آخـــر الــمــواضــيــع

  • مواضيع مميزة
  • <-> ( مـــافــــي أي عــوجــــة إلا أبـــــــــوك مـــات !.!!!!! <->
    صفحة 1 من 16 12311 ... الأخيرةالأخيرة
    النتائج 1 إلى 10 من 152

    الموضوع: قصائد للوطن الشامخ

    1. #1
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي قصائد للوطن الشامخ

      ما أكثر ما كتب شعراء وطني له وما أروع ما كتبوا فالوطن دوماً في حدقات أعيننا وباسمه نتغني كعشوق حدا به الشجن, وقد اخترت لكم من روائع الشعر الوطني هذا الجهد المتواضع أرجو أن أوفق.

      (1)

      وطني الكبير


      للشاعر عباس الطيب الهادي
      يا وطني الكبير تحيا وتعيش لينا
      ترعاك العناية ونسعد في وادينا
      --------------------
      الشعب العظيم الليلة هبّ وثار
      والزحف المقدس قادوا في إصرار
      صادق في كلاموا وقال نخوص النار
      ونقابل بالصدور المدفع الهدار
      --------------------
      عاش الشعب عاش لحماية الأوطان
      سـودانية سود ما بـهيـة ما ألـوان
      بنقيف في الحدود ونقابل النيران
      ونثبت كالجبال لي نصرة السودان

      --------------------
      يا وطني الكبير وطن الأبو والجد
      حالفين بي يمين لازم نقيف في الحد
      الــوطـن الـعزيــز بنيانو ما بـنـهـد

      والنيل صافي جاري وبي هينة ما بنسد
      --------------------


      نحن أولاد بلد سودانا ما بندي
      بالسيف والقلم والراي دوام نحمي
      شن صعب الأمر أيانا راكزين لي
      ولو النار ولعت الحر بصون وادي
      --------------------
      وطني بمجدو علي سائر الاوطان
      وبرفعو في زحل في أعلي اعلي مكان
      جـيشـك منـتـصر لاشـك يـا سـودان
      وبهتف ليك دوام فلتحيا يا سودان
      التعديل الأخير تم بواسطة روعه أحمد محمد ; 22-05-2012 الساعة 05:31 PM

    2. #2
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (2)
      سلام موطنى


      الشاعر/أبراهيم أبنعوف
      سلام موطنى ومكان مهدى عليك من المهيمـن ذى الجـلال
      ورحمتـه تعمّـك كـل صبـح الـيـك مــن السـمـوات العـوالـى
      تصب حياً فتحيا الأرض زرعاً بسح السّحب من قبل الـزوال
      وبركات يجسـن علـى ثـراك يجـود بهـنّ غرسـك مـن نـوال
      اليك أتيـت يـا وطنـى وكنـت قتيـل الوجـد مـن بعـد الوصـال
      أسائـل كـل نسـم مـنـك آت ويعـجـز أن يــردّ عـلـى سـؤالـى
      فأرسم صورةً لك فى البعيـد ويصغرعنـك نسـج فـى الخيـال
      وكـم مـن ليلـة أرسـلـت طيـفـاً لطيـفـك عـلّـه بـيـن الليـالـى
      أحبـك أيّهـا السـودان حبـاً علـى الأزمـان لــم يخـطـر بـبـال
      ففيه وجـدت للايمـان ركنـاً يريـح القلـب مـن نـزغ الضـلال
      تسـام الـروح دونـك وهـى فـرد فحبّـك جـاء بـعـد الله غــال
      وكـم سلـم الـذى خـاض المنايـا ورعديـد يمـوت بــلا قـتـال
      فـان كـان الخليـل يبـثّ يومـاً لعـزّة مــا بــراه مــن الـهـزال
      وشوقـاً قـد أذاب اللحـم منـه وصـار الجسـم اشبـه بالـخـلال
      فمات مع التمنّـى لسيـر حـاف وجلسـة خلـوة تحـت الظـلال
      أعـاد الـحـبّ روحــه للخـلـود ورقّــاه الــى رتــب المعـالـى
      كـذا الاوطـان تصنـع مـن بنيهـا رجـالاً يذخـرون لكـل حــال
      فمنهم من يفى الاصلاح حقاً ومنهم من يموت على النّصـال
      رضعت الشعر منك و كنت طفلاً وجئتـك شاعـراً فـذّ المقـال
      فأدهشنـى الـذى أوحيتنـيـه بـأنـك هـالـة فــى ذا الـجـلال !!
      كساك الزرع من خضرالثياب ولفّك( قرمصيص) مـن رمـال
      فأنـت لنبتـة اصـل وفـصـل , وسـحـرك بابـلـىّ غـيـر بـالـى
      ونيلـك جاريـاً عبـر الـقـرون يـجـود علـيـك بالـمـاء الــزلال
      اذا حلّت بك الغربـاء يومـاً يـرون النخـل رهطـاً مـن موالـى
      ومـن شهـد المحـاق علـى ثـراك يـخـال الـيـه ينـظـر للهلال
      وتاسعـة الجنـان علـى الأديـم يطفـن عليـك ربّــات الحـجـال
      تدانيهـن فـى الأوصـاف طـراً , وعيبـك ان مـا لـك لـلـزوال
      فيا عجبى لما شاهـدت فيـك كأنـه آيـى رسـم فـى الخيـال !!
      أخاطب نفسى فى غمر الذّهول أهذا جاء من صنع الرجال؟!
      هنيئـاً يابـلاد الخيـر دومــى . . كــأرض للثقـافـة والجـمـال
      ففـى ارجائـك الغربـاء تكـرم تصـان حقوقهـم فـى كـل حــال
      ومن زعموا عليـك بغيـر هـذا هـراء زعمهـم والقـول خـال
      ولو شهدوا الذى شهدته عينى لكفّ المغرضون عن الجدال
      كثيـراً مـا تمنيـت .. ولكـن , فأنّـى للامانـى مــن المـنـال ؟!
      أعيـش بموطنـى حـراً طليقـاً كعصفـور عـلـى قـمـم الجـبـال
      أغنـى تاركـاً غصنـاً لغـصـن , واشــدو للطبيـعـة والجـمـال
      ولكن ليس عنـدى غيـر حبّـى ولا شوقـى اذا شـدّت رحالـى
      فسبحـان الـذى اهـداك سحـراً وزانـك دون غيـرك بالجمـال
      وأرسل نسمةً تصحيـك فجـراً لتغسـل وجهـك أنـداء الطـلال
      وحببنا ترابك ان مشينـا , نخـاف عليـه مـن وطـىء النعـال
      علّمنـا الأولـى قيـم الوفـاء نسيـر بهـا علـى نـهـج الأوالــى
      فيا سودان نحن بنو ملوك اقاموا العـدل فـى الأول الخوالـى
      وأبناء أولياء فى العصـور أشاعـوا النـور بالنهـج الرسالـى
      فكانـوا قبلـة المستضعفيـن وقوّتـهـم عـلـى الأمــر المـحـال
      رجال تنبرى جـوداً وفضـلاً فتحكـى كوامـن السّحـب الثّقـال
      رجـال تنبـرى كرمـاّ وبـرّاً وفـى زمـن بــه الأحـسـان غــال
      فكانـوا أمّـة بالخـيـر تسـعـى و لا ينقصـهـا تلبـيـة الـسـؤال
      الا يكفينـنـا فـخــراً وعـــزّاً بـــأنّ آبـاءنــا بـحــر الـلآلــىء
      فنحـن لأمّهـات طاهـرات , ونسـل الأكرمـيـن عــل التـوالـى
      لنا فى الدهر أعظم أمّهـات نشـأن علـى الشجاعـة لا الـدلال
      يقـدّمـن الأحـبّـة والبنـيـن .. لـفـوز بالشـهـادة فــى الـنـزال
      ويدفعن الأشاوس بالنشيد لخوض الموت فـى حـرب سجـال
      ومــا بمهـيـرة الا مـثـال .. لـربّــات كـبــرن عـــن الـمـثـال
      نعزّك أيّهـا الوطـن المفـدّى وعـزّك أغلـى مـن نفـس ومـال
      فأنت الآمر, النّاهى , المطاع , فقل لو شئت زحزحة الجبال
      نلبـى لـك النـداء باندفـاع , كدفـع السهـم مـن وتــر النّـبـال
      ولسنـا القائليـن اذا دعيـنـا , لتـذهـب أنــت وحــدك للقـتـال
      تعلّمـنـا الشـدائـد كــل يــوم .. ونقتـحـم الشـدائـد لا نـبـالـى
      تزيد ضراوة ونزيد صبـراً يبـثّ الخـوف قـى صـدر الرجـال
      وكم متربـص بـك ذاق منّـا حمـام المـوت قهـراً وهـو قالـى
      يسيـر النصـر اذ ما نحن سرنـا ونحـن لــه بأصـحـاب وآل
      فيا سودان كيف أصيغ شعراً وقد عجز اللسـان عـن المقـال
      ويا وطنى أحبّـك مـا حييـت , أحبـك فـى مكوثـى وارتحالـى
      وأشهـد أنّ لا وطنـاّ سـواك , وأشهـد
      أنـك الشعـب المثـالـى
      التعديل الأخير تم بواسطة روعه أحمد محمد ; 07-05-2012 الساعة 12:32 AM

    3. #3

      افتراضي

      تسلمي روعه
      علي هذي الروائع
      نسأل ان تظل بلادنا دوما شامخه ابيه
      برغم كيد الكائديين
      اكتب لي ياغالي الحروف ..
      اكتب لي خلي النار تموت والهم يفوت ..
      انا غير حروفك افقد الدنيا
      واضيع
      ,,

    4. #4
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (3)
      قسم مسوم وطنى من حبوبه لرجال البلد

      الشاعرة نجاة محمد الياس
      لابنستسلم ولانا بنركع
      ولا بنسلم ليك شان تشبع
      لا بنلين بالفصل السابع
      ولا بنهاب صاروخ أو مدفع
      ولو تاريخنا معاك ناسيه
      حاول لى تاريخك أرجع
      نحنا الموت رافعين راياتو
      شان اولادنا في أرضنا ترتع
      ونحنا الوطن الراية الكبرى
      شانها الموت الغاية الأنجع
      بالأرواح للعدو نتجندل
      وكل العالم يشهد ويسمع
      لا السودانى في يوم اتخاذل
      ولا باع شبر في ارضو وطبع
      لا بنستسلم ولانا بنركع
      ونرفض قطعاً إنك تدخل
      ارضنا يا طامع في المنبع
      واحد سبعه وصفر السته
      لا بيرهبنا ولا بنتزعزع
      واحد سبعه وصفر السته
      قرار الزيف والعدل الأبشع
      واحد سبعه وصفر السته
      مجلس أمنك بيه يتصدع
      واحد سبعه وصفر السته
      واضح هدفك وسوء المطمع
      تحكم وتصدر وباقى القاضى
      بس ما لينا لليك بخضع
      تلعق في لسانك وتتشهى
      وفاكر إنك تقدر تقنع
      ونحنا بندرك إنك غاصب
      وحالم بي خيراتنا الأروع
      تدخل ؟ واهم إنك قادر
      توجد لقضايانا الأنفع
      وفاكر إننا ممكن نخضع
      وليك نسلم أو نتضرع
      واحد سبعه وصفر السته حينهى غرورك
      عشان حتضوق الموت الأوجع
      حنفر ليك مقبرة أجيافك
      ونسقيك مر ما كنان مُتوقع
      وحنخصب أراضينا بزفرك
      وأشلاء جتتك وبكره حتسمع
      وأرضنا حتطلع يورانيوم
      والبترول حيجرى مترع
      والفوسفات والدهب الأصفر
      ومن مويتنا حنروى ونشبع
      ومن خيرات الأرض الثره
      خيرنا يفيض وبذاتنا بنقنع
      ومهما فرضت حصارك وحربك
      لا بنستسلم ولانا بنركع
      وكان من قبل الفصل السابع
      و واحد سبعه وصفر السته تفكر وترجع
      وتسأل تاريخنا وأمجادو
      حتلقى هزائمك في صفحاتو
      وقائد حلفك فيها الوقع
      نحنا الشعب الهب وقرر
      يكون الموت انبل غاياتو
      شان الموت تاريخاً انصع
      ونحنا دراويشاً إن غضبو
      تجِز الروس تسلخ وتترقع
      لا بنخاف تهديد لا تهمة
      وطنا نموت رافعين راياتو
      وتب ما بتوقع
      ويظل سودان العزة الشامخ
      معروف بين الناس بسماتو
      لا بستجدى ولا بتشفع
      لا زاودنا عليه ولا خنا
      ولا حنبيع في يوم بصماتو
      ولا بتجيب العار جنياتو
      ولا بنستسلم ليك ونركع
      قرار الموت وقعنا عليهو
      نموت واقفين وما فينا الإخضع
      التعديل الأخير تم بواسطة روعه أحمد محمد ; 07-05-2012 الساعة 12:33 AM

    5. #5
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (4)
      السودان الوطن الواحد
      مارس حارس ليس يخون
      الألف
      اللام
      السين
      الواو
      الدال
      الألف
      النون
      السودان الوطن الواحد
      ما قد كان وما سيكون
      *
      مارس ماسك كتف ابريل
      أعظم شعب...
      وأعظم جيل
      نعمَ بنادق لا ترتد
      لصدر الشعب..
      الغدر دخيل
      *
      شعباً صمم فرداً فرد
      هبّ وهدّم حكم الفرد
      وجاهو عديل
      إعصار إعصار
      خطوه بخطوه..
      وايد على ايد
      وسِلّم سِلّم
      ما بنسلم
      وشعب معلم..
      قال اصرار:
      عصينا عصينا
      على الحريه منو بوصينا؟
      نحن الشعب المابحتار..
      اختار اختار
      ديمقراطيه
      بلا أميّه
      بأيدى قويه
      نحفر أعمق..
      نرمى الساس
      للسودان الوطن الحر
      مرفوع الراس
      للحريه بلا دوريّه
      ولا تفتيش
      ولا حق ينداس
      *
      ديمقراطيه عمود النور
      ولما تغطى حقول القمح..
      الأرض البور
      والمكنه تدور
      وترفع صوتك يا مقهور
      وبينا وبين العالم سد
      ينهدّ..
      وسور
      *
      مارس حارس ليس يخون
      الألف
      اللام
      السين
      الواو
      الدال
      الألف
      النون
      السودان الوطن الواحد
      ما قد كان وما سيكون
      التعديل الأخير تم بواسطة روعه أحمد محمد ; 07-05-2012 الساعة 12:33 AM

    6. #6
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (5)
      بلادي
      كلمات الشاعر الكبير اسماعيل حسن

      بلادي أنا
      بلاد ناسا في أول شئ
      مواريثهم كتاب الله
      وخيل مشدود
      وسيف مسنون حداه درع
      وتقاقيبهم تسرج الليل مع الحيران
      وشيخا في الخلاوي ورع
      وكم نخلات تهبهب فوق جروف الساب
      وبقرة حلوبة تتضرع وليها ضرع
      وساقية تصحّي الليل مع الفجراوى
      يبكى الليل ويدلق في جداولو دمع
      يخدر في بلادي سلام
      خدرة شاربي موية النيل
      تخضّر في البوادي زرع
      بلادي أنا بتشيل الناس وكل الناس
      وساع بخيرها لينا يسع
      وتدفق مياه النيل علي الخيران
      بياض الفضة في وهج الهجير بتشع
      بلادي سهول بلادي حقول
      بلادي الجنة للشـافوها ،أو للبرة بيها سمع
      بلادي أنا بلاد ناساً تكرم الضيف
      وحتى الطير يجيها جيعان
      ومن أطراف تقيها شبع
      بلادي الصفقة والطنبور
      وداراتاً ترح بالليل
      وبنوتاً تحاكي الخيل
      ،يشابن زيي جدي الريل
      وشبالن مكنن في طريفو ودع
      بلادي أمان بلادي حنان
      وناسها حنان ،يكفكفوا دمعة المفجوع
      يبدوا الغير علي ذاتهم
      يقسموا اللقمة بيناتهم
      ويدوا الزاد ،حتى إن كان مصيرهم جوع
      يحبوا الدار ،
      يموتوا عشان حقوق الجار
      ويخوضوا النار عشان فد دمعة
      وكيف الحال كان شافوها
      سايلة دموع ؟؟
      ديل أهلى..
      البقيف في الداره وسط الداره
      وأتنبر وأقول للدنيا ديل أهلي
      عرب ممزوجة بي دم الزنوج الحارة
      ديل أهلي
      ديل قبيلتي لما أدور أفصل للبدور فصلي
      أسياد قلبي والإحساس
      وسافر في بحار شوقم زمان عقلي
      أقول بعضى
      ألاقيهم تسربوا فى مسارب الروح بقو كلي
      محل قبلت ألقاهم معايا معايا زي ضلى
      لو ما جيت من زي ديل
      كان أسفاي وأسفاي وآمأساتي وآذلي.
      تصور كيف يكون الحال
      لو ما كنت سوداني وأهل الحارة ما أهلي
      تصور كيف يكون الحال؟
      التعديل الأخير تم بواسطة روعه أحمد محمد ; 07-05-2012 الساعة 12:34 AM

    7. #7
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (6)
      جدودنا زمان وصونا على الوطن

      جدودنا زمان وصونا على الوطن
      على التراب الغالي الما ليهو تمن
      نحن حافظين للوصية
      جوه في قلوبنا الوفية
      ذكراهم بتلهمنا
      وتشجينا بعزيمة قوية
      **************************
      ليك يا بلدنا عاد
      صارفين روح ونية
      صاينين للتراب
      وحافظين للوصية
      جدودنا زمان وصونا على الوطن
      على التراب الغالي الما ليه تمن

      **************************
      بي سواعدنا القوية
      حققنا استقلالنا ورفعنا علم الحرية
      بيهوا الشعب احتفل
      يوم جمع صفوفو
      واتشمر للعمل
      بي وحدة نضالو
      كم حقق أمل
      جدودنا زمان وصونا على الوطن
      على التراب الغالي الما ليه تمن
      التعديل الأخير تم بواسطة روعه أحمد محمد ; 07-05-2012 الساعة 12:35 AM

    8. #8

      افتراضي

      تسلمي روعه ولكي التحية بحجم هذا الوطن الأبي الشامخ .........
      نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    9. #9
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (7)
      فى الفؤاد ترعاه العناية

      كلمات مصطفى التني

      في الفؤاد ترعاه العناية
      بين ضلوعي الوطن العزيز
      لي عداه بسوي النكاية
      وان هزمت بلملم قواي
      غير سلامتك ما لي غاية
      إن شاء الله تسلم وطني العزيز
      ***
      ليه ما ارعي الوطن الرعاني
      والدهاه اشيله واعاني
      الشباب والشيب شجعاني
      قالوا نفدي الوطن العزيز
      ***
      بقاسمه حظه سواده وبياضه
      وايه مرادي انا غير مراده
      ارعي نيله اشجع اولاده
      يشيلوا حمل الوطن العزيز
      ***
      عندي وطني بقضيلي حاجة
      كيف اسيبه واروح لي خواجه
      يغني وطني ويحيجني حاجة
      لي عدوك ياوطني العزيز
      ***
      طبيعي اعشق صيده ورماله
      وما ببيعه واقول مالي ماله
      وما بكون آلة البي حباله
      داير يكتف وطني العزيز
      ***
      علموني اهل الحضارة
      كيف اضوق شان وطني المرارة
      والمحن برضاي اصلي ناره
      خوفي تحرق وطني العزيز
      ***
      شفنا فيه جواب فيافي
      والبطير وبسابق السوافي
      ما مراده عفارم عوافي
      بس يعظم وطني العزيز
      ***
      نحن للقومية النبيلة
      ما بندور عصبية القبيلة
      تربي فينا ضغائن وبيلة
      تزيد مصايب الوطن العزيز
      التعديل الأخير تم بواسطة روعه أحمد محمد ; 07-05-2012 الساعة 12:36 AM

    10. #10
      اذاعي نشيط
      تاريخ التسجيل
      Apr 2011
      الدولة
      الكلاكلة
      المشاركات
      742

      افتراضي

      (8)
      أنا سوداني


      انا سوداني انا انا سوداني انا
      انا سوداني انا انا سوداني انا
      كل أجزائه لنا وطن إذ نباهي به ونفتتن
      نتغنى بحسنه أبدا دونه لا يروقنا حسن
      حيث كنا حدت بنا ذكر ملؤها الشوق كلنا شجن
      نتملى جماله لنرى هل لترفيه عيشه ثمن
      خير هذي الدماء نبذلها كالفدائي حين يمتحن
      بسخاء بجرأة بقوى لا ينئ جهدها ولا تهن
      تستهين الخطوب عن جلد تلك تنهال وهي تتزن
      انا سوداني انا انا سوداني انا
      ايها الناس ايها الناس
      أيها الناس نحن من نفر عمروا الأرض حيث ما قطنوا
      يذكر المجد كلما ذكروا وهو يعتز حين يقترن
      حكموا العدل في الورى زمنا أترى هل يعود ذا الزمن
      ردد الدهر حسن سيرتهم ما بها حطة ولا درن
      نزحوا لا ليظلموا أحدا لا ولا لاضطهاد من امنوا
      وكثيرون في صدورهم تتنزى الأحقاد والإحن
      دوحة العرب أصلها كرم والى العرب تنسب الفطن
      أيقظ الدهر بينهم فتنا ولكم أفنت الورى الفتن
      انا سوداني انا انا سوداني انا
      يا بلادي يا بلادي يا بلادي يا بلادي
      يا بلادي يا بلادي يا بلادي يا بلادي
      يا بلادا حوت مآثرنا كالفراديس فيضها منن
      انا سوداني انا انا سوداني انا
      انا سوداني انا انا سوداني انا
      كل أجزائه لنا وطن إذ نباهي به ونفتتن
      نتغنى بحسنه أبدا دونه لا يروقنا حسن
      حيث كنا حدت بنا ذكر ملؤها الشوق كلنا شجن
      نتملى جماله لنرى هل لترفيه عيشه ثمن
      خير هذي الدماء نبذلها كالفدائي حين يمتحن
      بسخاء بجرأة بقوى لا ينئ جهدها ولا تهن
      تستهين الخطوب عن جلد تلك تنهال وهي تتزن
      انا سوداني انا انا سوداني انا
      ايها الناس ايها الناس
      أيها الناس نحن من نفر عمروا الأرض حيث ما قطنوا
      يذكر المجد كلما ذكروا وهو يعتز حين يقترن
      حكموا العدل في الورى زمنا أترى هل يعود ذا الزمن
      ردد الدهر حسن سيرتهم ما بها حطة ولا درن
      نزحوا لا ليظلموا أحدا لا ولا لاضطهاد من امنوا
      وكثيرون في صدورهم تتنزى الأحقاد والإحن
      دوحة العرب أصلها كرم والى العرب تنسب الفطن
      أيقظ الدهر بينهم فتنا ولكم أفنت الورى الفتن
      انا سوداني انا انا سوداني انا
      يا بلادي يا بلادي يا بلادي يا بلادي
      يا بلادي يا بلادي يا بلادي يا بلادي
      يا بلادا حوت مآثرنا كالفراديس فيضها منن
      فجر النيل في اباطحها يكفل العيش وهي تحتضن
      رقصت تلكم الرياض له وتثنت غصونها اللدن
      وتغنى هزارها فرحا كعشوق حدا به الشجن
      حفل الشيب والشباب معا وبتقديسه القمين عنوا
      نحن بالروح للسودان فدا فلتدم أنت أيها الوطن
      انا سوداني انا انا سوداني انا
      رقصت تلكم الرياض له وتثنت غصونها اللدن
      وتغنى هزارها فرحا كعشوق حدا به الشجن
      حفل الشيب والشباب معا وبتقديسه القمين عنوا
      نحن بالروح للسودان فدا فلتدم أنت أيها الوطن
      انا سوداني انا انا سوداني انا
      التعديل الأخير تم بواسطة روعه أحمد محمد ; 07-05-2012 الساعة 12:36 AM

    صفحة 1 من 16 12311 ... الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •