الصفر البارد
20-04-2011, 07:02 PM
نقلا عن صحيفة التيار الصادرة اليوم الخميس
بقلم الصفر البارد
عااافي منك يا المتعافي
باللغة العامية ( لغة الشارع ) ... فتح ليهم وفتح لي حنانهم زاتو ... و الزول ما شغال بيهم ... بلا برلمان بلا لجنة محاسبة فساد بلا بطيخ ... السيد الوزير المتعافي ... عافي منك تب .يا زول ( هلا هلا يا المتعافي .. دخر الحوبا ... ضهر العكنفس .. (هيييع ) أب زرد عددديل.... أسد الخلا ... الدود النتر .. دي الرجالة ولا بلاش ... عااافي منك تب والله ...
الجماعة بقوا زي مروحة الطربيزة يفتشوا يمين شمال عن المتعافي ... عليكم أمان الله .... ولا جاب خبرهم .... ولا قال ليهم انتوا بتقولوا في شنو زاتو ..... بس يا المتعافي يا اخوي كان على الأقل رسلت ليهم سواقك ( الشوفير ) ولا كان على الأقل اتصلت بيهم ... ولا كان رسلت ليهم رسالة ( اس ام اس ) .. او تتابع الحركة الشبابية وتعمل معاهم ( شاتنج ) (بالفيس بووك ياااخي ) بس حكاية انك ( تخرش ليكم ساااي ) حارة شوية عليهم يا سعادتك ... يعني تفتح ليهم سااااي كدي ولا تهببوا ليهم عليك امان حارة حارة تب ... بصراحة أنا لو مكانهم ..... ( كان بطلت لعب البللي زاااتو ) .. والمرة الجاية يا سعادتك بالله عبر الشباب ديل ... يعني ما تخلي خشمهم ملح ملح ... اكتح ليهم شوية سكر .. ان شاء الله من المستورد بلاش حق كنانة ... اصلوا قالوا سكر كنانة الأيام دي ( مسيخ ) ... وأعصر ليهم زيت .. بس اهااا انتبه ..... ! ! ! اوعك يكون من زيت زهرة الشمس بتاع ( التقاوى) ألفيها خلاف ومشاكل دي وجابت لينا و جع الرأس ... جيب ليهم زيت (سم ..... سم ) ... معصور بالعصارات التقليدية ( عصارة الجمال ) ... أو معصور بي جمل ليهو قوووفة وسناما عااالي .... عشان الزيت دا بضبط صحن الفول ليهم ... مع العلم ربما لا تجد فيهم من أكل فول منذ عهد مايو .. ... يا راجل ديل بطلوا يشوفوا الفول زاتو ... ولو لقيت نفسك ما فاااضي ... افتح لي حنانهم زاتو تأني وتالت ورابع .. في الأصل البرلمان دا من أيام الترابي ما شفنا فيه ولا جلسة دار فيها نقاش ساخن .. ولا سمعنا انه رفض تعين وزير .... ولا سمعنا انه رفض قرار أو قانون .. بس طوووالي البرلمان دا عنده الموافقة بالأغلبية الساحقة وتمرير القرارات لديه يعتبر أسهل من تمرير موية من اعلي الجبل إلي الأرض..... ..... وباقي لي الجماعة عايزين يطلعوا فيك القديم والجديد ... استعد هنالك كبش فداء يعد ويتم تهيئة المذبح له في الطريق ... ....
ونجي للكلام الجاااااد كلام الصفر البارد الما بنبلع تب ............... واقول :- وربما كان الشغل كله دا للعرض العالمي ... يعني عملية ( براكودة الهندية ) لزوم إشغال الإعلام بأحداث فارغة ... ونقول للعالم اهو نحن حولنا أوراق وزير إلي القضاء ... ونسكت أصوات الطرابيش ... ونعمل ضجة إعلامية في قصة وحكاية كلها ( بيش في بيش ) ... والشعب يطلع كالعادة...... الطيش ... الطيش ... فان الثابت ان التقاوى تم استيرادها في عهد الوزير السابق وليس عهد المتعافي ... يعني بالعربي .. المتعافي معروف انه لا ناقة له ولا جمل في كل هذه الضجة ... ولكن من اجل الاعلام ... جعلنا من المتعافي بطل فلم .......... خير الختام أن نرفع من الدعاية ونساعد الحكومة ونقول ....:- وعلى من يستطيع أن يستجوب المتعافي يقابلنا في سينما (خور ابوعنجة )
جلال الدين محمد ابراهيم
E- Mail - jalalone2@gmail. com
بقلم الصفر البارد
عااافي منك يا المتعافي
باللغة العامية ( لغة الشارع ) ... فتح ليهم وفتح لي حنانهم زاتو ... و الزول ما شغال بيهم ... بلا برلمان بلا لجنة محاسبة فساد بلا بطيخ ... السيد الوزير المتعافي ... عافي منك تب .يا زول ( هلا هلا يا المتعافي .. دخر الحوبا ... ضهر العكنفس .. (هيييع ) أب زرد عددديل.... أسد الخلا ... الدود النتر .. دي الرجالة ولا بلاش ... عااافي منك تب والله ...
الجماعة بقوا زي مروحة الطربيزة يفتشوا يمين شمال عن المتعافي ... عليكم أمان الله .... ولا جاب خبرهم .... ولا قال ليهم انتوا بتقولوا في شنو زاتو ..... بس يا المتعافي يا اخوي كان على الأقل رسلت ليهم سواقك ( الشوفير ) ولا كان على الأقل اتصلت بيهم ... ولا كان رسلت ليهم رسالة ( اس ام اس ) .. او تتابع الحركة الشبابية وتعمل معاهم ( شاتنج ) (بالفيس بووك ياااخي ) بس حكاية انك ( تخرش ليكم ساااي ) حارة شوية عليهم يا سعادتك ... يعني تفتح ليهم سااااي كدي ولا تهببوا ليهم عليك امان حارة حارة تب ... بصراحة أنا لو مكانهم ..... ( كان بطلت لعب البللي زاااتو ) .. والمرة الجاية يا سعادتك بالله عبر الشباب ديل ... يعني ما تخلي خشمهم ملح ملح ... اكتح ليهم شوية سكر .. ان شاء الله من المستورد بلاش حق كنانة ... اصلوا قالوا سكر كنانة الأيام دي ( مسيخ ) ... وأعصر ليهم زيت .. بس اهااا انتبه ..... ! ! ! اوعك يكون من زيت زهرة الشمس بتاع ( التقاوى) ألفيها خلاف ومشاكل دي وجابت لينا و جع الرأس ... جيب ليهم زيت (سم ..... سم ) ... معصور بالعصارات التقليدية ( عصارة الجمال ) ... أو معصور بي جمل ليهو قوووفة وسناما عااالي .... عشان الزيت دا بضبط صحن الفول ليهم ... مع العلم ربما لا تجد فيهم من أكل فول منذ عهد مايو .. ... يا راجل ديل بطلوا يشوفوا الفول زاتو ... ولو لقيت نفسك ما فاااضي ... افتح لي حنانهم زاتو تأني وتالت ورابع .. في الأصل البرلمان دا من أيام الترابي ما شفنا فيه ولا جلسة دار فيها نقاش ساخن .. ولا سمعنا انه رفض تعين وزير .... ولا سمعنا انه رفض قرار أو قانون .. بس طوووالي البرلمان دا عنده الموافقة بالأغلبية الساحقة وتمرير القرارات لديه يعتبر أسهل من تمرير موية من اعلي الجبل إلي الأرض..... ..... وباقي لي الجماعة عايزين يطلعوا فيك القديم والجديد ... استعد هنالك كبش فداء يعد ويتم تهيئة المذبح له في الطريق ... ....
ونجي للكلام الجاااااد كلام الصفر البارد الما بنبلع تب ............... واقول :- وربما كان الشغل كله دا للعرض العالمي ... يعني عملية ( براكودة الهندية ) لزوم إشغال الإعلام بأحداث فارغة ... ونقول للعالم اهو نحن حولنا أوراق وزير إلي القضاء ... ونسكت أصوات الطرابيش ... ونعمل ضجة إعلامية في قصة وحكاية كلها ( بيش في بيش ) ... والشعب يطلع كالعادة...... الطيش ... الطيش ... فان الثابت ان التقاوى تم استيرادها في عهد الوزير السابق وليس عهد المتعافي ... يعني بالعربي .. المتعافي معروف انه لا ناقة له ولا جمل في كل هذه الضجة ... ولكن من اجل الاعلام ... جعلنا من المتعافي بطل فلم .......... خير الختام أن نرفع من الدعاية ونساعد الحكومة ونقول ....:- وعلى من يستطيع أن يستجوب المتعافي يقابلنا في سينما (خور ابوعنجة )
جلال الدين محمد ابراهيم
E- Mail - jalalone2@gmail. com