كلمات أغاني الفنان هاشم ميرغني

[محمد ناصر]

حان الزفاف - هاشم ميرغني






حان الزفاف
أنا حالي كيفن بوصفو
يا ريت هواك لي ما أنقسم
ولا قلبي ريدك نزفو

قالوا البعيش
الدنيا ياما تشوفو
تشقيهو بي فرقة عزيز
بالحسره ريقو تنشفو
وإنشاء الله ما يحصل فراق
لقلوب بعد إتولفو

بس قولي لي أنساك كيف
وانا قلبي ريدك محنو
أبحر سنين في كون هواك
الليله فاقد مأمنو
وانا كنت قبلك
بصبر قليبي وايقنو
كايسلو لي زولاً حنين
يزيل مخاوفو يطمنو
لو ده الحصاد من كلو ريد
ناس قيس صحيح إتجننو

جوني الصحاب أنا قالوا لي
شافوها في توب الزفاف
شافوا الدموع وإتحسروا
والشوق غمام في عيونها طاف
مش عاد حرام ساكن الضفاف
ينشرا في عمرو الجفاف
طول عمري بزرع في الورود
وحصادي شوك آخر المطاف



للتحمـــــــــــــــــــــــيل ...

[محمد ناصر]

غيب وتعال - هاشم ميرغتي






غيب وتعال
تلقانا نحنا يانا نحنا
ما غيرتنا ظروف
ولا هزتنا محنه
كم بعنا في الغرام
وإشترينا
غير هواك ما ربحنا
يا حبابنا يا شبابنا
يارباطنا يا سمحنا

غيب وتعال
تلقانا بي نفس الايادي
الراجفه مشتاقه
في ساعة سلامك
غيب وتعال
تلقانا بي نفس المشاعر
الطيبه الديمه
تطرب من كلامك
غيب وتعال
تلقانا بي نفس القلوب الياما
حزنت لما فقدت إبتسامك
والله بعدك يا غالي
لا غنينا ولا إنشرحنا
يا حبابنا يا شبابنا
يارباطنا يا سمحنا

تعال لينا
يا أنبل عواطف
طافت الدار الحزينه
تعال لي نفوسنا
إنت يا منبع عذابه
وأنت يا مصدر أنينه
تعال لي ليالينا البواكي
الكانت بتطرب يا زين
يوم تجينا
بالخطى الواعده ورزينه

لا نسيناك وإسترحنا
لا لقيناك وفرحنا
غيب وتعال
تلقانا نحنا يانا نحنا



للتحمـــــــــــــــــيل ....

[علي الهيله]

كل اللوعة ؛؛؛ كل الشجن ؛؛؛؛ كل الحنين ؛؛؛ كل الهيام لك كل الود وتسلم يا محمد

[محمد ناصر]

كل اللوعة ؛؛؛ كل الشجن ؛؛؛؛ كل الحنين ؛؛؛ كل الهيام لك كل الود وتسلم يا محمد

علي الهيله يا راقي أشكرك على المرور

[محمد ناصر]

حتى باقي العمر شـــــيلـــــو - هاشــــــم ميرغـــني






اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو

بي محنة الزول بيــــــــلوم
دمعة في الخدين بتجـــــري
كنت بأمل أنا في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمري
وكنت دايرك يا حبيـــــبي
لو مرة بي آلامي تــــــدري

في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
ما انت ما الزول المن عرفتو
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو




للتحمــــــــــــــــــيل ...

[محمد ناصر]

الســـــهد الألــــــيم - هاشـــم ميرغـــــــني






علمتني السهد الأليم

بكيتني إنت وما بكيت
نزلت دموع تحكي الفراق
وإنت عاندت وأبيت
حتى عمري العيشتو فيك
فرحتو إنت وأنا الشقيت
لازمني إحساسي القديم
الغيرو أبداً ما لقيت

تأسرني بي كلمات غرام
أبقى مقتول بالكلام
أسير في سجنك ليّ زمن
مكتوب عليّ النوم حرام
لاني عارف إني فيك
ولا إنت فيني وأنا الملام
بقيت أخاف من الفرح
لأنو بعدو بجي الخصام

جيت تقول البينا راح
ما أصلو رايح من بدأ
أصلو صرخات من غريق
حتى البحر ما بيردده
وعشمي في الزمن العنيد
غنياتي فيك ما يخلده
خلفت في قلبي الجراح
خلفت فيك ذكرى وصدى





تحمــــــــــــــــــــــيل ....

[qindil]

نعم الاختيار يا ود ناصر
دي في القلب يا قلب

[خالد الريح]

رااااائع يا ولدنا ...

[محمد ناصر]

نعم الاختيار يا ود ناصر
دي في القلب يا قلب

تسلم يا قلب

رااااائع يا ولدنا ...

تسلم يا الحنين


مشكورين على المرور ....

[محمد ناصر]

انتى مامشتاقة ليّ - هاشم ميرغني

انتى مامشتاقة ليّ
ولا ماعارفة العليّ
لو خلاص خليتى ريدى
يكفينى خاتمك فى ايدىّ

مازمان قبال اسيبك
قلتى لى اوعك تطول
قلبى دايما فى رجاك
المحال غيرك يبدل
عشت بعدك كلي ذكرى
امسى بى طيفك واقيل
الليله قلبك لونسانى
غير عيونك وين اقبل

ما زمان قبال اسافر
كان فراقى كان صعب عليكي
شلت جرحى وفت منك
همى بس كان كيف اجيكي
جيت بى شوق الدنيا كلو
داير احس بى شوقى فيكي
بس لقيت اللهفة راحت
حتى عينيك ما عينيكي

شلت جرحى وفت منك
داير احس بى شوقى فيكي
شلت فرحى وجيت اسالمك
قايلك انتى تحسى بى
وانتى ما انتى الزمان
اصلى مامصدق عينى
انتى ما انتى الزمان لامن
قليبك بالفرح يحضن ايدىّ
داير افوت ياغاليه منك
ابكى واحضن فى الاسيه

للتحمـــــــــــــيل ....