مكتبة الفنان كمال ترباس

[محمد ناصر]

أُمي الله يسلمك - كمال ترباس




أمى .. الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..



أُمى يا دار السلام

يا حصنى لو جار الزمان ،

ختيتى فى قلبى اليقين

يا مطمنانى .. بطمنك

أمى .. الله يسلمك



خيرك على بالجد كتير ،

يا مرضعانى الطيبة بالصبر الجميل

يا سعد أيامى وهناى

لو درتى قلبى ، أسلمك

أمى .. الله يسلمك



أنا مهما أفصح عن مشاعرى

برضو بيخونى الكلام

قولة بحبك

ما بتكفى وكل كلمات الغرام

يا منتهى الريد مبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك ..

[hatim_abbas]

مشكور الاخ محمد ناصر
الله اديك العافية

[hatim_abbas]

الله اديك العافية اخى محمد

[خالد الريح]

أمى .. الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..

اللهم احفظ امهاتنا وطول لنا في عمرهم . وخــاصة امهات اعضاء منتدانا الجميل

تسلم محمد ناصر ..

[محمد ناصر]

صـــــدقني ما بقدر أعيد - كمـــــــــال ترباس

صدقني ما بقدر اعيد
قصة غرام بالشوق مضت
رحلة عذاب دابة انتهت كيف تاني ترجع من جديد

من عمري اهديتك كتير
اخلصت ليك وانت بتغير
و الغيرة كم فرقت قلوب طريقها كان مخضر نضير

من بدري خليتك انا
و نسيت عشرة كم سنه
ما انت ضيعت الهنا
كل السعادة العندنا
كتبت لي ريدنا الفنا و بقت النهاية المحزنه

الليلة بتقول نبتدي
لازم انا انسى الحصل و ليك اجي
وافرح عمرنا وينتشي
انت فاكر حبي ليك لسة ندي
انا حبي ليك بدري انتهى وزي الما كان بيناتنا شئ
اعذرني ما بقدر اجي

[محمد ناصر]

اظلـــــــم من ظلــــــم - كمــــــال تربــاس

تسجيل قديم



تسجيل حديث




كم شفت من مجهول مصير
شفت ياما شفت كم
انا شفت ناس ظالمين كثير
بس أنت أظلم من ظلم

انا تانى ما بندم عليك
اصلو الندم بيفيد شنو
لمتين انا اترجى فيك
الزيى كان رادك منو

انا قلت قلبك يوم يلين
وتعوض اللراح من عمرنا
القسوه تتبدل حنين
لكن طباعك يا ضنين
لكن طباعك ما بتلين
قسوه ونفور وعذاب وسنين
يا العُمرو قلبك ما رحم

يا دنيا ياما فيك ناس
بتقابل الريد بالجفا
يا دنيا ياما فيكى ناس
اتعودت قِل الوفاء
ويا دنيا ياما فيكى ياما
وياما فيكى وبس كفى

آه من جفاك .. خليت شنو
انا شان رضاك
يا العمرو قلبك ما رحم
انا شفت ناس ظالمين كثير
بس انت اظلم من ظلم

[صلاح حسين]

كمال ترباس
جاى تفتش الماضى
شعبى

[خالد الريح]

سلمت يا ابو صلاح ..

اجتهــاد مقدر .. ونرجو عدم الانقطاع .. واصل يا رجل ...

[خالد الريح]

مشكور يا ولدنا ... واصل .. واصل .. واصل .....

[صلاح حسين]

سلمت يا ابو صلاح ..
اجتهــاد مقدر .. ونرجو عدم الانقطاع .. واصل يا رجل ...

شكرا ودلريح نحن معاكم
بس الله يسهل
ادونا وجهة نظر معاكم زى ماقال حمودة حلاق الجماعة
هههههههههههههههههه