين
لك الشكر على هذا التوثيق الجميل .. أرجو الافادة عن البيت الاخير هل للعصافير الجهاد أم الجهات؟

لك التحية الاخ شهريار ونورت الصفحه وعن كلمة للعصافير الجهاد في بعض المرات اجدها مكتوبة الجهاد ومرة اخري الجهات وحسب ماسمعت اذني ارجح الجهاد ولكن اخي اذا
تاملت الكلمتين والمراد بهما فان المعني واحد ومن ناحية القافية فالاصح الجهات هذا حسب راي الخاص ولك التحية...

حسين محمد يوسف
31-05-2007, 06:33 AM
فـــــــــــــــــي عيونك
ابو ذر الغفاري

في عيونك ضجة الشوق والهواجس
ريحة الموج البنحلم فوق بي جية النوارس
ياما شان زفَّة خريفك كل عاشق ادي فرض
مافي شمساً طعمه طلت الا تضحكي ليها برض
والغمام الفيك راحل في الصنوبر يلقي أرض
والصباح إمتدّ ياما كلما جاوبت نبض
في عيونك ضجة الشوق والهواجس
ونشتهيك ................
ياما نحلم نحكي ليك عن المسافه
وعن سفن بالشوق بترسم
في بحيراتك ضفافه
عن ملامح غنوه طلت في عويناتك هتافه
عن حقيقه نهاتي بيها في أساطير الخرافه
........................
يا صباحات المواني حتي لو دربك ترنح
في أساطير الخرافه
والجرح ارتدّ بينا لي زمان الاهة تاني
يا نا لا بنتحاشي صدك
لا بتموت فينا الاغاني
يا غنانا المشتهنو
ياني موعود بي زمانك
لي مواقيتو البرنو
بارتعاش صرخة وجودك
يوم يطل ميلادي منو
لما إتوسد صباحك
ياتو ليل يفصلني عنو

حسين محمد يوسف
31-05-2007, 06:41 AM
يا جــــــــــــــــــــــــــــــــــــــــــــرح

صلاح حاج سعيد

ياجرح عزة هوانا
الساكنه في حروف الكتابه
أصلوا في زمن الاسي المشدود
علي وتر الكآبه
في زمان الحُرقه والخوف والرتابه
إنكتم نبض الاغاني
وإنبهم حس المعاني
وإنجرح خاطر المهابة
جيتني في الزمن الاليم
وقلبي مثخن بي جراحات الهوي
عمري ضايع في متاهات النعيم
في دروب الغربه لا تاب لا قوي
كان عيونك فيهن الوصف القديم
معني في الحب انطوي
وضاع معاك زمن الوسامه
واختفي الفرح العلامه
لسع يا حزن الملامه
من سنين دربك سلامه

أبوجاره
31-05-2007, 06:44 AM
يا جــــــــــــــــــــــــــــــــــــــــــــرح

صلاح حاج سعيد

ياجرح عزة هوانا
الساكنه في حروف الكتابه
أصلوا في زمن الاسي المشدود
علي وتر الكآبه
في زمان الحُرقه والخوف والرتابه
إنكتم نبض الاغاني
وإنبهم حس المعاني
وإنجرح خاطر المهابة
جيتني في الزمن الاليم
وقلبي مثخن بي جراحات الهوي
عمري ضايع في متاهات النعيم
في دروب الغربه لا تاب لا قوي
كان عيونك فيهن الوصف القديم
معني في الحب انطوي
وضاع معاك زمن الوسامه
واختفي الفرح العلامه
لسع يا حزن الملامه
من سنين دربك سلامه

الأخ العزيز حسين رائع رائع رائع وبكل ماتحمل كلمة رائع من روعه وجمال لك الشكر الجزيل على العطاء المتدفق

حسين محمد يوسف
31-05-2007, 07:11 AM
طـــــــــــــــــــــــــــــــــــيبه

محمد الحسن سالم حميد

كل ما تباعد بينا عوارض
كل ما هواك يا طيبه مكني
تلد الغربه القرب الواحد
وبيك اسمي الشوق وأكني
لما أفوتك من دون خاطر
أو دون خاطر مني تفوتي
بلقي حبايب في كل حته
وكل بيوت الفقرا بيوتي
لا غيرت وراك الجتّه
ولا بدلت ملامح صوتي
لا غافلني وهادن فني
عامل المدن الماعرفتني
تبني الشوق الصبرُ مصوبر
للأرياف الكم وفّتني
وللاطفال الناشفه ضلوعه
ونازفه بغني
أهدِّي دموعها وأطمن روعها
بي بسمة بكره اللاها تمني
ولا مصنوعه
*************
أغني لشعبي ومين يمنعني
أغني لقلبي اذا لوعني
مخير دربي الما رجعني
إذا طلعني نخلة القرب
ولا الغربه الكدروميه
تنزل غنوتي بي قمريه
أو وقعني في بطن الجب
بطلع يوسف بالاغنيه
أغني الناس الما بتسمعني
المني بعيده ومبعده عني
النادي نشيده وكنت المعنِي
الإيدي في إيده
وإيدا بتبني
في دنيا جديده اليوم راح تدني
وأريت غنواتي في ناس شغاله
تكون سنداله وعود طوريه
ضراع رجاله كتاب اطفاله
وجملة باله الما بكريه
بقت فالا وسدت مالا
في ليلة الدخله علي اسمي قضيه
حبيبة قلبي يا سودانيه
يا أسمي معاني لي زول بيعاني
يا ود ضكران يا بت دغريه
وأنا ان سامعاني
فضلت أغاني غبش فقريه
وروح غانياني
حويتك منك يا دافعاني
براحه إيديا كما الاشواق
ويا جابداني برفق عليا
وما بتحير بين الفوق والناس التحتانيه
الا مغيّر ولا عقوق
ولا كفيف الانسانيه
ومنك الالفه ضيا الحنيه
وحلم العالم ناس تتسالم
والبني آدم صافي النيه
والاطفال الناشفه ضلوعه
اطمّن روعه
وتبدا تغني غناوي البكره
الكم مسموعه
حسيس طمباره مع نقاره
صفقه حارة وداره تغني
فيا حلتنا عليك ترابك
انت شبابك زينة الجنه
أحلي عروس البلد اللتنا
ولا الغبش الرابه تغني
ولا هدير المدن التصحي
وتمحي ظلام الحاصل عني

حسين محمد يوسف
01-06-2007, 03:20 AM
القاك ويـــــــــــــــــــــــــــــــــــــــــــــــن

محمد مريخه

ألقاك وين كان الفرح
قفّل مسامات الضياع
غنّاك مزمار الزمن
إرشيف عشق واصوات نغم
وتر التراخي موشحات
نلقاك وين ؟
من غبتي ما شرقت شمس
والدهشه ساساق الدروب
لي وين تمش ؟
نار النضال لو تنهبش
توقد سنين المتعبين
تعقد زفاف آخر ضمير
اتباع مقنن بالقرش
نلقاك وين كان الفرح
ماخته إيدو علي جبين تربال
يخم رمل الشقا المليان غلب
دقست قوافلو مع السراب
رابط جليد الهم سعن
محزوم خشيمو من الصبر
راجي السحاب
القاك وين ونلقاك وين
انا وانت والنيل والارض
والبور مشتت متنسي
ونجَّامة التعب الكعب
ما كان عول ريدي
ريدي الصبح صفصاف هدير البر
ايامي توب شحات
هزاه خم وخم
انا ما لقيتك ليه ؟
طعم الفراق دمدم
ختيتي فوقي الليل
والليل سقاني السم
انا خاطري في المطره
ريحة الدعاش تنشم

حسين محمد يوسف
01-06-2007, 03:32 AM
مت في قلبي
د/عبد القيوم /مصطفي

مت في قلبي ولم ابكي عليك
فمعين الدمع قد نبض قديماً
قبل ان ادنو اليك
إن عقلي يتعجب
كيف قلبي فيك يُخدع
وتقول لي صرت قلباً من حجر
انا قد مُزقتُ قبلك
وتناثرت بعيداً مثل اوراق الشجر
وتجلرعت كؤو سك
وتوسدت الضجر
مت في قلبي فدفنتك
خارج القلب الحجر
تربتي اطهر من أن يدفن فيها من غدر
هكذا القدر امر
عدت من دفنك وحدي اتالم
واداري قلبي المكسور قدرا ابتسم
وغني للربيع الغض
بالاشراق والامال مفعم
ذبحت كفاك قلبي
وتقول لي صرت قلباً من حجر
انت ظلم انت جور
انا احساس وحب وشعور
انا في العالم فرحه
انا في الظلمة نور

حسين محمد يوسف
01-06-2007, 04:18 AM
حبالنا الجوه ما تخنتيحي فضل الله

طعنا الضل طعنا الضل
وفي الاحلام طعنا الفيل
قوافل الغضبة كانت طرحت تلات مرات
دحين جربت عضة زول ملان مغصه
حبالنا الجوه ما تخنت
حبال السما الممدود
حبال الصوت وكت يرجع
يجيب الخاطر المردود
تعالي نشوف حروف البكا
الجواها مافي حروف
تعالي نشوف تعالي نطوف
علي المدن البقت اشباح
علي الجوع القعد مرتاح
علي الكلمه البقت في الجوف
تفتش سكة الافراح
تعالي نشوف منو البقدر يخاصم طفله
صبحت هازله فوق مد الاسي الحرّاق
ويا غنواتنا ما تفوتي
ويا كلمتنا ما تموتي
فتشي فوق ضمير الكلمه
وعن وترا رحل فراق
وعن بلدا رحل فراق
وعن ولدا رحل فراق
عن علما رحل فراق
غنانا الفينا مابشفع
حديثنا الجوه ما بنفع
تعالي نشوف تعالي نطوف
تعالي نعلم الشفع
تعالي نعلم اليفع

أبوجاره
01-06-2007, 08:10 AM
هذه الأعمال تعتبر توثيق ومرجع لكل من أراد الرجوع اليها لك كل الشكر عزيزى

حسين محمد يوسف
02-06-2007, 07:03 AM
اذا عادت الايام للماضي
عوض مالك

إذا عادت بنا الايام للماضي
كتبت علي ثواني العمر شعراً لا يدانيه
غناء الطير وهمس الماء وشوشة الضياء فيه
ركبت زوارقي أبحرت في شعر لها مجدول
جعلت مشاعري جندول
إذا عادت بنا الايام يوماً ايها الاحباب
ولو في زورقٍ يمضي
علي الصحراء عبر سراب
انا ملاحة الفرحان
يطرق مغلق الابواب
ادق ليس يعنيني
لاني قادم من حاضر اللحظات
للماضي ولي شوقٌ
سيشعل صمت هذا الزورق
الهادي فيدفعه الي الوادي
الي افقٍ انيق النجم
صدَّاح البساتين
واشدو حين تاتيني فتاة كالعصافير
انفاس الرياحين بكفيها
ولي في عمق هدبيها
حكايات واشعار
ولي في شعرها المعطار اخبار
اذا سالت علي وديانها
الخضراء امطار
اذا عادت بنا الايام للماضي

حسين محمد يوسف
02-06-2007, 07:15 AM
الحــــــــــــــــــــــــزن النبيل

صلاح حاج سعيد

وبقيت أغني عليك
غناوي الحسرة
والاسف الطويل
وعشان اجيب ليك الفرح
رضيان مشيت للمستحيل
ومعاك لي آخر المدي
فُتيني يا هجعة مواعيدي القبيل
بعتيني لي حضن الاسي
وسبتيني للحزن النبيل
######
ومشيت معاك كل الخطاوي الممكنه
وبقدر عليها وبعرفه
اوفيت وما قصرت في حقك
ولا كان عرفه غيرك اصادفه
وقدر هواك اجيبني ليك
جمَّع قلوبنا وولفه
وكتين بقيتي معاي في اعماقي
في اعماق مشاعري المرهفه
لا منك إبتدت الظروف
لا بيك إنتهت الاماني المترفه
######
ندمان انا أبداً وحاتك
عمري ما شلت الندم
ما أصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك يا جرح الالم
كان خوفي منِّك جاي من
لهفة خطاك علي المواعيد الوهم
أهو نحن في الآخر سوا
باعنا الهوي
ماشين علي سكة عدم
وبقيت اغني عليك

حسين محمد يوسف
02-06-2007, 07:35 AM
بت العرب النوبيـــــــــــــــــه
محمد الحسن سالم حميد

الشوق من حاصف لا قاصف
اتلم يهز ليلك يا نواري
يا درقه وسيف
يا حصناً كيف
منشر الصيف والشتا ضاراي
ياشملت عز بقَّت جواي
عدَّت بي ضلام بحراً عاصف
يا بت العرب النوبيه
يابت النوبه العربيه
بي شملة نخوه بيجاويه
لو شجر الصحوه الزنجيه
دسيني من الزمن الفارغ
من ريح المتعه الوقتيه
من شر الساحق والماحق
بين دبش المدن المدعيه
والليل إتحكر بيناتنا
كحّل بي ديشو عويناتنا
ياشمس الناس المسبيه
الجوع العطش الغد واحد
الفقر الضارب زي سوسه
الخوف والحاله المنحوسه
يابحر الحاصل لاك ناشف
لا قلمي الفي ايدي عصا موسي
الناس عوجات تحرس ترجي
ترجعبو سلاح وانوار زينه
بنبان تواليت افات وسكي
للناس الدّ منا بنزينه
فقراً تسترزق من دينه
يابت الناس الصالحين
الذمم المشريه الطالحه
شتان بين دينك وبين دينه
يانوره شليلك ما فات
بي عدلو شليلك جاييك
جاييك يتزود من غلبك
القمر الطيب يفضحني
تنبحني سجونك وآهاته
كجَّنا سجونك لو لاك
منعول الزمن الخلاك
سلّمت الوطن الهمباته
علي كيف كيفك بتحكم
ياسوس تكنّك ما بتعلم
بي حال الساكت وبتألم
بتفتق جرحك يوم تبرا
تتلم وقيدك يتحطم
وين عادك هارب من بكره
وخطو التاريخ البتقدم
رغماً من عنت الايام
والزمن الجهجاه الفاجع
بي النفس النازل والطالع
ولا واحد من شعبي مضارع
سميت ومشيت وما متراجع
ترتاله تكوسلها في الجيه

أبوجاره
02-06-2007, 08:56 AM
الله لايحرمنا منك أخ حسين يعنى الواحد بقى لمن يفتح النت بيبدأ من هنا .. لك الشكر

حسين محمد يوسف
03-06-2007, 06:17 AM
الله لايحرمنا منك أخ حسين يعنى الواحد بقى لمن يفتح النت بيبدأ من هنا .. لك الشكر

كتر الف خير ك اخي ابو جاره وانت تعطر هذه الصفحات بالمرور الدائم فلك مني خالص الود والاحترام............

حسين محمد يوسف
03-06-2007, 06:41 AM
غـــــــــــــــــــــــــــــدار دموعك

مصطفي سيد احمد

لا تنبش الماضي البعيد الم تكن
يومااً لقلبي واقعاً مجهولا
لا تنكإ الجرح القديم فانني
ودعت ليلا مظلما وثقيلا
وحملت روحي في فؤادٍ نازفٍ
مازال يحمل نصفه مشلولا
وخلعت اثواب الحداد اما كفي
إذ صار قلبك في الهوي ضليلا
فالليل ينزل في الدروب مباطلا
حتي يجرجر ثوبه مخذولا
والبدر يبسم للغدير تألقاً
ومداه يضمر حلكة وافولا
وكذا الشباب وإن كساك جماله
يوماً سيلبس صفرة وذبولا
هفوات روحي انت قتلتها
من ساذجٍ بغروره مشغولا
وانا الذي مني ملكت حشاشتي
فغدوت أرغب بارقاً مأمولا
عذراً لشعري إن تفجر مُرُّه
قد كان قلباً بابه مقفولا
من كل قلبي أن أراك مسعداً
وجراح قلبك في الهوي مدمولا
أما فؤادي قد اسوت جراحه
بالكبرياء وأن صبرت طويلا
الماء إن أخرجت منه شعيرةً
هل يستجيب بوجهه مصقولا
******************
غدار دموعك ما بتفيد
في زول حواسو إتحجرت
جرب معاك كل السبل
وإيديه ليك ما قصرت
حطمت في قلب الامل
كل الاماني الخدرت
كلماتو ليك ضاعت عبس
لا قدمت لا أخرت
****************
ما كنا...........ما كنا
ما كنا وقت الليل يضيع
وتشرق نجومو وتنكتم
ويطل شعاع يكشف قناع
والظلمه ترحل وتنهزم
وجفونا من طول السهر
تلبس وشاح حرقه والم
نستبشر اليوم الجديد
ونقول تعود انت العشم
كيف العشم وكتين يموت
والغصه تطعن في الحلق
كيف الحنين وكتين يهل
لي زول بعيد ما بتلحق
كيف الرجوع لي زول قنع
شايل رفاة قلبو الحرق
سيب الندم وانسي الدموع
ما فات زمان مابتلحق
****************
غدار دموعك ما بتفيد
في ظلمه ما بتعرف شعاع
أشباحه زي موج العدم
كسر المجاديف والقلاع
ونزلن في طوف الفشل
وأبحرن في بحر الضياع
ونسينا ذكراك الزمان
عشناها في زيف القناع

حسين محمد يوسف
03-06-2007, 07:09 AM
في طريق الليل

مظفر النواب

في طريق الليل ضاع الحادث الثاني
وضاعت زهرة الصبّار
لا تسل عني لماذا جنّتي في النار
فالهوي اسرار
والذي يقضي علي جمر الغضي اسرار
يالذي يخفي الهوي بالصبر
يا بالله كيف النار تخفي النار
يا غريب الدار انها أقدار
كل ما في الكون مقدار
لم نجد فيما قطار العمر
يدنو من بقايا الدرب
من ضوءٍ علي شئٍ
وقد ضج الاسي اسرار
كنت تدعونا فسر عنا
وجدنا هذه الدنيا محطات بلا ركاب
ثم سافرنا علي ايامنا اغراب
لم يودِّعنا بها الا الصدي
او نخلة تبكي علي الاحباب
يا غريباً يطرق الابواب
نحن من باب الشجي والزخرف الرمزي
والالغاز والمغزي
وما غني علي ازمانه زرياب
كلما في الكون اصحاب وايام له الا الهوي
ما يومه يوم ولا اصحابه اصحاب
كم طرقنا بابك السري في وجدٍ وفي خوفٍ
لم تجبنا فابتعدنا فرسخاً هجرا
فألفيناك سكرانا جواب
فلم تغفر ولم نغفر كلانا مدعٍ كذاب
كل غي تاب انما غيٌ وغيٌ فيك قد غاب
وراء النرجس المكتوب للغياب
لا تسل من عادة ان تكثر الاقوال
في من ذاق خمر الخمر في المحراب
لم يقع في الشك الا انه من لسعة
الاوساخ تنمو خمرة الاعناب
نبه العشاق مدنف اودي بلا هجر
ولا وصلٍ بباب الطاق
مرهق من خرقة الدنيا علي اكتافه
لم تستر الاشجان والاشراق والاشواق
موغل في السر مندسٌ بنار الوجد في الاعماق
لم يفق يوماً ولم يأبه بمن فاق
مشفق مشتاق كله إطراق
اثملته الخمر صحواً فانبري يبكي
وأطفال الزمان الغر لجوا حوله
سخرية في عالم الاسواق
قل لاهل الحي هل في الدور من عشق
لهذا المبتلي ترياق
نأمةٌ في العشق تكفي نقطة تكفي
فلا تكثر عليك الحبر والاوراق
كل مافي الكون تنقيط له الا الهوي
فاحزر فبالتنقيط نهوي
واسال العشاق

حسين محمد يوسف
03-06-2007, 07:17 AM
يا خطــــــــــــــــــــــــــــــــــــــــــــوتك

يحي فضل الله

لا زمن حبك حقيقه
لا تعب زمنك فرح
لا دغش وترك صدح
لا بعد ليلك صبح
يا خطوتك
ياخطوة الوجع الجرح
لا الفيها منك ابتدأ
لا البيها منك انتهي

ياخطوتك يا خطوه ضاعت
بين صراخك والصدي
بين المشاوير والنوي
بينك وبين كل المشاعر
الفينا غرقت في الغنا ياخطوتك
داست علي الحرف اليبس فوق الشفاه
داست علي البوح والكلام
داست عليك وعلي انتظارك والملام
داست عليك وعلي الدروب
الماشه منك وجايه ليك
لا تعب فيها الحرف
لا فتر فيها الولف
يا خطوتك بين ابتعادك إنتظاري
بين مشاوير طفله ضاعت
يا عيونك وافتكاري
ياعيونك وإفتكاري

أبوجاره
03-06-2007, 07:54 AM
تسلم ياغالى

حسين محمد يوسف
06-06-2007, 05:51 AM
بنا جيـــــــــــــــــــــــــــــــــــــــــها

مصطفي سيد احمد

حنين مشبوب ظهر في غناي وراجيها
علي الزمن الصعب مصلوب بشيل شيل
القسا الممدود عشان تصبح دياجيها
دوام بشتاق واناجيها مسيرك طال
علي السمحه الدروب تقصر بشارة وفال
كفاك ترحال منو القال في السكون راجيانا
راحة البال وايه باقي العمر معناه
دون احلام ودون آمــــــــــــــــــــال
وكيف لو يبقي ليما محال اذا عزم
المحب صادق بيهزم كل صعب ومحال
ينور شمعة الاخلاص علي الاجيال
وقصه جميله تكبر في خيال اطفال
بشوفك في حلة الاصحاب ورعشة
شوق غريب بعيد عن دارو والاحباب
في دقة الباب وفي الترحاب وفي كل جميل وكل
خلاف بشوف يبيها الجود واناجيها
وجيهتك لسه ممدوده تكابد
دربك المداد في ليل هود بي تشيل شيلك
وتتحزم وتتلزم ويشتاق
حزن ليلك قبل الزاد علي اللحظه
البتبكي غناك ضنا وتبريح وتتمدد
مع النجم السهر وراك ملا ذ
الحلم لرو يرسي بتمشي حدود
نميلو براك ميعادك قاصد
المرسي ونحن معانا شوق لسه
وصبر نرجاك ولا بنرتاح ولا بننسي

أبوجاره
06-06-2007, 06:18 AM
حسين ما تدينا بالقطاره من فضلك 2 -- 3 كده فى اليوم أحسن

حسين محمد يوسف
08-06-2007, 07:22 AM
سفر العمر

مدني النخلي

ما بان عليك سفر العمر
لسع الربيع يا دابو زار
لسع الضفاف المترعه
بتفض ندي وتطرح ثمار
وانا جوه قلبي المشتهيك
نزفت جراحات الودار
الناس عليك ناداها فال
في عيونه نام الازدهار
***********
يا زهره طالت بالفرح
بتراقص انوار المسا
ما بان عليك اثر القطاف
ولا جاتك ايام القسا
ما اروعك وانت الشباب
وانا جوه قلبي المشتهيك
نزفت جراحات كل بيت
جوه العيون اطفال فرح
لمة زفاف
جوه العيون تشرق شموس
يرحل جفاف
أزمان بتغرق في النعيم
وحنان غمر عاشقين رهاف
وانا جوه قلبي المشتهيك
نزفت جراحات الودار
************

حسين محمد يوسف
08-06-2007, 07:30 AM
لحظات نديــــــــــــــــــــــــــــــــــــــه

مدني النخلي

في خاطري لحظات النديه
وانت ساعة المغربيه
قعدتك جمبي وعيونك
سارحه في الدنيا البهيه
خوفنا من سفراً يودي
للمسافات القصيه
قصة الزول المفارق
قلبو عشره علي الو صيه
**********
كنت جد ناوي الرحيل
إلا شايل ذكري منك
خفت في الغربه البعيده
المسافات يبعدنك
العيون الشايله سيرتك
بكره يبكن يفقدنك
والاماسي الحالمه ترحل
والمشاوير يتعبنك
شفتي كيف
لما الشمس مدّت نوافير الشعاع
والضفاف بعدت كتير
والريح ملت جوف الشراع
كيف هناك بدت الضفاف
تتلاشي في زمن الضياع
وانت ساعة المغربيه
خايفه من كلمة وداع

حسين محمد يوسف
08-06-2007, 07:40 AM
حكاوي الشوق

مدني النخلي

أملنا الباقي يسرح بي
وأهاجر لي زمن تاني
تبقي الدنيا في عيني
هدأة موجه
في بحر الاسي الممدود
رجعة غنوه
من درب الضني المهدود
هجعة خطوه
في سكة فرح مفقود
وافتش ليك افتش ليك حنيني معاي
اماني تصارع المكتوب
عشانك لا مسافه تطول
ولا تصعب معاك دروب
وقلبي معاك وعلي الوعد الحزين مصدود
وراجع ليك اجوب الدنيا وارجع ليك
اجيك فارساً يشق صمت المتاهه الطال
مواعدك بي حكاوي الشوق
وبي شمساً وراها منال
وبي فرحاً يفرد في سماك
الحان
ويجيب البهجه للاطفال

حسين محمد يوسف
08-06-2007, 07:47 AM
من جديـــــــــــــــــــــــــــــد
مدني النخلي

من جديد جيت تاني تكسر
صمتي بالنظره الخجوله
يا امل عمري القبيل
ويا سنين عامرات فصوله
وما قدرت انساك من زمان
بس ضاعت احلام الطفوله
*************
الحنين الجيتني بيهو
جاني في لحظات ندم
في زمان ضيع صبانا
وكل اشتات العشم
من جديد جيت تاني كيف
تبني فيني اللنهدم
وما قدرت انساك من زمان
**************
ما بفيد انا لو الملم
من عيونك ذكريات
أو اصحي الماضي فيهن
وانسي حزن الامسيات
برضو زمن البهجه عدي
وعمري فات فيه الفوات
************

حسين محمد يوسف
08-06-2007, 08:16 AM
ايام زمــــــــــــــــــــــــــــــــــــام

التجاني حاج موسي

والله ايام يا زمان
ببكي واتحسر عليك
ما بقول العشنا كان
وارمي حبة لوم عليك
لسه راجيك يا زمان
بي حبة الذكري المعاي
عايشه في وجداني جوه
ولسه بدغدغ حشاي
وامكن الحبيتو مره
ألقا في كلمات غناي
عاطفه بتصحي المشاعر
وامكن الطول سهاي
تغشي ليلاتو البشاير
ويمكن الفرح الزمان
لسه اصداه بترن
غنوه حاضاناها الضفاير
جايز الايام تحن
وتصحي فيك نبل المشاعر
ويمكن المجروح يئن
وتغشي ليلاتو البشاير
والله ايام يا زمان

أبوجاره
08-06-2007, 09:43 AM
وصلنا مرحلة الادمان ياحسين .. تسلم

حسين محمد يوسف
09-06-2007, 04:48 AM
وصلنا مرحلة الادمان ياحسين .. تسلم

تسلم اخي ابو جاره وانت تعطر هذه الصفحه والمزيد ان شاء الله ياتي ...........

حسين محمد يوسف
10-06-2007, 03:15 AM
بلاد الله البعيده
خطاب حسن احمد

جلبت ليك من بلاد الله البعيده
صنوف من الوجد الملح
دُرت القاك بالسمح
كنت اصطاد في الظهيره
من مناقير الكنار
بوصلات
سكك الاغاني
ومن قري
الليل القصيه
أنتشل
عطر الاماني
لو الاقي اللون أدسو
لما يغرس
فيني حسو
لي ملاقاتك هديه
واتفقد الرعشه
المعبيّه في ايديّا

حسين محمد يوسف
10-06-2007, 04:39 AM
عمنا الحاج ود عجبنا
الفرجوني

عمنا الحاج ود عجبنا
في الفريق ياهو الركيزه
هو البشيل حمل الرباعه
وعندو كلمه علي الجماعه
في الفريق با قيلنا تايه
وكل طيب ليه غايه
للضعيف تلقاه ساند
ويقهر الكعب المعاند
وللضيوف ديوان فاتح
ديل يقوموا وديل ينزلوا
يا ولد جيبو الرتاين
وجيِّهو الديوان فراشو
وأفرشوا الفرشه الكبيره
والاباريق والتباريق
واضبحوا الحمل المدوعل
عمنا الحاج ود عجبنا
من سنين ايام جهلتو
ديمه في دعوات صلات
بسال الله السلامه
وسترة الحال زالكرامه
عمنا الحاج ودعجبنا
في ليله من ذات الليالي
في زمن حظر التجول
جاهو ضيف فوق راس حداشر
رحب الحاج بيهو جداً
فرشولوا ونزلوه
وكاسوا للعشا ما انلقالو
ما الرغيف ممحوق مقصر
والبلد في حال معسر
عمنا الحاج في مبادؤا
واجب الضيف زي فريضه
وهسه ضاقت بي العريضه
ضيفو كيف يترك عشاه
ومن دي زايد اختشاه
وجاتو فكره
يمشي للفرن المجاور
ولي لجان العيش يشاور
بس عشا الضيف يا جماعه
ضيفي نازل ليه ساعه
شاكلوه ونهروه ودفروهو
وجاتو دورية الطواري
وامسا بايت في الحراسه
وناسو جنوا
للصباح ما عرفوا حاجه
وين ده روح؟؟
وجاهن الخبر المؤكد
ود عجبنا في الحراسه
وماشي محكمة الطواري
ناسوا اولادو وبناتو
عرفوا حالو وبدري فاتو
راحو محكمة الطواري
فيها في نص الخلايق
شافوا حالاً ما هو لايق
عمنا الحاج بي جلالو
فوقو حس الصوت مولول
فوق قفاه وفوق زنودو
وفوق رجولوا
ومره فوق فججاً حشايم
أصلوا ما قايل بهونن
حتي لو نزلن هجايم
إلا لكن الليلي يوم
ترخص علي كل غالي
حاكموا الولد المنصب
كتفو بالدبور مقصب
إنت ياحاج يا مخالف
زول مخرف وعقلو تالف
إنت يا زول ماك داري
زلة الناس في الطواري
غرموه واجلدوه
ونفذوا الحكم البهينو
شان يفتح تاني عينو
تسمع الصوت ليه خاويه
وفوق قفا الحاج صيحتو داويه
كل جلده جبل مزله
في ضمير الحاج وقلبو
وفجأة رفع الحاج عيونو
شاف بنات ولدوا وبناتو
كلهن واقفات يعاينن
دمعتن في العين ترقرق
وجعتن في الجوف تحرق
والحزن ليهن مفرق
دي النجوم الفي سماهن
ده الزمان الكان حماهن
كل سوط نازل عليهم
من شعاع الضو عماهن
عمك الحاج دمو زرف
وسيلو فوق اشنابو سرف
وتم حكمو وراح لي بيت
نفسو مكسوره وزليله
وكيف ملاقات الحليله
وصحوة الروح العليله
وفي البيوت الجوه غادي
عمك الحاج ما عتيادي
فوق متلمين جماعتوا
والسكيلي ضرب حزايني
قالوا ناداه المنادي
وفارق الدنيا المهينه
يقطع الزله وسنينا
فوق فراش حاج ود عجبنا
بسمع الزول البوصي
اقفلوا الحوش يا جماعه
واطفوا انوار الرتاين
داك حرس حظر التجول
من بعيد ليكم بعاين
يا زمن حظر التجول

حسين محمد يوسف
13-06-2007, 03:09 AM
الشجن الاليــــــــــــــــــــــــــــــــــــــم
ببقي بعدك في الاسي
وتبقي انت الظالم القاسي النسي
وغصب عني ازيح ظنوني
واقول عليك انت المسامح
وفوق شجوني
اعيش زمان بالفرقه جارح
وفي احتمالي وبالي منك
وانت سايق فيني ظنك
رغم انك انت عارف انو منك
لا الزمن اقدر احول قلبي عنك
لا المسافه ولا الخيال
يشغلني منك
****************
تحرمني منك
والمواعيد لا بتجيب منك تودي
لا الزمن قادر يسوقني عليك اعدي
لا التحايا ولا المشاعر الحيه
في جوه الحنايا
لا رساله تجيني منك
لا خبر طمني عنك
وانت سايق فيني ظنك
**************
يا هوي يا هوي
يا هوي الالم النعيل
خليك علي الوعد القديم
وخليني في الشجن الاليم
وابقي في كل المداين
سكتي وسفري الجحيم
تبقي ايه الدنيا من بعدك تكون
وابقي ايه بعدك اكون
ما في احتمالي وبالي منك
وانت سايق فيني ظنك
****************

حسين محمد يوسف
13-06-2007, 03:16 AM
كــــــــــــــــــــــــــــــونــــي النجمه
قولي الكلمه لصمت الليل
وكوني النجمه
وامشي معانا الدرب طويل
وطولي النجمه
وادي الفرح امتد مساحه
نادي الامل الجوه عيونا
شوق الشوق اتجدد تاني
باقي احلامنا جدار من كونا
ونار الالفه البينا سنين
صحت فينا احلام يوم باكر
غيم الامل الشارد يوصل
ايد مبسوطه تقابل الحنه
نغم الليل
السال شبال
نخله تغازل في عيون طفله
طفله وحفله
ورقصة فال

حسين محمد يوسف
13-06-2007, 03:27 AM
تقول لي الفراق مكتوب


تقول لي الفراق مكتوب
زي اول جمعنا قدر
وترحل يا حبيب العين
تخلي صباحنا ليلو سهر
تقاسمك في سفر بالروح
سعيد انت وشقاني سفر
لما كتمت دمع الشوق
بكيت من غير دموع اكتر
**************
طريتك في عيون الناس
لما لقيته محتاره
وفي دروباً مشيته معاك
وراك فترني مشواره
وما اتخيلت جناتك
بتصبح للعيون نارا
نار فرقتنا يا حنين
مجبور قلبي يختاره
*************
زمان ما كنت قايلك انا
عبيرك منو تحرمني
الاقي الليل طويل عمرو
وعمري الباقي يظلمني
طريتك قلبي علمتو
عشان انساك علمني
لا كان الفراق منك
ولا ياروحي كان مني

القنداتي
13-06-2007, 06:07 AM
اتمنى ان يعي جيل اليوم ما قدم جيل الامس وان الكلمه سواءا اكانت راقيه ام غير ذلك تبقى في اذهان الناس وفي قلوبهم لاتنسى وان طال الزمن واصحاب المقام الرفيع امثال مصطفى لن يغيبهم التاريخ ابدا فقد خطوا ذكراهم باقلام انيقه ونقشوا كلماتهم باحرف مذهبة داعبت اشجان المحبين والعشاق والعمال ولو عادالزمن لقال المتنبي ان مصطفى اسمع كلماته لمن به صمم .............. الا رحم الله مصطفى

حسين محمد يوسف
15-06-2007, 10:35 PM
اتمنى ان يعي جيل اليوم ما قدم جيل الامس وان الكلمه سواءا اكانت راقيه ام غير ذلك تبقى في اذهان الناس وفي قلوبهم لاتنسى وان طال الزمن واصحاب المقام الرفيع امثال مصطفى لن يغيبهم التاريخ ابدا فقد خطوا ذكراهم باقلام انيقه ونقشوا كلماتهم باحرف مذهبة داعبت اشجان المحبين والعشاق والعمال ولو عادالزمن لقال المتنبي ان مصطفى اسمع كلماته لمن به صمم .............. الا رحم الله مصطفى

لك التحية الاخ القنداتي ومصطفي يرحمه الله رقم لا يمكن تجاوزه ويكفي انه منحنا كل هذا الحب ودفئ المشاعر والكلمه الراقيه فمهما نقول او نكتب لا يمكن ان نوفيه حقه ونسال الله العلي القدير ان يسكنه فسيح جناته ................

عصام
22-06-2007, 07:02 PM
فين يا عم انتة بتشتغلنا ولا اية اسماء واخوها:mad: :mad: :mad:

حسين محمد يوسف
22-06-2007, 09:46 PM
فين يا عم انتة بتشتغلنا ولا اية اسماء واخوها:mad: :mad: :mad:

التحية لك اخ عصام وفين ياعم ؟ انا موجود وان شاء الله سآتيكم بالمزيد..

بتشتغلنا ولا اية اسماء واخوها....
دي مافهمتها تقصد ايه................

محمد زقل
29-06-2007, 01:56 AM
مصطفى صرح فنى لاجيال قادمه

ما احلاهم شالوا معاى الهم بالجملة
وهتفوا البحر البحر
جوا المركب فضلو يغنو
يغنو يغنو بغنو

scaption
16-02-2008, 12:35 PM
استاذى حسين
تحية واجلال
شكرا وفيرا على هذه اللوحة الرائعة
واسمح لى بان امرر عبرها اجمل ما قيل فى هذا الرجل الفلز النادر من خلال قرائح من هم كانوا ياكسدون شهيق الكلمة الحية فى رئة الفن الطاعم
وقد قالها الشاعر الكبير القدال فى غمرة حزنه الانيق:
الرحيل الشفتو للناس العلامة
الرحيل الشفتو للمتلك قيامة
ولكن شاعرنا الرائع ازهرى محمد على كان له بوحا رائعا فى رثاء ذلكم الصرح

مدخل:
فات الكان بدينا احساس بالالفة وكان راوينا
فات الباكى جروحنا وناسى جروحو
ولافى ورانا مدينة مدينة
فات الصاحى ونحنا نغط فى النومة السابعة
طالق حسو ...ولا حسينا
حتحت فينا غناهو الطاعم
فات قنعان من خيرن فينا

النص:
الى صديق الغياب والحضور الى مصطفى سيد احمد
سلامات يا زول يا رائع سلامات.....عوافى
سلامات يا زول يا رائع سلامات.....عوافى
سلامات
يا خلاصة الخير الفى الناس وترياق الزمن المتعافى
سلامات يا زول يا رائع
محاصر فيك بسال عن سكة
تطلع منك او سكة تودى عليك
محاصرفيك بسال عن مخرج منك وليك
وزى نهر بينبع وما لاقى مصب
يتمدد عشقك من اقصى ضواحى الروح
لاقصى نواحى القلب...يتكثف بسعة اطلاق الرب
وانا كنت بفلى القلب بسيرتك
وسميتك حلاب الغيم من ضرع الجدب
وظنيتك مارست الفعل السرى
وحفظت فحولة النيل ايام الخصب
ولمحتك وانت بتتمشى....على لب الجرح بتتمشى
بترقص فى حمامك على حمى ايقاع الحر
وتكلكل جلد الكلمة الناعمة
لحبيبة بتفتح مجرى الغنا فى الدم
وتفلس بيبان القلب
فيا بنوت الشارع الطاعم قومن كب
قومن للما قصر فى غناكن ضلمة
ولا اتلوم بوراكن تب
لو تبقى السكة الماشة طشاش
ما بتبقى السكة الجاية ضهب
وسلامات يا زول يارائع
البارح عصفورتك ركت فى البال
ورقصت وادت عصفور الريد شبال
وطارت من قولة كر
طارت
ما الزول النهر العصفورة بحرض
فى كلاب الحر
لابسنى وداخل فى اللحم الحى
راصد كل البسال عن حالى...حرش ضلى على
ونتف زغب الخاطر التخطر على بالى
ومنع العصفورة تحوم
واستجوب كل الناس البجو فى النوم
ما تقوم يا زول يارائع ومهموم
يا مضيع ضيعينى وراك وواقف حاحاى للنوم
يا مستف رئة الدنيا شهيق
ومشحتف روح الخرطوم
كيف حال يا ابوى
كيف حال يا خال
وتعال
اتفضل على باحة بيتنا الطيب ماعون الاطفال
ضمد جراحاتك تعال
من ضلاماتك تعال
من حافة البرزخ تعال
من شرفة الملكوت تعال
ادينا هينين من صبر
دى السكة ابعد من مشيك
والجرح اعمق من حدود الاحتمال
السابلة والاطفال هناك...قدامك المشوار طويل
والريح وراك
كل البيت اتشرفت بطلعتك
والونسة ما كملت معاك
القرقراب والقهقهة
مين سمى ترحالك غياب
والغيبة بزيدك بهى
لو برتق الحزن المصاب
كان بعدك الموت انتهى
يا اقصى حالات الحضور المشتهى...يا منتهى
تعال قرحنا بدهشة غناك الحى
وحى من جرحك الدامى وفتر حيلك
وحى من ضلك الرامى وحمل شيلك
تموت متل الشجر واقف...تموت واقف على حيلك
فيحليلك... يا حليلك
بستناك على صهوة جياد الريح
وبستناك فى الزمن اللديح القيح
على باب الحلم فى غناك....بستناك
رحيلك شلهت الدنيا
ورتب العالم البهناك
وبستناك وانا تانى وراك شن لاحق
دهستنى فى بعدك حجا الخوف
الداخلة على بالساحق
ادينى القدرة التمنحنى بحجمك سعة الشوف
لو اقدر اطل من شاهق
لو اقدر الوح لعيونك تلمحنى
وانا ضحكى امامك فاضحنى
سامحنى ما قدرت اطولك سامحنى
شفتك من وجع طالع على برزخ ملتقى النيلين
شفتك من وجع طالع
كنت هناك وحيدك وكل الناس اتنين اتنين
براك واقف فى حد السيف
براك الما وقف بين بين
تغازل حلمك الفارع...فتح بابين على الملكوت
تسلم خواطر عمرك اليانع
تسلم على حضرة جلال الموت
وتفتح فى الارض نفاج
اذا امتلا الفراغ بالصوت
فيا باطن الاديم افتح
براحات الحنين مشرع
وانده لمدن شاخت
انده لاطلال القرى الراحت... بيوت فى بيوت
تمرق من شبرمسرح
مدن فاضلة وعالم باتساع الحلم
بقامة يشتهى التابوت
فما لفظ البحر يونس
ولا امتدت شهية الحوت
ويا زول يا رائع تمشى بالحسرة وتفوت
سلامات يا زول يا رائع
عوافى
انتهى....

د.احمد
09-08-2008, 10:18 AM
http://img527.imageshack.us/img527/3517/120283929sk2.gif

خالد الريح
09-08-2008, 12:36 PM
الاخ / حسين ..

تحياتي وتقديرى لك وانت تزين هذا البوست الرائع وتلونه بقلمك ليزداد جمالاً بروائع العبقري الراحل المقيم / مصطفى سيد احمد

عزراً اخي حسين ..

فقد قمت بعمل بوست باغنيات الرائع مصطفى سيد احمد

اقوم فيه بتلبية طلبات الاعضاء من اغاني مصطفى سيد احمد

.. ولم انتبه للبوست الخاص بك ..

اعتزر منك اخي حسين فالفكرة لك وانت صاحبها ..



ارحو ان لا يسؤا الظن فيني فانا مثلك واكثر منك .. اعجابا وحبا لهذا العملاق ..


مره اخرى .. ارجو تقبل اعتزاري ..


احتـــــرامـــاتي